ဆံပင်ကျွတ်ပြီး ခြောက်သွေ့လွယ်တဲ့သူတွေအတွက် သင့်တော်တဲ့ Hair Mask (၇) မျိုး

မင်္ဂလာပါ ပျိုမေတို့ရေ။ ဆံသားခြောက်ပြီး ဆံပင်အရမ်းကျွတ်လို့ စိတ်ရှုပ်နေပြီဆိုရင် Hair Mask တွေနဲ့ ပေါင်းတင်ပေးတာက အမြန်ဆုံးသက်သာဖို့ ထိရောက်တဲ့နည်းတစ်ခုပါနော်။ အာနိသင်ကောင်းတဲ့ Hair Mask တွေက ဆံသားအတွက်လိုအပ်တဲ့ အစိုဓာတ်နဲ့ ဗီတာမင်ဓာတ်တွေဖြည့်ပေးနိုင်လို့ ဆံနွယ်လေးတွေ အုံထူပြီး ပြန်လည်သန်စွမ်းလာချင်သူတိုင်းအတွက် အသုံးတည့်ပါတယ်။ အထူးသဖြင့် ဆေးဆိုးထားတဲ့ ဆံသားပိုင်ရှင်တွေမှာ ဆံပင်က ပိုပြီး ခြောက်သွေ့ပျက်စီးလွယ်တာမို့ Conditioner နဲ့အတူ Hair Mask လေးတွေပါ ပုံမှန်သုံးသင့်ပါတယ်နော်။

Hair Mask ကို သဘာဝပစ္စည်းတွေနဲ့ ကိုယ်တိုင်လုပ်နိုင်သလို မလုပ်ချင်သူတွေက ဈေးအသင့်အတင့်နဲ့ လူသုံးများတဲ့ ပစ္စည်းတွေကို စမ်းကြည့်နိုင်ပါတယ်။ ဒီတစ်ခေါက်မှာ ဝယ်သုံးဖို့ စိတ်ဝင်စားတဲ့သူတွေအတွက် သုံးရအဆင်ပြေမယ့် Hair Mask တွေကို ဖော်ပြပေးသွားမှာပါ။ ဖော်ပြထားတဲ့ တံဆိပ်တော်တော်များများက လူသုံးများသလို အပင်နဲ့ သဘာဝပစ္စည်းတွေအခြေခံထားတာမို့ ဦးရေပြားကိုအားဖြည့်ပေးတဲ့အပြင် အစိုဓာတ်ပြည့်ဝပြီး ဆံပင်ကျွတ်သက်သာတဲ့ အာနိသင်အပြည့်အဝရစေမှာပါ။