အမျိုးသမီး Kpop Idol အများအပြားက ဒီနှစ်ပိုင်းမှာ သူတို့ရဲ့ ရှုမငေးနိုင်တဲ့ Visual အလှတွေကြောင့် လူပြောများ ရေပန်းစားလာကြပါတယ်။ ဒီလို Viral ဖြစ်ရခြင်းနောက်ကွယ်မှာ သူတို့ရဲ့ ရေပန်းစားလာရခြင်း Moment ကိုယ်စီ ရှိကြပါတယ်။ ဒီ Idol တွေက ဘယ်သူတွေ ဖြစ်မလဲ ကြည့်လိုက်ရအောင်-

၁။ LE SSERAFIM’s Kazuha

LE SSERAFIM အဖွဲ့ဝင် Kazuha ကိုတော့ HYBE နဲ့ Source Music ရဲ့ မိန်းကလေးအဖွဲ့သစ် မိတ်ဆက်ပွဲမှာ အားလုံးက သတိထားမိကြတာပါ။ သူမ လမ်းလျှောက်ဝင်လာတာနဲ့ကို အားလုံးရဲ့ မျက်လုံးက သူမ ဆီမှာပါပဲ။

၂။ aespa’s Winter

ပါးဖောင်းလေးကို စုပြလိုက်တဲ့ Moment ကြောင့် ချစ်တဲ့သူ ပိုများလာတဲ့ Winter က သူမ အနား ဖြတ်သွားသူတွေကို လည်ပြန်ငေးနိုင်အောင်အထိ စွမ်းဆောင်နိုင်ပါတယ်။

၃။ (G)-IDLE’s Minnie

(G)-IDLE အဖွဲ့ရဲ့ Comeback Stage ဖြစ်တဲ့ Tomboy သီချင်းမှာ Minnie က အထင်ရှားဆုံး ဖျော်ဖြေနိုင်ခဲ့တာပါ။ သူမက သီချင်းရဲ့ Concept နဲ့ ထိမိအောင်ကို သီဆိုဖျော်ဖြေနိုင်ခဲ့ပါတယ်။

၄။ Red Velvet’s Joy

Joy က သူမ သီဆိုရတဲ့ အပိုင်းတွေမှာ အကောင်းဆုံး လုပ်ပြပြီး ပရိတ်သတ်တွေရဲ့ အားပေးမှုကို ရယူသူပါ။ သူမရဲ့ “confetti” move ကလည်း ဘယ်လိုမှ မေ့မရနိုင်တဲ့ ဖျော်ဖြေမှု တစ်ခုပါ။

၅။ NMIXX’s Sullyoon

NMIXX အဖွဲ့ကတော့ JYP Entertainment ရဲ့ မိန်းကလေး အဖွဲ့သစ် ဖြစ်ပါတယ်။ Sullyoon ကသူမရဲ့ နူးညံ့တဲ့ မျက်နှာအစိတ်အပိုင်းတွေနဲ့အတူ အရုပ်မလေးနဲ့ တူတဲ့ သွင်ပြင်ကြောင့် မိတ်ဆက်စမှာတင် Viral ဖြစ်လာသူပါ။

၆။ BILLLIE’s Tsuki

Tsuki က BILLLIE အဖွဲ့ရဲ့ GingaMingaYo သီချင်းမှာ Viral စဖြစ်လာတာပါ။ သီချင်းစာသားအလိုက် ပြောင်းလဲသွားတဲ့ သူမရဲ့ ဖျော်ဖြေမှု အမူအရာကို ပရိတ်သတ်တွေက ချစ်မဝ ဖြစ်နေကြတာပါ။

၇။ IVE’s Wonyoung

Wonyoung ကတော့ ဒီ Visual List ထဲမှာ လုံးဝ ချန်ထားလို့ မရတဲ့ Idol တစ်ယောက်ပါ။ သူမက Fancam, Interview နဲ့ Live Performance ပွဲတွေမှာ အပြစ်ပြောစရာမရှိတဲ့ အလှကြောင့် ကျော်ကြားလာတာပါ။ Love Dive ထဲက Narcissistic စာသားမှာ သူမရဲ့ အမူအရာက Viral ဖြစ်ရခြင်းထဲက အကြောင်းတစ်ခုပါပဲ။

Photo Source: Pinterest

By MyStyle Myanmar