စိုးရိမ်သောကရောက်သလို ခံစားနေရတဲ့အချိန်မှာ ကြည့်သင့်တယ်လို့ ဖော်ပြခြင်းခံထားရတဲ့ K-Dramas 7 ခုကို မျှဝေပေးလိုက်ပါတယ်။ အကြောင်းကိစ္စတစ်ခုခုကြောင့် စိုးရိမ်သောကရောက်နေရင် သင်တစ်ယောက်ထဲ အဆင်မပြေတာမဟုတ်ဘူး၊ သင်တစ်ယောက်ထဲ ခက်ခဲနေတာမဟုတ်ဘူး၊ လူတိုင်းမှာ အခက်အခဲနဲ့ စိုးရိမ်သောကတွေ၊ stress တွေရှိပါတယ်။ ဒါကြောင့် သင့်မှာရှိနေတဲ့ အဆင်မပြေမှုတွေကို ဒီ Drama တွေကြည့်ပြီး မေ့ပျောက်လိုက်ပါ။
1. Kill Me, Heal Me
Ji Sung နဲ့ Hwang Jung Eum တို့ရဲ့ Drama ဖြစ်တဲ့ “Kill Me, Heal Me” ကလေးဘဝထဲကရခဲ့တဲ့ သူ့ရဲ့ စိတ်ဒဏ်ရာတွေကို ဘယ်လိုကုစားနိုင်သွားမလဲဆိုတဲ့ mental health နဲ့ပတ်သက်တာမျိုးကို ကြည့်ရမယ့် Drama ဖြစ်ပါတယ်။
2. Touch Your Heart
Lee Dong Wook နဲ့ Yoo In Na တို့ရဲ့ ဒီ Drama ကိုတော့ တော်တော်များများလည်း ကြည့်ဖူးကြမှာပါ။ ဒီ Drama ထဲမှာ သူတို့နှစ်ယောက်ရဲ့ Chemistry မိမှုက အရမ်းချစ်ဖို့ကောင်းပြီး စိတ်အမောပြေစရာလေးဖြစ်လို့ ကြည့်သင့်တဲ့ Drama ပါ။
3. Fated to Love You
Jang Nara ကိုကြိုက်တဲ့သူတွေ ကြည့်သင့်ပါတယ်။ ရိုလည်းရိုသလို ရယ်လည်းရယ်ရတာကြောင့် စိုးရိမ်သောကတွေ ပြေပျောက်သွားမှာပါ။
4. Dr. Romantic
စိတ်ဓာတ်ကျနေချိန်၊ ဘဝမှာအဆင်မပြေမှုတွေနဲ့ ကြုံတွေ့နေရတဲ့အချိန်တွေမှာ စိတ်ခွန်အားပေးနိုင်တဲ့ Drama လို့တောင် ပြောလို့ရပါတယ်။ ဆရာဝန်ကားဆိုပေမယ့် အရမ်းကောင်းတာကြောင့် ကြည့်ကြည့်ပါ။
5. I Am Not a Robot
ချစ်စရာကောင်းပြီး စိတ်ပျော်ရွှင်မှုရစေမယ့် Drama မျိုးဖြစ်ပါတယ်။ ကြည့်ပြီးသားသူတွေရှိသလို မကြည့်ရသေးတဲ့သူတွေလည်း ရှိမှာပါ။
6. I’ll Go to You When the Weather is Nice
စိုးရိမ်သောကတွေကို healing လုပ်ပေးနိုင်မယ့် Drama ကောင်းလေးဖြစ်ပါတယ်။ အေးတိအေးစက်ဖြစ်လို့ ပျင်းစရာကောင်းတယ် မထင်ပါနဲ့။ ဇာတ်လမ်းအရမ်းကောင်းပါတယ်။
7. Fight My Way
ဘဝမှာ အကြောင်းအမျိုးမျိုးကြောင့် အဆင်မပြေမှုတွေနဲ့ ကြုံတွေ့ရတိုင်း ဒီ Drama လေးကိုကြည့်ပြီး စိတ်ခွန်အားရယူလိုက်ပါ။ ကြိုးစားရင် အရာရာအဆင်ပြေသွားမယ်ဆိုတာကို တွေ့ရပါလိမ့်မယ်။
source:www.soompi.com
