ကယ်လိုရီတွေလောင်ကျွမ်းပြီး အဆီပိုတွေ လျော့ကျသွားစေဖို့အတွက် TV ကြည့်ရင်းနဲ့တောင် အေးဆေးလုပ်လို့ရတဲ့ လေ့ကျင့်ခန်း ၇ မျိုးကို မျှဝေပေးလိုက်ပါတယ်။
Palm down exercise
မတ်တပ်ရပ်ပြီး ပုံမှာပြထားတဲ့အတိုင်း လက်နှစ်ဖက်ကို လေ့ကျင့်ခန်းလုပ်ပေးရမှာ ဖြစ်ပါတယ်။ ပုံစံနှစ်မျိုးကို တစ်လှည့်စီ အကြိမ် ၃၀ လုပ်ပေးပါ။ လက်မောင်းက အဆီပိုတွေ လျော့ကျပြီး လက်မောင်း ကျစ်လစ်စေပါတယ်။
Chest fly variation
မတ်တပ်ရပ်ပြီး ပထမပုံမှာပြထားတဲ့အတိုင်း လက်နှစ်ဖက်ကိုထားပါ။ ပြီးရင် ဒုတိယပုံထဲကလို မျက်နှာရှေ့မှာ လက်နှစ်ဖက်ကို ပြန်စုပါ။ ပြီးရင် လက်မောင်းအားထည့်ပြီး ပထမပုံထဲကလို ပြန်ကားပါ။ အဲ့အတိုင်း အကြိမ် ၃၀ လုပ်ပေးပါ။
High knees
လက်အနေအထားကို ပုံထဲကလိုထားပြီး ခြေထောက်တစ်ဖက်ကို ပုံထဲကအတိုင်း ကွေးပြီးမြှောက်ပါ။ အဲ့အတိုင်း ခြေထောက်ကို ဘယ်ညာတစ်လှည့်စီ ဆက်တိုက် အမြန်လုပ်ပေးပါ။ ဒါလည်း အကြိမ် ၃၀ လုပ်ရမှာပါ။
Chair squat
ထိုင်ခုံနဲ့ squat ထိုင်ပေးရမှာ ဖြစ်ပါတယ်။ ခြေထောက်နှစ်ဖက်ကို နည်းနည်းကားရပ်ပြီး ဒုတိယပုံထဲကလို ထိုင်တဲ့အနေအထား လုပ်ရပါမယ်။ ဒါပေမယ့် ခုံပေါ်မထိုင်ချပါဘူး။ အကြိမ် ၃၀ လုပ်ပေးရင် ရပါပြီ။
Standing oblique twist
ပထမပုံထဲကအနေအထားအတိုင်း အရင်နေရပါမယ်။ ခြေချောင်းတွေက အပြင်ဘက်ကို လှည့်နေရမှာပါ။ လက်နှစ်ဖက်ကိုလည်း ကားထားပါ။ ပြီးရင် ကားထားတဲ့ လက်နှစ်ဖက်ကို ဒုတိယပုံထဲကလို ၉၀ ဒီဂရီ လုပ်ပေးပါ။ အဲ့အတိုင်း နှစ်မျိုးကို ဆက်တိုက် ၁၅ ကြိမ်လုပ်ပေးပါ။ အကြိမ်ရေပြည့်ရင် ဘယ်ညာပြောင်းပြီး ၁၅ ကြိမ် ထပ်လုပ်ပေးပါ။
Seated body lift
ခုံပေါ်မှာ ပထမပုံထဲကလို ထိုင်ပေးပါ။ ပြီးရင် ဒုတိယပုံထဲကလို လက်ကိုပဲ အားထည့်ပြီး အပေါ်ကို နည်းနည်းကြွရမှာပါ။ အဲ့အတိုင်း စက္ကန့် ၃၀ ရအောင်နေပေးပါ။ အချိန်ပြည့်ရင် ပထမပုံထဲကလို ပြန်နေပြီး ထပ်လုပ်ပေးပါ။ ၃ ကြိမ်လုပ်ပေးရင် ရပါပြီ။
Booty burn
လက်အနေအထားကို ပုံထဲကအတိုင်း ထားပေးပါ။ ပထမပုံထဲကလို ခြေထောက်တစ်ဖက်ကို မြှောက်ပါ။ ပြီးရင် ဒုတိယပုံထဲကလို မြှောက်ထားတဲ့ခြေထောက်က အနောက်ဘက်ကို ကွေးပြီးရွေ့လိုက်ပါ။ ပြီးရင် ပထမပုံထဲကလို ပြန်မြှောက်ပါ။ အဲ့အတိုင်း ဘယ်ညာတစ်လှည့်စီ တစ်ဖက်ကို ၁၅ ကြိမ် လုပ်ပေးရင် ရပါပြီ။
