သင့်ဆံသားကျန်းမာပြီး ဆံပင်အရှည်မြန်စေဖို့ အားဖြည့်ပေးမယ့် အစားအစာ (၇) မျိုး

ကိုယ်စားသုံးတဲ့ အစားအသောက်တွေက ကိုယ်ခန္ဓာကျန်းမာရေးအပြင် ဆံသားအတွက်ပါ သက်ရောက်မှု ရှိကြပါတယ်။ ဒါကြောင့် ဆံသားပျက်စီးတဲ့ပြဿနာကြုံတွေ့ရတတ်တဲ့ ပျိုမေတို့အနေနဲ့ ဆံသားကျန်းမာရေးကို အားဖြည့်ပေးပြီး ဆံပင်အရှည်မြန်အောင်ကူညီပေးနိုင်မယ့် အစားအသောက်တွေကို ပြောင်းလဲစားသုံးဖို့ လိုပါတယ်။ အခုဖော်ပြပေးမှာကတော့ ဆံသားကျန်းမာရေးအပြင် ကိုယ်ခန္ဓာအတွက်ပါ ကောင်းမွန်စေတဲ့ အစားအစာတွေ အကြောင်းပဲဖြစ်ပါတယ်။ သင်ကဆံပင်အားပြည့်ပြီးအရှည်မြန်ချင်တယ်ဆိုရင် အောက်မှာ ပါဝင်တဲ့ အစားအသောက်တွေကို ပုံမှန်စားသုံးဖို့မမေ့ပါနဲ့နော်။

ပါဝင်တဲ့အစားအသောက်တွေကတော့-

၁။ ဆာမွန်ငါး

ဆာမွန်ငါးရဲ့အဆီအနှစ်ဖြစ်တဲ့ Omega-3 Fatty Acids ဓာတ်ဟာဆိုရင် ဆံပင်နဲ့ နှလုံးကျန်းမာရေးကို အထူးကောင်းမွန်စေနိုင်တာကြောင့် ဆံသားကျန်းမာစေဖို့ စားသုံးသင့်တဲ့ ငါးအမျိုးအစားဖြစ်ပါတယ်။

၂။ ဟင်းနုနွယ်

ကျန်းမာရေးအတွက် ကောင်းကျိုးများစွာပေးနိုင်တဲ့ဟင်းသီးဟင်းရွက်တွေထဲမှာ ဟင်းနုနွယ်ရွက်လည်း အပါအဝင်ပါပဲ။ ဟင်းနုနွယ်မှာ သံဓာတ်၊ ဗီတာမင် A နဲ့ C စတဲ့ အာဟာရဓာတ်မျိုးစုံပါဝင်နေပြီး သူ့မှာပါတဲ့ ဗီတာမင် A က ဆံပင်အရှည်မြန်ပြီးကျန်းမာသန်စွမ်းစေဖို့ အထောက်အပံ့ပေးနိုင်ပါတယ်။

၃။ အစေ့အဆံများ

အစေ့အဆံတွေမှာ ဆံပင်အတွက်အားဖြည့်ပေးနိုင်တဲ့ ကယ်ဆီယမ်၊ မဂ္ဂနီဆီယမ်နဲ့ သဘာဝအဆီဓာတ်တွေ ပါဝင်ပါတယ်။ ဆံပင်ပါးတဲ့သူတွေအနေနဲ့ အစေ့အဆံတွေစားသုံးခြင်းက ဆံပင်ထူပြီးသန်စွမ်းလာစေနိုင်ပါတယ်။ များသောအားဖြင့် ဗာဒံစေ့နဲ့ သစ်ကြားသီးတွေက ဆံသားကျန်းမာရေးအတွက် စားသုံးပေးသင့်တဲ့ အစေ့အဆံတွေပဲဖြစ်ပါတယ်။

၄။ ကန်စွန်းဥ

ကန်စွန်းဥဟာလည်း ဗီတာမင် A ကြွယ်ဝတဲ့အစားအစာဖြစ်တာကြောင့် ဆံသားကျန်းမာရေးကို အထောက်အကူပြုပါတယ်။ ဒါ့အပြင် ကန်စွန်းဥမှာ ဆံသားပါးခြင်းနဲ့ ဆံပင်အရောင်မွဲခြင်းပြဿနာကို ပျောက်ကင်းအောင်ကူညီပေးနိုင်တဲ့ဓာတ်တွေပါဝင်နေပါတယ်။

၅။ ဥအမျိုးမျိုး

ဥအမျိုးမျိုးမှာပါဝင်တဲ့ ပရိုတင်းဓာတ်က ကိုယ်ခန္ဓာနဲ့ဆံသားကျန်းမာရေးအတွက်များစွာအကျိုးပြုနိုင်တာကြောင့် စားသုံးသင့်တဲ့အစားအစာဖြစ်ပါတယ်။ ကြက်ဥအနှစ်က သင့်ဆံသားစိုပြေတောက်ပြောင်စေဖို့ လိုအပ်တဲ့ သဘာဝအဆီဓာတ်တွေဖြည့်တင်းပေးနိုင်ပါတယ်။

၆။ ဘယ်ရီသီးများ

ဘယ်ရီသီးတွေမှာ ဦးရေပြားအတွင်းသွေးလည်ပတ်မှုကောင်းမွန်စေတဲ့ ဗီတာမင် C ဓာတ်တွေကြွယ်ဝစွာ ပါဝင်ပါတယ်။ များသောအားဖြင့် ဘလူးဘယ်ရီသီးတွေဟာ ဆံသားကျန်းမာစေမယ့် အာဟာရဓာတ်များစွာ ပါဝင်နေတဲ့အသီးတွေပဲဖြစ်ပါတယ်။

၇။ မြေပဲထောပတ်