မင်္ဂလာပါ ပျိုမေလေးတို့ရေ… ပျိုမေလေးတို့အားလုံး သေးသွယ်တဲ့ပေါင်တံလေးတွေပဲ ပိုင်ဆိုင်ချင်ကြမယ်ဆိုတာ ရဲရဲကြီး အာမခံရဲပါတယ်။ ပေါင်တံတုတ်ခိုင်တဲ့သူတစ်ယောက်အနေနဲ့ ပေါင်တံသေးသွယ်သွားဖို့ဆိုရင် ဒီအတိုင်းထိုင်နေလို့မရပါဘူး။ လေ့ကျင့်ခန်းမှန်မှန်ပြုလုပ်ပေးရမှာပါ။
အချိန်အများကြီးပေးပြီး ပင်ပင်ပန်းပန်း လေ့ကျင့်ခန်းလုပ်စရာမလိုပါဘူး။ တစ်နေ့ကို ၁၀ မိနစ် အချိန်ပေးရုံနဲ့တင် လုံလောက်ပါတယ်။ ဘယ်လိုလေ့ကျင့်ခန်းတွေ လုပ်ရမလဲဆိုတာ ဆက်ဖတ်ကြည့်လိုက်ရအောင်။
လေ့ကျင့်ခန်း (၁)
အရင်ဆုံး ခြေထောက်ကို ချဲထားပြီး မတ်တပ်ရပ်နေပါ။ ထိုင်ခုံမှာ ထိုင်တော့မယ့်အလား တင်ပါးကို နောက်ပစ်ပြီး ထိုင်တဲ့ပုံသဏ္ဍာန်ပြုလုပ်ပါ။ အကြိမ် ၃၀ ပြုလုပ်ပေးရပါမယ်။
လေ့ကျင့်ခန်း (၂)
အရင်ဦးဆုံး ခြေထောက်နှစ်ချောင်းကို ထပ်ထားပြီး လက်တစ်ဖက်ကို ထောက်ထားကာ ဘေးတစောင်းလှဲလျောင်းနေပါ။ ထို့နောက် ထပ်ထားသော ခြေထောက်တစ်ချောင်းကို အပေါ်မြှောက်ပေးလိုက်ပါ။ အကြိမ်ရေ ၃၀ ပြည့်ပါက အခြားတစ်ဖက်သို့ လှဲလျောင်းပြီး ထိုနည်းအတိုင်း ထပ်မံပြုလုပ်ပေးလိုက်ပါ။
လေ့ကျင့်ခန်း (၃)
အရင်ဦးဆုံး ဒူးထောင်ထားပြီး လက်နှစ်ဖက်ကို ခန္ဓာကိုယ်ဘေးဘက်ကပ်ထားကာ လှဲလျောင်းနေပါ။ ထို့နောက် ပုံပါအတိုင်း တင်ပါးကို အပေါ်မြှောက်လိုက်ပါ။ ဒူးခေါင်းကနေ ပုခုံးအထိ မျဉ်းဖြောင့်အစောင်းပုံသဏ္ဍာန် ဖြစ်နေရပါမယ်။
လေ့ကျင့်ခန်း (၄)
ခါးမတ်မတ်ထားပြီး ထိုင်နေပါ။ ခြေဖဝါးနှစ်ဖက်ကို ပူးထားပါ။ ပေါင်နှစ်ဖက်ကို ကြမ်းပြင်နဲ့ ထိကပ်နိုင်သလောက်ထိကပ်ထားပါ။ ထိုအနေအထားအတိုင်း စက္ကန့် ၃၀ တစ်မိနစ် တောင့်ထားပါ။ သက်တောင့်သက်သာအနေအထားပြန်နေပြီးနောက် ၁၀ ကြိမ် ပြုလုပ်ပါ။
လေ့ကျင့်ခန်း (၅)
ခြေထောက်နှစ်ဖက်ကို အနည်းငယ်ချဲထားပါ။ ညာခြေကို ဘေးဘက်သို့ ကွေးညွှတ်လိုက်ပါ။ ထိုအချိန်မှာ ဘယ်ခြေက ပုံပါအတိုင်း တစ်ဖြောင့်တည်းဖြစ်သွားပါလိမ့်မယ်။ မူလအနေအထားအတိုင်း ပြန်နေပါ။ ဘယ်ခြေကို ဘေးဘက်သို့ ဆန့်ထုတ်လိုက်ပြီး ၉၀ ဒီဂရီ ကွေးညွှတ်လိုက်ပါ။
လေ့ကျင့်ခန်း (၆)
ခြေထောက်နှစ်ဖက် ချဲထားပြီး မတ်တပ်ရပ်နေပါ။ ထို့နောက် လက်နှစ်ဖက်ကို အပေါ်မြှောက်ကာ ခုန်လိုက်ပါ။ ထိုကဲ့သို့ ခုန်လိုက်တဲ့ပုံသဏ္ဍာန်က ကြယ်ပုံသဏ္ဍာန်ဖြစ်နေရပါမယ်။ မူလအနေအထားအတိုင်း ပြန်နေပါ။ ၁၀ ကြိမ် ပြုလုပ်ပေးရပါမယ်။
လေ့ကျင့်ခန်း (၇)
လက်နှစ်ဖက်ကို ခန္ဓာကိုယ်ဘေးဘက်ကပ်ပြီး လှဲလျောင်းနေပါ။ ထို့နောက် ခြေထောက်နှစ်ဖက်ကို ၄၅ ဒီဂရီဖြစ်အောင် ဆွဲမလိုက်ပါ။ ထို့နောက် ညာခြေကို ဘယ်ခြေထပ် ပိုမြှင့်မြှင့် မြှောက်လိုက်ပါ။ ဘယ်ညာ တစ်လှည့်စီ ကတ်ကြေးပုံသဏ္ဍာန် အပေါ်အောက် မြှောက်ပေးရပါမယ်။ အကြိမ် ၃၀ ၂ ကြော့ ပြုလုပ်ပေးလိုက်ပါ။
အခုဖော်ပြသွားတဲ့ လေ့ကျင့်ခန်းတွေကို နေ့စဉ်မှန်မှန်ပြုလုပ်ပေးမယ်ဆိုရင် ပေါင်မှာရှိတဲ့အဆီပိုတွေ ကျသွားမှာပဲဖြစ်ပါတယ်။
Source: brightside.me
