အားလုံးပဲ မင်္ဂလာပါနော်။ အထိုင်များတဲ့ အလုပ်တွေ၊ ခါးကို အားစိုက်ရတဲ့ အလုပ်တွေက ခါးနာစေပါတယ်။ အသက်အရွယ်ရလာတာနဲ့အမျှ ခါးကို ဂရုစိုက်ရပါတယ်။ ဒါကြောင့် ရက် ၃၀ အချိန်ပေးပြီး တစ်ရက် ၇ မိနစ် ပြုလုပ်ပေးရမယ့် လေ့ကျင့်ခန်းတွေကို ဖော်ပြပါရစေ။
လေ့ကျင့်ခန်း (၁) တင်းနေတဲ့အကြောတွေ ပြေလျော့ဖို့
ခြေထောက်နှစ်ဘက်ကို ခွာထားပါ။ အကွာအဝေးက သင့်တင်ပါးအတိုင်းထက် ပိုကျယ်အောင် ထားပေးပါ။ ခြေထောက်တွေက ဘေးဘက်တွေကို မျက်နှာမူထားပါ။ ဒူးကွေးထားပါ။ လက်ကိုမြှောက်တင်လိုက်ပါ။ ခါးနဲ့ လည်ပင်းကို ဆန့်ထုတ်လိုက်ပါ။
ပြီးနောက် ဒီအနေအထားနဲ့ လက်တွေကို မြေပြင်နဲ့ထိတဲ့အထိ ကွေးလိုက်ပါ။
လက်တွေကို မြေပြင်ပေါ်မှာထားပြီး စက္ကန့်အနည်းငယ်နေပါ။ ပြီးနောက် မတ်တပ်ရပ်အနေအထားပြန်သွားပါ။
ဒီလေ့ကျင့်ခန်းကို စက္ကန့် ၃၀ လောက် လုပ်ပေးပါ။
လေ့ကျင့်ခန်း (၂) ခန္ဓာကိုယ်ပျော့ပြောင်းဖို့
လေးဘက်ထောက်လိုက်ပါ။ လက်တွေကို ပုခုံးနဲ့ တစ်တန်းတည်းထားလိုက်ပါ။ ဒူးကို တင်းပါးနဲ့ တစ်တန်းတည်းထားပါ။ ခြေထိပ်တွေက မြေပြင်နဲ့ ထိနေပါစေ။
ကျောရိုးကို တစ်ဖြောင့်တည်းထားပြီး ဒူးကွေးထားလျက်အနေအထားနဲ့ ဘယ်ဘက်ခြေထောက်ကို ခန္ဓာကိုယ်နဲ့ဝေးရာ ပင့်တင်ပေးပါ။
ပြီးနောက် နဂိုလေးဘက်ထောက်အနေအထားကို သွားပေးပါ။ ညာဘက်ကိုလည်း ဒီလိုပဲ လုပ်ပေးပါ။
ဒီလေ့ကျင့်ခန်းကို စက္ကန့် ၃၀ ကနေ ၆၀ ပြုလုပ်ပေးပါ။
လေ့ကျင့်ခန်း (၃) ခါးကြောတွေ အကြောပြေဖို့
ပုံထဲကပုံစံအတိုင်း ဒူးထောက်ထားပြီး ခန္ဓာကိုယ်ကို ရှေ့ဘက် ဖြေးဖြေးလေးကွေးပေးပါ။ လက်တွေကို ကြမ်းပြင်နဲ့ထိတဲ့အထိ ကွေးသွားပါ။
ဒူးကွေးအနေအထားနဲ့ ခန္ဓာကိုယ်တင်းလာတဲ့အထိ ခါးကို လည်းကွေးပေးပါ။
ခေါင်းကို အောက်ဘက် နှိမ့်ပြီး မေးစေ့နဲ့ ကြမ်းပြင်ထိသွားတဲ့အထိ အကြောဆန့်ပါ။ တံတောင်နဲ့ မြေပြင်မထိမိဖို့တော့သတိထားပါ။
ဒီအနေအထားကို စက္ကန့် ၃၀ ကနေ စက္ကန့် ၆၀ ထားပါ။
လေ့ကျင့်ခန်း (၄) ကိုယ်အနေအထားမှန်ကန်ဖို့
ခန္ဓာကိုယ်ကို ပတ်လတ်လှန်လိုက်ပါ။
ဘယ်လက်နဲ့ ခြေထောက်ကို နဂိုပုံစံအတိုင်းထားပြီး ညာလက်ကို ဦးခေါင်းအထက် မြှောက်တင်ပေးပါ။ ညာဘက်ဒူးကို ခန္ဓာကိုယ်နဲ့ ဝေးရာ မြှောက်တင်ပေးပါ။ ညာဘက် လက်နဲ့ ခြေထောက်က မြေပြင်နဲ့ ထိနေပါစေ။
ပြီးနောက် နဂိုအနေအထားသွားပေးပါ။ တခြားဘက်ကိုလည်း ဒီလိုပဲ လုပ်ပေးပါ။
ဒီလေ့ကျင့်ခန်းကို စက္ကန့် ၃၀ ကနေ စက္ကန့် ၆ဝလုပ်ပေးပါ။
လေ့ကျင့်ခန်း (၅) တင်ပါး အတွက်
ခန္ဓာကိုယ်ကို တစ်ဖြောင့်တည်းထားပြီး ထိုင်လိုက်ပါ။
ဘယ်ခြေထောက်ကို ဆန့်ထားပြီး ညာဘက်ခြေထောက်ကို မြှောက်ပါ။ ညာဒူးကို ကွေးပါ။ ညာဘက် ခြေသလုံးနဲ့ လက်နှစ်ဘက်ကို ဆွဲလိုက်ပါ။
ခြေထောက်ကို ရင်ဘတ်နဲ့ နီးတဲ့အထိ ဆွဲပါ။
ဒီအနေအထားကို စက္ကန့် ၃၀ ကနေ စက္ကန့် ၆၀ ထားပေးပါ။ ဆန့်ကျင်ဘက်ကိုလည်း် ဒီလိုပဲလုပ်ပေးပါ။
ဒီလေ့ကျင့်ခန်းကို ပုံမှန်လုပ်ပေးပါ။ ခေါင်းကိုက်တာတွေလည်း သက်သာလာပါလိမ့်မယ်။
Source: Brightside.me
By MyStyle Myanmar