လည်ပင်းနာတာကိုသက်သာစေမယ့် အလွယ်ကူဆုံးလေ့ကျင့်ခန်း ၇ မျိုး

လည်ပင်းနာနေတဲ့သူတွေအတွက် လည်ပင်းနာတာကိုသက်သာစေမယ့် အလွယ်ကူဆုံး လေ့ကျင့်ခန်း ၇ မျိုးကို မျှဝေပေးလိုက်ပါတယ်။ ဒီလေ့ကျင့်ခန်းတွေက လည်ပင်းနာတာကို သက်သာစေမယ့်အပြင် ဇာတ်ကြောတက်တာကိုလည်း သက်သာစေပါတယ်။

လေ့ကျင့်ခန်း ၁

ပုံမှာပြထားတဲ့အတိုင်း လက်ဖဝါးနှစ်ဖက်ကိုစုပြီး အပေါ်မြှောက်ပါ။ ပြီးရင် ဒုတိယပုံထဲကလို ကျောကိုညှစ်ပြီး လုပ်ပေးပါ။ ပြီးရင် လက်ပြန်မြှောက်ပါ။ အဲ့အတိုင်း ၂ မျိုးကို ဆက်တိုက်လုပ်ပေးရမှာပါ။ လုပ်ရမယ့်အချိန်ကတော့ ၁ မိနစ် ပြည့်အောင် လုပ်ရပါမယ်။

လေ့ကျင့်ခန်း ၂

ပုံမှာပြထားတဲ့အတိုင်း ဘယ်လက်ကိုမြှောက်ပြီး အနောက်ပို့၊ ညာလက်ကို အနောက်ပို့၊ ပြီးရင် လက်နှစ်ဖက်ကို အနောက်မှာချိန်ထားရမှာပါ။ အဲ့အတိုင်း စက္ကန့် ၃၀ ပြည့်အောင်နေပေးပါ။ အချိန်ပြည့်ရင် ညာလက်ကိုမြှောက်ပြီး အနောက်ပို့၊ ဘယ်လက်ကိုအနောက်ပို့ပြီး ခုနလိုပဲ စက္ကန့် ၃၀ ထပ်နေပေးပါ။ ဘယ်ညာတစ်လှည့်စီ လုပ်ပေးရတာမျိုး ဖြစ်ပါတယ်။

လေ့ကျင့်ခန်း ၃

လက်နှစ်ဖက်က ပုံမှာပြထားတဲ့အတိုင်း ခေါင်းကိုကိုင်ပြီး ခေါင်းကိုအောက်နည်းနည်းငုံ့ထားပါ။ အဲ့အတိုင်း စက္ကန့် ၃၀ နေပေးရုံပါပဲ။

လေ့ကျင့်ခန်း ၄

မတ်မတ်ရပ်ပြီး လက်နှစ်ဖက်ကိုဘေးကပ်ထားပါ။ ခေါင်းကိုလည်း တည့်တည့်ထားပါ။ ပြီးရင်တော့ ပုံမှာပြထားတဲ့အတိုင်း ပခုံးကိုအပေါ်ပင့်လိုက်၊ အောက်ပြန်ချလိုက်နဲ့ စက္ကန့် ၃၀ ပြည့်အောင် ဆက်တိုက်လုပ်ပေးရမှာ ဖြစ်ပါတယ်။

လေ့ကျင့်ခန်း ၅

ပုံမှာပြထားတဲ့အတိုင်း လက်နှစ်ဖက်ကို ခေါင်းပေါ်မှာ လက်အုပ်ချီထားပေးပါ။ ပြီးရင်တော့ ခေါင်းကို ဘယ်လှည့်၊ ညာလှည့် လုပ်ပေးရမှာပါ။ စက္ကန့် ၃၀ ပြည့်အောင် ဆက်တိုက်လုပ်ပေးရပါမယ်။

လေ့ကျင့်ခန်း ၆

ပထမပုံထဲကလိုနေပြီး ဒုတိယပုံထဲကလို နံရံဘက်ကလက်ကို အနောက်ဆန့်ပြီး နံရံမှာကပ်ထားပါ။ နောက်လက်တစ်ဖက်က ဗိုက်ကိုကိုင်ထားပါ။ ပြီးရင် ပထမပုံထဲကလိုပြန်ပါ။ အဲ့အတိုင်း ၂ မျိုးကို ဆက်တိုက် စက္ကန့် ၃၀ ပြည့်အောင် လုပ်ရပါမယ်။ အချိန်ပြည့်ရင် လက်ကို ဘယ်ညာပြောင်းပြီး စက္ကန့် ၃၀ ပြည့်အောင် ထပ်လုပ်ပေးပါ။

လေ့ကျင့်ခန်း ၇

ပုံမှာပြထားတဲ့အတိုင်း လက်နှစ်ချောင်းကို မေးစိမှာထိထားပြီး ခေါင်းကိုရှေ့ဆန့်ထုတ်လိုက်၊ နောက်ပြန်ဆုတ်လိုက်နဲ့ လုပ်ပေးရမှာဖြစ်ပါတယ်။ ဒါလည်း စက္ကန့် ၃၀ လုပ်ပေးရမှာပါ။

source:www.brightside.me