တင်မရှိလို့ စိတ်ညစ်နေတဲ့သူတွေနဲ့ တင်ထွက်ချင်တဲ့သူတွေအတွက် တင်ပါးထွက်လာစေဖို့ကူညီပေးမယ့် ထိရောက်သောယောဂကျင့်စဉ် ၇ မျိုးကို မျှဝေပေးလိုက်ပါတယ်။ အိမ်မှာပဲ လွယ်လွယ်ကူကူလုပ်လို့ရမယ့် ယောဂကျင့်စဉ်တွေဖြစ်တာကြောင့် တင်ထွက်ချင်တယ်ဆိုရင်တော့ Try ကြည့်သင့်ပါတယ်။ ယောဂကျင့်ပေးခြင်းက စိတ်တည်ငြိမ်စေပြီး သွေးလည်ပတ်မှုလည်း ကောင်းမွန်စေပါတယ်။
1. Locust Pose
ပုံမှာပြထားတဲ့ အနေအထားအတိုင်း ခြေထောက်ကို မြှောက်ပြီးဆန့်၊ လက်နှစ်ဖက်ကိုလည်း အနောက်ပို့ပြီး ဆန့်ထားပါ။ အဲ့အတိုင်း အနည်းဆုံး စက္ကန့် ၃၀ ကနေ စက္ကန့် ၆၀ အထိ ကိုယ်နေနိုင်သလောက် နေပေးပါ။
2. Upward Plank Pose
ပုံမှာပြထားတဲ့အတိုင်း လက်ဖဝါးနဲ့ ခြေဖဝါးကို ကြမ်းနဲ့ထောက်ပြီး ထိထားရမှာပါ။ ဒီယောဂကျင့်စဉ်ကိုလည်း ပုံမှာပြထားတဲ့ Upward Plank Pose အတိုင်း အနည်းဆုံး စက္ကန့် ၃၀ ကနေ စက္ကန့် ၆၀ အထိ နေပေးရမှာပါ။
3. Crescent Pose
ပုံမှာပြထားတဲ့ Crescent Pose အတိုင်း ခြေထောက်တစ်ဖက်ကို အရှေ့ထုတ်ပြီး ကွေးထားပါ။ နောက်ခြေထောက်တစ်ဖက်က အနောက်ကိုဆန့်ထားပါ။ ခေါင်းကိုအနောက်နည်းနည်းလှန်ပြီး လက်နှစ်ဖက်ကိုလည်း မြှောက်ထားပါ။ အဲ့အတိုင်း စက္ကန့် ၃၀ ကနေ စက္ကန့် ၆၀ အထိ နေပေးပါ။ အချိန်ပြည့်ရင် ခြေထောက်ကို ဘယ်ညာပြောင်းပြီး ထပ်လုပ်ပေးပါ။
4. Warrior 2 Pose
ဒီယောဂကျင့်စဉ်ဆိုလည်း လက်နှစ်ဖက်ကိုဆန့်ပြီး ခြေထောက်က ပုံမှာလုပ်ပြထားတဲ့အတိုင်း သေချာတူအောင်လုပ်ပေးရပါမယ်။ အဲ့အနေအထားနဲ့ အနည်းဆုံး စက္ကန့် ၃၀ နေပေးပါ။ အချိန်ပြည့်ရင် ခြေထောက်ပုံစံကို ဘယ်ညာပြောင်းလုပ်ပြီး အနည်းဆုံး စက္ကန့် ၃၀ ထပ်နေပေးပါ။
5. Triangle Pose
ဒီယောဂကျင့်စဉ်မှာတော့ ပုံမှာပြထားတဲ့အတိုင်း ခြေထောက်နဲ့လက်ကို ဆန့်ထားရပါမယ်။ ဒါလည်း အနည်းဆုံး စက္ကန့် ၃၀ နေပေးရမှာဖြစ်ပြီး ခြေထောက်ပုံစံကို ဘယ်ညာတစ်လှည့်စီ ပြောင်းလုပ်ရမှာပဲ ဖြစ်ပါတယ်။
6. Half Moon Pose
ဒီယောဂကျင့်စဉ်ကတော့ လက်ထောက်ဖို့ တစ်ခုခုယူထားပါ။ ပြီးရင် ပုံမှာပြထားတဲ့အတိုင်း လက်နှစ်ဖက်ကို ဆန့်တန်းထားပြီး ခြေထောက်တစ်ဖက်က ဘေးကိုတန်းနေအောင် မြှောက်ထားရမှာပါ။ အဲ့ပုံစံအနေအထားနဲ့ အနည်းဆုံး စက္ကန့် ၃၀ နေပေးရမှာဖြစ်ပြီး အချိန်ပြည့်ရင် ခြေထောက်ပုံစံကို ဘယ်ညာပြောင်းပြီး ထပ်နေပေးပါ။
7. Dance Pose
ဒီယောဂကျင့်စဉ်ကတော့ နည်းနည်းခက်တဲ့အတွက် ပုံမှာပြထားတဲ့ အနေအထားနဲ့ ၁၅ စက္ကန့်ကနေ စက္ကန့် ၃၀ အတွင်း နေနိုင်ရင်ရပါပြီ။ အချိန်ပြည့်ရင်တော့ ဘယ်ညာပြောင်းပြီး ထပ်လုပ်ပေးရပါမယ်။
