မိတ်ကပ်လိမ်းတဲ့အခါမှာ တော်တော်များများသတိမထားမိပဲလုပ်နေကြတဲ့အမှား ၇ ခု

မိတ်ကပ်လိမ်းတဲ့အခါမှာ သတိထားမိကြတဲ့ အမှားတွေလည်းရှိသလို တော်တော်များများ သတိမထားမိပဲ လုပ်နေကြတဲ့အမှားတွေလည်း ရှိပါတယ်။ ဒါကြောင့် သတိမထားမိပဲလုပ်နေကြတဲ့ အမှား ၇ ခုကို ပြောပြပေးလိုက်ပါတယ်။

Moisturizer မလိမ်းခြင်း

မိတ်ကပ်မလိမ်းခင်မှာ တော်တော်များများက moisturizer လိမ်းဖို့ကို မေ့နေတတ်ကြပါတယ်။ Moisturizer လိမ်းမှ မိတ်ကပ်ဆွဲလို့ကောင်းပြီး အသားအရေစိုစိုကြည်ကြည်လေး ဖြစ်နေမှာပါ။

Lighting မကောင်းတဲ့နေရာမှာလိမ်းခြင်း

တော်တော်များများ သတိမထားမိတာကတော့ မီးရောင် lighting မကောင်းတဲ့နေရာမှာ မိတ်ကပ်လိမ်းချလိုက်တာပါပဲ။ အပြင်လည်းရောက်ရော မျက်နှာမဲနေတာမျိုး၊ တအားဖြူပြီး ပြာနေတာမျိုးတွေ ဖြစ်လာပါတယ်။ ဒါကြောင့် မိတ်ကပ်လိမ်းတော့မယ်ဆိုရင် lighting က အရမ်းကိုအရေးကြီးပါတယ်။

Eyeshadow အများကြီးခြယ်ခြင်း

Eyeshadow ခြယ်တဲ့အခါမှာ ပုံမှန်လေးပဲခြယ်ပါ။ အများကြီးခြယ်မိရင် မျက်ခွံကြီးကသက်သက်ဖြစ်ပြီး ကြည့်ရဆိုးစေပါတယ်။

Bronzer အများကြီးသုံးခြင်း

Bronzer မသုံးတတ်ရင် မသုံးတာက ပိုကောင်းပါတယ်။ မသုံးတတ်ပဲ အများကြီးသုံးလိုက်မိရင် မျက်နှာကြီးမှောင်ပြီး ညိုသလို ဖြစ်သွားစေတာကြောင့် သတိထားဖို့လိုပါတယ်။

ပါးနီအများကြီးခြယ်ခြင်း

ပါးနီကို natural ဆန်ဆန်လေးခြယ်တာပဲ ကောင်းပါတယ်။ လိုတာထက်ပိုပြီး အများကြီးခြယ်မိရင် ပါးနေရာကြီးက ထင်းပြီး ကြည့်ရဆိုးစေပါတယ်။ ကိုယ်ပြင်ထားတဲ့ မိတ်ကပ် look ကိုတောင် ပြောင်းလဲသွားစေတာကြောင့် သတိထားဖို့လိုပါတယ်။

Highlighter သုံးတဲ့နေရာမှားနေခြင်း

Highlighter သုံးမယ်ဆိုရင် ပါးရိုးနေရာ၊ မေးစိ၊ နှာတံ၊ နဖူးအလယ်၊ အပေါ်နှုတ်ခမ်းအထက်နေရာလေးတွေကို သုံးပေးရပါတယ်။ ဒါမှ glow look လေးနဲ့ လှနေမှာပါ။ Highlighter သုံးတဲ့နေရာမှားနေရင် အဖြူအကွက်လိုတွေဖြစ်ပြီး မညီမညာမိတ်ကပ် look လိုဖြစ်သွားစေပါတယ်။

Brush တစ်ခုထဲနဲ့ Eyeshadow အရောင်စုံသုံးခြင်း