နဂို နှာတံ မစင်းဘဲနဲ့ နှာတံ စင်းစင်းလေး ရအောင် မိတ်ကပ်နဲ့ ဖန်တီးရတာက တကယ်တော့ မလွယ်ကူတဲ့ အရာပါ။ ဒါကြောင့် နှာတံမဆွဲတတ်ရင် သင့်အနေနဲ့ သင့်ကိုယ်သင် အထင်မသေးသင့်ပါဘူး။ ကိုယ်နဲ့ အဆင်ပြေတဲ့ နည်းလမ်းကို ရှာဖွေပြီး လေ့ကျင့်မယ်ဆိုရင် နှာတံစင်းစင်းလေးကို မိတ်ကပ်လိမ်းပြီး ပိုင်ဆိုင်နိုင်မှာပါ။ ဒီတစ်ခေါက်မှာတော့ သင်သိနိုင်ဖို့ နှာတံ စင်းစင်းလေးဖြစ်စေမယ့် မိတ်ကပ်နည်းလမ်းတွေကို ဖော်ပြပါရစေ။
၁။ တဆင့် မှောင်တဲ့ ဖောင်ဒေးရှင်းကို အရင်သုံးပါ
Photo Source: Top Inspired
နှာတံစင်းဖို့ ပထမဆုံး လိုအပ်တာကတော့ မိတ်ကပ် ဖောင်ဒေးရှင်းကို မျက်နှာပေါ် မှာ ပုံမှန်လိမ်းကာ နှာခေါင်းအတွက်တော့ ၂ ဆင့်လောက် မှောင်တဲ့ ဖောင်ဒေးရှင်းကို လိမ်းပေးသင့်ပါတယ်။ မျက်လုံးအောက်ကနေ စကာ နှာတံဘေး လိမ်းပေးရပါမယ်။
၂။ Contour လုပ်ပါ
Photo Source: Huraira Beauty
နောက်တဆင့်အနေနဲ့တော့ သင့်ဖောင်ဒေးရှင်းထက်ကနေ Contour လုပ်ပေးရပါမယ်။ Contour လုပ်တဲ့အခါ အောက်ခံ ဖောင်ဒေးရှင်းနဲ့ သေချာ Blend ဖြစ်သွားဖို့ အာရုံစိုက်သင့်ပါတယ်။
၃။ Matt Finish
Photo source: YouTube
နှာတံကို လင်းသွားအောင် လုပ်ဖို့ Two Way cake ဒါမှမဟုတ် မိတ်ကပ် Powder Cake နဲ့ နှာတံပေါ် ဆွဲပေးရပါမယ်။ နှာတံကို တောက်သွားအောင် လုပ်တာမျိုးကိုတော့ ရှောင်သင့်ပါတယ်။
၄။ Blush ခြယ်ပါ
Photo Source: Yahoo
နှာတံစင်းဖို့ နှာတံကိုပဲ အာရုံစိုက်တာမျိုးလည်း မဖြစ်သင့်ပါဘူး။ သင့်ပါးနီကို သေချာ ခြယ်မယ်ဆိုရင် နှာတံပေါ် အာရုံမစိုက်မိစေဘဲ နှာတံ စင်းတယ် ထင်ရစေပါတယ်။
၅။ Bronzer
Photo Source: wikiHow
Bronzer ကလည်း နှာတံ သေးဖို့ ချတဲ့ နေရာမှာ အသုံးဝင်တဲ့ အလှကုန်ပစ္စည်းပါ။ သင့်အသားအရေ Skin Tone နဲ့ ကွက်တိကျတဲ့ Bronzer မျိုးတော့ ဖြစ်သင့်ပါတယ်။
၆။ Loose Powder
Photo Source: My Face Hunter
ဒီအဆင့်ကတော့ Loose Powder ကို သုံးရမယ့် အဆင့်ပါ။ Loose Powder က နှာခေါင်း အဆီပြန်တာမျိုး မဖြစ်အောင် ထိန်းပေးထားနိုင်ပါတယ်။
၇။ နှုတ်ခမ်းနီ
Photo Source: Pinterest
Blusher အဆင့်လိုပဲ ထပ်လိုတဲ့ အဆင့်ကတော့ နှုတ်ခမ်းနီကို အလှဆုံး ဆိုးတာပါ။ ဒီလို ဆိုးလိုက်တဲ့အခါ နှာတံကို အာရုံမစိုက်စေဘဲ နှုတ်ခမ်းနီကိုပဲ အာရုံစိုက်သွားစေပါတယ်။
By MyStyle Myanmar
