သံစဉ်နဲ့ သီချင်းတွေက သင့်စိတ်ကို အမျိုးမျိုးပြောင်းလဲစေတဲ့ အရာတွေထဲမှာပါဝင်ပါတယ်။ သင့်ကို လွမ်းဆွေးစေနိုင်သလို စိတ်ဖိစီးမှုလည်း လျော့ကျစေနိုင်ပါတယ်။ ကိုယ်စိတ်ညစ်တဲ့အချိန်မှာ အဆွေးသီချင်းတွေ နားထောင်တာက အိုင်ဒီယာကောင်းမဟုတ်သေးပါဘူး။ စိတ်ညစ်တဲ့အချိန် ကိုယ့်စိတ်ကို တက်ကြွစေမယ့် သီချင်း ပျော်ရွှင်စေမယ့် သီချင်းတွေ နားထောင်သင့်ပါတယ်။ ဒီသီချင်းတွေကတော့ သင့်တစ်နေ့တာကို ပိုပျော်ရွှင်စေမယ့် သီချင်းတွေဖြစ်ပါတယ်။

၁။ Pocketful of Sunshine- Natasha Bedingfield

ဒီသီချင်းစာသားမှာ ပါဝင်တဲ့ Take me Away to better Days “ငါ့ကို ပိုကောင်းတဲ့ ရက်တွေဆီ ခေါ်ဆောင်သွားပါ” ဆိုတဲ့ စကားလေးက ရင်ထဲ တကယ်ထိပါတယ်။

၂။ Lucky – Jason Mraz and Colbie Caillat

အချစ်ဆုံး သူငယ်ချင်းနဲ့ ချစ်မိတာက ကံကောင်းခြင်းတစ်မျိုးဖြစ်ကြောင်း စုံတွဲသီဆိုထားတဲ့ Jason နဲ့ Colbie Caillat သီချင်းလေးက သင့်စိတ်ကို ကြည်နူးစေမှာပါ။

၃။ Moves like Jagger – Maroon 5 Ft. Christina Aguilera

ဒီသီချင်းလေးက စလာကတည်းက လေချွန်သံလေးနဲ့ မြူးမြူးလေး စထားပါတယ်။ ဒီသီချင်းက စိတ်ညစ်လာတဲ့အချိန်တိုင်းနားထောင်သင့်တဲ့ သီချင်းတစ်ပုဒ်ပါ။ Moves Like Jagger ဆိုတဲ့ အတိုင်း သီချင်းသံကြားတာနဲ့ သင်ပါ အတူ ကခုန်လို့ရပါတယ်။

၄။ Love Game- Lady Gaga


Lady Gaga ရဲ့ သီချင်းဟောင်းတွေဖြစ်တဲ့ The Fame, The Fame Monster သီချင်းတွေက သီချင်းကောငး်တွေပါ။ ဒီထဲ Love Game လည်းပါဝင်ပါတယ်။ Love Game သီချင်းကို နားထောင်ပြီးနောက်မှာတော့ သင်ကိုယ်တိုင် လိုက်ကချင်စိတ်ဖြစ်နေပါလိမ့်မယ်။

၅။ E.T – Katy Perry Ft. Kanye West

ET သီချင်း Beat တွေက ထူးခြားပြီးတော့ နားထောင်လို့ကောင်းပါတယ်။ သီချင်း အဓိပ္ပာယ်ကတော့ ချစ်ရတဲ့ကောင်လေးက ညို့အားအပြည့်နဲ့ ကမ္ဘာသစ်တစ်ခုကို ခေါ်ဆောင်သွားနိုင်လောက်တဲ့အထိ ဆွဲဆောင်နိုင်တယ်လို့ ဆိုထားတာပါ။

၆။ Empire State of Mind – Jay Z Ft. Alicia Keys

ဒီသီချင်းကတော့ “New York” မြို့အကြောင်းကို သီဆိုထားတဲ့ Jay Z ရဲ့သီချင််းပါ။ New York မြို့က သွားလည်သင့်တဲ့ မြို့တွေထဲ တစ်မြို့အပါအဝင်ပါ။ သင်က ဒီသီချင်းနားထောင်ရင်းနဲ့ New York မြို့ရဲ့ လူစည်ကားမှု၊ လှပမှုတွေကို တစ်ပါတည်း စီးမြောခံစားနိုင်ပါတယ်။

၇။ I’m Yours – Jason Mraz

Jason Mraz သီချင်းတွေက သင့်ကို မြူးကြွစေတဲ့ ရသအပြည့်ပေးနိုင်ပါတယ်။ I’m Yours သီချင်းက Jason Mraz ရဲ့ အကောင်းဆုံးသီချင််းတွေထဲက ထိပ်တန်းအကောင်းဆုံးလို့ ပြောလို့ရပါတယ်။ ဒီသီချင်းနားထောင်ပြီးနောက် သင့်စိတ်ပိုပြီး လန်းဆန်းလာပါလိမ့်မယ်။

သင်ကော စိတ်ညစ်လာရင် ပိုပျော်အောင် ဘယ်လိုသီချင်းတွေ နားထောင်လေ့ရှိလဲ။ ပြောပြခဲ့ပါဦး။

Photo Source: Pinterest

By MyStyle Myanmar