အားလုံးပဲ မင်္ဂလာပါနော်။ အခုနောက်ပိုင်းမှာ ဆံသားပုံသွင်းမယ်ဆိုရင် အချိန်ကုန်သက်သာအောင် အိမ်မှာပဲ ကိုယ်တိုင်ပုံသွင်းကြတာများလာပါပြီ။ ဒီလိုလုပ်တဲ့အခါ ဆံသားကိုကာကွယ်ထားခြင်းမရှိဘူးဆိုရင် စက်အပူတွေနဲ့ တိုက်ရိုက်ထိမိရာကတစ်ဆင့် ဆံပင်အဖျားနှစ်ခွထွက်တာ၊ ဆံသားခြောက်သွေ့တာတွေ ဖြစ်လာတတ်လို့ ပုံမသွင်းခင် အပူခံ Spray ကို မဖြစ်မနေ အရင်ဆုံးသုံးဖို့ လိုပါတယ်။ ဒီတစ်ခေါက်မှာ ကိုယ်တိုင်ဆံပင်ပုံသွင်းနေကျ ပျိုမေတို့အတွက် အသုံးဝင်စေမယ့် ဈေးကွက်ထဲက လူသုံးများတဲ့ အကောင်းဆုံး Hair Spray အချို့ကို ဖော်ပြပေးလိုက်ပါတယ်။
Tresemme Thermal Creations Heat Tamer Leave In Spray
ဖြန်းရပေါ့ပါးကာ ဖြောင့်စက်၊ ကောက်စက်နှစ်မျိုးလုံးအတွက်သုံးနိုင်ပြီး ပုံသွင်းပြီးနောက်မှာလည်း ဆံပင်ကိုရွရွလေးဖြစ်စေမယ့် Leave In Spray ဖြစ်ပါတယ်။
Tresemmé Tres Two Ultra Fine Mist Aerosol Hairspray
နောက်ထပ် Tresemmé တံဆိပ်ဖြစ်တဲ့ ဒီ Mist Aerosol Hairspray လေးကလည်း ၂၄ နာရီ စေးကပ်မှုမရှိစေဘဲ အနံ့လည်းသင်းသင်းလေးနဲ့ သုံးလို့ကောင်းတဲ့ပစ္စည်းလေးပါ။
Moroccanoil Luminous Hairspray
နေ့စဉ်နီးပါးသုံးတဲ့သူတွေအတွက်အဆင်ပြေမယ့် Hairspray လေးပါနော်။ Hairstyllist တွေကိုယ်တိုင်ညွှန်းထားတဲ့ Product ဖြစ်ပြီး ဆံပင်ပုံသွင်းပြီးနောက်မှာလည်း ကြာရှည်ခံစေပါတယ်။
Shea Moisture’s Hold & Shine Moisture Mist
Shea Moisture Hairspray ကိုတော့ ဆံသားအစိုဓာတ်ပေးပြီး ဆံပင်ကောက်သားပုံသွင်းရာမှာ သုံးလို့ကောင်းတဲ့ပစ္စည်းအဖြစ်လူသိများပါတယ်။ သူက ဆံပင်မဖြောင့်ခင်သုံးမယ်ဆိုရင် အနည်းငယ်စေးကပ်နိုင်ပေမယ့် ကောက်စက်မသုံးခင် ဖြန်းပေးရင်တော့ အကောက်ကြာရှည်ခံပြီး ဆံပင်အုံဖွဖွလေးဖြစ်စေမှာပါ။
L’Oréal Paris Elnett Satin Hairspray
ဒီ Hairspray ရဲ့ထူးခြားတဲ့အာနိသင်ကတော့ သုံးပြီးတဲ့နောက် ဆံပင်ဖြီးရလွယ်ပြီး ပုံသွင်းရမြန်စေတာပါ။ တော်တော်များများနဲ့မစိမ်းတဲ့ L’Oréal တံဆိပ်ဖြစ်တာမို့ သုံးကြည့်တာမမှားပါဘူး။
Schwarzkopf Ultime Styliste Biotin & Volume Hair Spray
ဆံပင်ပါးသူတွေအတွက် စေးကပ်ခြင်းမဖြစ်ဘဲ ဆံလုံးဖောင်းဖောင်းလေးမြင်ရစေမယ့် Hairspray ဖြစ်ပါတယ်။ စိမ့်ဝင်လွယ်တာမို့ ဖြန်းပြီးနောက်မှာ ရေစိုနေသလို စေးကပ်နေတာမျိုးမဖြစ်စေပါဘူး။
Herbal Essences Bio-Renew Alcohol-Free Hairspray
ပုံမှန်အားဖြင့် Hairsprays တွေမှာ Alcohol ပါတာမို့ တဖြည်းဖြည်းဆံသားခြောက်သွေ့တာနဲ့ ကြုံရမှာပါ။ ဆိုးဆေး Chemical တွေနဲ့ထိထားပြီးသား ဆံသားပိုင်ရှင်တွေဆိုရင် Alcohol မပါတဲ့ Herbal Essences ရဲ့ ဒီ Hairspray လေးသုံးပေးတာ အကောင်းဆုံးပါပဲ။
Photo Source: Pinterest
By MyStyle Myanmar
