ပခုံးနာရင်ပဲဖြစ်ဖြစ်၊ ဇာတ်ကြောတက်ရင်ပဲဖြစ်ဖြစ် နေရတာနုံးချိပြီး ခေါင်းလေးနေသလို ဖြစ်တတ်ပါတယ်။ ဒီလိုဖြစ်လာရင် အကိုက်အခဲပျောက်ဆေးတွေ သောက်မယ့်အစား လေ့ကျင့်ခန်း လုပ်ကြည့်ပါ။ လေ့ကျင့်ခန်းက ပုံမှန်လုပ်ပေးရင် လုပ်ပေးသလောက် အကျိုးရှိစေပါတယ်။ ဒါကြောင့် ပခုံးနာတာနဲ့ ဇာတ်ကြောတက်တာတွေ သက်သာစေမယ့် လေ့ကျင့်ခန်း ၇ ခုကို မျှဝေပေးလိုက်ပါတယ်။
Wall Slides လေ့ကျင့်ခန်း
နံရံမှာကပ်ပြီးတော့ လက်နှစ်ဖက်ကို ပုံမှာပြထားတဲ့အတိုင်း ကွေးလိုက်၊ မြှောက်လိုက်နဲ့ လုပ်ပေးရမှာပါ။ ၁၀ ကြိမ်လုပ်ပေးရင် ရပါတယ်။
Shoulder Scaption လေ့ကျင့်ခန်း
အလေးတုံးရှိရင် အလေးတုံးကိုင်ပြီး အလေးတုံမရှိရင် ရေသန့်ဘူးဝိတ်ညီတာကို နှစ်ဘူးကိုင်ပြီး လုပ်လို့ရပါတယ်။ လက်ကိုအောက်ချထားလိုက်၊ ပုံထဲကလို အရှေ့ကို ဆန့်ထုတ်လိုက်နဲ့ ၁၀ ကြိမ်လုပ်ပေးရမှာ ဖြစ်ပါတယ်။
Posterior Capsular Stretch လေ့ကျင့်ခန်း
ပုံမှာလုပ်ပြထားတဲ့အတိုင်း လက်ကို ဘယ်ညာတစ်လှည့်စီ လုပ်ပေးရမှာပါ။ တစ်ဖက်ကို ၁၀ ကြိမ်စီ လုပ်ပေးပါ။
Side-Lying External Rotation လေ့ကျင့်ခန်း
ပုံမှာလုပ်ပြထားတဲ့အတိုင်း နေပေးပြီး လက်တစ်ဖက်က အလေးတုံးကိုကိုင်ပြီး မြှောက်လိုက်၊ ပြန်ချလိုက် လုပ်ပေးရမှာပါ။ အလေးမရှိလည်း ရေသန့်ဘူးသုံးလို့ရပါတယ်။ ဘယ် ၁၀ ကြိမ်၊ ညာ ၁၀ ကြိမ်စီ ပြောင်းလုပ်ပေးပါ။
Open Books လေ့ကျင့်ခန်း
ကြမ်းပြင်မှာ ပုံထဲကလိုလှဲနေပြီး လက်ဖဝါးနှစ်ဖက်ကို စုပြီး အရှေ့ကို ဆန့်ထုတ်ထားပါ။ ပြီးရင် လက်နှစ်ဖက်ကို ဘေးကားလိုက်ပါ။ အဲ့အတိုင်း ပြန်စုလိုက် ပြန်ကားလိုက်နဲ့ ဘယ်ညာတစ်လှည့်စီ တစ်ဖက်ကို ၁၀ ကြိမ် လုပ်ပေးပါ။
Standing Rows လေ့ကျင့်ခန်း
ကြိုးနဲ့လုပ်ရတဲ့ လေ့ကျင့်ခန်းဖြစ်တဲ့အတွက် အဲ့ဒီကြိုးကို ဝယ်ရမှာပါ။ မရှိရင် ပုံမှာပြထားတဲ့အတိုင်း ကြိုးကိုဆွဲလိုက်၊ ပြန်ဆန့်ထုတ်လိုက်နဲ့ လုပ်ပေးရမှာ ဖြစ်ပါတယ်။
Shoulder W လေ့ကျင့်ခန်း
ကြမ်းပြင်မှာမှောက်နေပြီး လက်နှစ်ဖက်ကို ပုံမှာပြထားတဲ့အတိုင်း W ပုံစံလုပ်ပေးပါ။ ပြီးရင် လက်နှစ်ဖက်ကို အပေါ်ကြွလိုက်၊ ပြန်ချလိုက်နဲ့ လုပ်ပေးပါ။ ၁၀ ကြိမ်လောက်လုပ်ပေးရင် ရပါတယ်။
