အထိုင်များလို့၊ ဒေါက်ဖိနပ်စီးလို့ စသဖြင့် အကြောင်းအမျိုးမျိုးကြောင့် ခါးနာလေ့ရှိတဲ့သူတွေက ခါးနာတာက ဒဏ်ဖြစ်မသွားအောင် အရမ်းမဆိုးခင်မှာ လေ့ကျင့်ခန်းလေးတွေ ပုံမှန်လုပ်ပေးသင့်ပါတယ်။ လေ့ကျင့်ခန်းလုပ်ပေးတာက ပိုက်ဆံမကုန်ပဲ ခါးနာတာသက်သာစေမယ့် နည်းလမ်းကောင်းပါပဲ။
ဒါကြောင့် မိနစ်ပိုင်းအတွင်းမှာ ခါးနာတာသက်သာစေမယ့် လေ့ကျင့်ခန်း ၇ မျိုးကို မျှဝေပေးလိုက်ပါတယ်။
လေ့ကျင့်ခန်း ၁
ပုံမှာလုပ်ပြထားတဲ့အတိုင်း ခြေထောက်တစ်ဖက်ကို လက်နဲ့ကိုင်ပြီး ၁၀ စက္ကန့် မြှောက်ထားပါ။ အချိန်ပြည့်ရင် ပြန်ချ၊ ပြီးရင် နောက်ထပ် ၁၀စက္ကန့် ထပ်မြှောက်ပါ။ ၂ ကြိမ်လုံးလုပ်ပြီးရင်တော့ နောက်ခြေထောက်တစ်ဖက်ကိုလည်း အဲ့အတိုင်း လုပ်ပေးပါ။ ဘယ်ညာတစ်လှည့်စီ တစ်ဖက်ကို ၁၀ စက္ကန့် ၂ ကြိမ်စီပါ။
လေ့ကျင့်ခန်း ၂
ပုံမှာလုပ်ပြထားတဲ့အတိုင်းပဲ ခြေထောက်နှစ်ဖက်ကိုကွေးပြီး လက်နှစ်ပိုက်ထားပါ။ မျက်စိမှိတ်ထားပြီး စက္ကန့် ၂၀ နေပေးပါ။ အချိန်ပြည့်ရင် ခြေထောက်ပြန်ချ၊ ပြီးရင် အဲ့အတိုင်းပြန်ကွေးပြီး စက္ကန့် ၂၀ ထပ်နေပေးပါ။
လေ့ကျင့်ခန်း ၃
ကြမ်းမှာလှဲပြီး ခြေထောက်တစ်ဖက်ကို ဖြောင့်တန်းနေအောင် ဆင်းထားပါ။ နောက်ခြေထောက်တစ်ဖက်ကတော့ ပုံထဲကလို ရင်ဘတ်နဲ့ထိအောင်ကွေးပြီး လက်နဲ့ပိုက်ထားပါ။ အဲ့အတိုင်း စက္ကန့် ၂၀ နေ၊ ပြီးရင် ခြေထောက်ပြန်ချ၊ ပြီးရင် အဲ့အတိုင်းထပ်လုပ်ပြီး စက္ကန့် ၂၀ ထပ်နေပေးပါ။ အချိန်ပြည့်ရင် ခြေထောက်ကို ဘယ်ညာပြောင်းပြီး အဲ့အတိုင်း စက္ကန့် ၂၀၊ ၂ ကြိမ်စီ ထပ်လုပ်ပေးရပါမယ်။
လေ့ကျင့်ခန်း ၄
ဒီလေ့ကျင့်ခန်းကျတော့ ပုံမှာလုပ်ပြထားတဲ့အတိုင်း စက္ကန့် ၃၀ နေပေးရမှာပါ။ အချိန်ပြည့်ရင် ခဏရပ်ပြီး အဲ့အတိုင်းပြန်လုပ်ကာ စက္ကန့် ၃၀ ထပ်နေပေးရပါမယ်။ ဒါလည်း ဘယ်ညာတစ်လှည့်စီ တစ်ဖက်ကို စက္ကန့် ၃၀၊ ၂ ကြိမ်စီ လုပ်ရမှာပါ။
လေ့ကျင့်ခန်း ၅
လက်နှစ်ဖက်ကို ဘေးဆန့်ထားပြီး Bodyနဲ့ ခြေထောက်အနေအထားကိုလည်း ပုံမှာလုပ်ပြထားသလို မှန်အောင်လုပ်ပေးပါ။ မျက်စိမှိတ်ထားပြီး အဲ့အတိုင်း စက္ကန့် ၃၀ နေပေးပါ။ အချိန်ပြည့်ရင် ပုံမှန်အတိုင်းပြန်နေပြီး ခဏနေရင် စက္ကန့် ၃၀ ထပ်နေပေးပါ။ ၂ ကြိမ်လုံးလုပ်ပြီးရင်တော့ ထုံးစံအတိုင်း နောက်တစ်ဖက်ပြောင်းပြီး စက္ကန့် ၃၀၊ ၂ ကြိမ်ထပ်လုပ်ပေးပါ။
လေ့ကျင့်ခန်း ၆
ဒီလေ့ကျင့်ခန်းကတော့ အလွယ်ဆုံးပါပဲ။ Body ကို မတ်မတ်ရပ်ပြီး ခြေထောက်တစ်ဖက်ကိုကွေးပါ။ ဖနောင့်က တင်ပါးနဲ့ထိနေရပါမယ်။ လက်နဲ့ကိုင်ထားပေးပါ။ အဲ့အတိုင်း စက္ကန့် ၃၀ နေပေးပြီး အချိန်ပြည့်ရင် ခြေထောက်ပြန်ချ၊ ပြီးရင် နောက်ထပ် စက္ကန့် ၃၀ ထပ်လုပ်ပေးပါ။ ၂ ကြိမ်လုံးပြီးရင် ခြေထောက်နောက်တစ်ဖက်ကိုကွေးပြီး အဲ့အတိုင်း စက္ကန့် ၃၀၊၂ ကြိမ် လုပ်ပေးပါ။
လေ့ကျင့်ခန်း ၇
လက်တင်ဖို့၊ လက်ထောက်ဖို့ ခုံ (သို့) နံရံကို အသုံးပြုပေးပါ။ ပြီးရင် ပုံမှာလုပ်ပြထားသလို လုပ်ပေးပြီး စက္ကန့် ၃၀ နေပေးရပါမယ်။ ခြေထောက်နှစ်ဖက်လုံးက လုံးဝမကွေးပဲ ဆန့်တန်းနေရပါမယ်။ အချိန်ပြည့်ရင် ပုံမှန်အတိုင်းပြန်နေ၊ ပြီးရင် အဲ့အတိုင်း စက္ကန့် ထပ်လုပ်ပေးပါ။ စုစုပေါင်း စက္ကန့် ၃၀၊ ၃ ကြိမ်လုပ်ရမှာ ဖြစ်ပါတယ်။
