လက်မောင်း Muscles ထွက်ချင်ပေမယ့် Gym သွားဆော့ဖို့လည်း အချိန်မပေးနိုင်တဲ့သူတွေအတွက် အိမ်မှာလုပ်လို့ရမယ့် လေ့ကျင့်ခန်း ၇ ခုကို မျှဝေပေးလိုက်ပါတယ်။ ၃ ရက်လုပ်၊ ၁ ရက်နား ပုံစံမျိုးနဲ့ လုပ်ပေးသွားရင် အဆင်ပြေပါတယ်။
Wall Push-ups
နံရံကိုလက်ထောက်ပြီး ပုံမှာလုပ်ပြထားတဲ့ အနေအထားနှစ်မျိုးအတိုင်း လုပ်ပေးရုံပါပဲ။ လက်မောင်းကို အားထည့်ပြီးလုပ်ပေးပါ။ အကြိမ် ၂၀၊ ၃၀ လောက် လုပ်ပေးရင် ရပါပြီ။
Floor Dips
ဒီလေ့ကျင့်ခန်းကိုလည်း အကြိမ် ၂၀၊ ၃၀ လောက် လုပ်ပေးရမှာပါ။ လက်အနေအထားကို ပုံမှာလုပ်ပြထားတဲ့အတိုင်း သေချာမှန်အောင်လုပ်ပေးပါ။
Plank Up-downs
ဒီလေ့ကျင့်ခန်းမှာတော့ ပုံမှာလုပ်ပြထားတဲ့ အနေအထား ၃ မျိုးလုံးပြီးမှ ၁ ကြိမ်လို့ သတ်မှတ်ရပါမယ်။ အဲ့အတိုင်း အကြိမ် ၂၀ လုပ်ပေးပါ။
Arm Circles
လက်မောင်းလှည့်တဲ့လေ့ကျင့်ခန်းကတော့ လက်နှစ်ဖက်ကို သေချာဆန့်ထားပြီး အရှေ့ကနေစလှည့်ပါ။ စက္ကန့် ၃၀ လှည့်ပေးပါ။ အချိန်ပြည့်ရင် အနောက်ကနေ စက္ကန့် ၃၀ ထပ်လှည့်ပါ။
Wall Angels
နံရံမှာကပ်ပြီး လက်နှစ်ကို ပုံမှာလုပ်ပြထားသလို ကွေးလိုက်၊ ပြန်ဆန့်လိုက်နဲ့ အကြိမ် ၂၀၊ ၃၀ လုပ်ပေးပါ။ လက်မောင်းကို အားထည့်ညှစ်ပြီး လုပ်ပေးပါ။
Plank Shoulder Tap
ဘယ်လက်ကိုထောက်ပြီး ညာလက်က ဘယ်ဘက်လက်မောင်းကိုထိ၊ ပြီးရင် ညာလက်ကိုထောက်ပြီး ဘယ်လက်က ညာဘက်လက်မောင်းကို ထိပေးပါ။ အဲ့အတိုင်း ဘယ်ညာတစ်လှည့်စီ ဆက်တိုက် အကြိမ် ၂၀၊ ၃၀ လုပ်ပေးပါ။
Decline Push-ups
ခြေထောက်ကို ကုတင် (သို့) ခုံပေါ်တင်ပြီး ဒိုက်ထိုးသလိုမျိုး လုပ်ပေးရမှာ ဖြစ်ပါတယ်။ လုပ်ပေးရမယ့် အကြိမ်အရေအတွက်ကတော့ အကြိမ် ၃၀ ပါ။
