ခြောက်သွေ့ခြင်းကင်းပြီး နူးညံ့စိုပြေတဲ့လက်အသားအရေအတွက် အကောင်းဆုံး Hand Cream (၇) မျိုး

အားလုံးပဲမင်္ဂလာပါ။ အေးပြီးခြောက်သွေ့လွယ်တဲ့ရာသီကိုရောက်လာပြီဖြစ်လို့ လက်အရေပြား အစိုဓာတ်ခန်းခြောက်မှုမရှိအောင် ဂရုစိုက်ပေးဖို့လိုလာပါပြီနော်။ ရာသီဥတုအေးတာ၊ ရေအထိများတာတွေကြောင့် လက်အရေပြားခြောက်သွေ့လာတဲ့အခါ အရေးအကြောင်းပေါ်တာ၊ အသားပတ်တာနဲ့၊ အသားကြမ်းတမ်းကွဲအက်တာတွေ အလွယ်တကူ ဖြစ်လာတတ်ပါတယ်။ သင့်အနေနဲ့ စိုပြေချောမွေ့တဲ့ လက်အိအိလေးရဖို့ Hand Cream ကိုမနက်၊ည နှစ်ကြိမ်ခန့်ပုံမှန်သုံးပေးဖို့လိုပါတယ်။

ဒီတစ်ခေါက်မှာတော့ လက်အသားအရေထိန်းသိမ်းချင်သူတွေအတွက် အစိုဓာတ်ကောင်းကောင်းပေးနိုင်တဲ့ အကောင်းဆုံး Hand Cream တွေအကြောင်းကိုမျှဝေပေးသွားမှာပါ။

Mamonde Flower Scented Hand Cream

ပန်းအနံ့လေးတွေကြိုက်တဲ့သူတွေနဲ့သင့်တော်တဲ့ Hand Cream ဖြစ်ပါတယ်။ ခြောက်သွေ့ကြမ်းတမ်းနေတဲ့လက်အသားအရေကိုအစိုဓာတ်ရစေပြီး နူးနူးညံ့ညံ့လေးဖြစ်စေပါတယ်။ လိမ်းပြီးတဲ့နောက်အေးအေးလေးနဲ့ လန်းဆန်းတဲ့အနံ့လေးရစေမှာပါ။

Innisfree Olive Real Moisture Hand Cream

Innisfree ရဲ့ Olive Hand Cream ကရောင်းအားအကောင်းဆုံးထဲမှာပါဝင်တဲ့ Product တစ်ခုဖြစ်ပါတယ်။ သူ့မှာ သံလွင်သီး၊ လိမ္မော်သီးနဲ့ Lemon တို့ကရရှိတဲ့အဆီအနှစ်တွေပါဝင်ပြီး ၂၄ နာရီနီးပါးအရေပြား အစိုဓာတ်ထိန်းပေးနိုင်ပါတယ်။

Nature Republic Aloe Vera Hand Cream

ရှားစောင်းလက်ပတ်ပါဝင်တာကြောင့် အရေပြားအတွင်းပိုင်းအထိအစိုဓာတ်ရစေပါတယ်။ ဒီ Cream က အသားပတ်ပြီးကွဲအက်နေတဲ့ အရေပြားကိုသက်သာစေတဲ့အပြင် စေးကပ်မှုမရှိစေတဲ့ Formula ပါဝင်တာကြောင့် လိမ်းရတာ ပေါ့ပေါ့ပါးပါးဖြစ်စေပါတယ်။

A’Pieu Madecassoside Hand Cream

A’Pieu ရဲ့ Madecassoside Hand Cream က ကြမ်းတမ်းပျက်စီးနေတဲ့ အသားအရေကို ပြန်လည်သက်သာစေပြီး အရေအကြောင်းမပေါ်စေဖို့ ကူညီပေးနိုင်ပါတယ်။ သူ့ကိုတော့ လက်အရေပြားတင်မကဘဲ တံတောင်၊ ဒူးနဲ့ ခြေဖနောင့်စတဲ့ အစိုဓာတ်ခန်းခြောက်လွယ်တဲ့နေရာတွေအတွက်ပါ အသုံးပြုနိုင်ပါတယ်။

Etude House Missing U Hand Cream

Dry Skin ကိုသက်သာစေပြီး ပေါ့ပေါ့ပါးပါးနဲ့ စိမ့်ဝင်မှုအားကောင်းတဲ့ Hand Cream အမျိုးအစားဖြစ်ပါတယ်။ Alcohol မပါဝင်တာကြောင့် ဓာတ်မတည့်မှုမဖြစ်စေဘဲ အရေပြားကိုအားဖြည့်ပေးနိုင်တဲ့ သဘာဝအဆီ၊ ဆေးဖက်ဝင်အပင်အာနိသင်တွေနဲ့သာ ပြုလုပ်ထားတာဖြစ်ပါတယ်။

Innisfree Jeju Life Perfumed Hand Cream

Innisfree ရဲ့ Jeju Life Perfumed Hand Cream ကလည်း ဘေးထွက်ဆိုးကျိုးမရှိစေတဲ့ သဘာဝပစ္စည်းတွေနဲ့ပြုလုပ်ထားတဲ့ Cream ဖြစ်ပြီး အနံ့သင်းသင်းလေးနဲ့ တစ်နေကုန်အသားအရေစိုစွတ်မှုရနေစေပါတယ်။ အိတ်ဆောင် Size မျိုးဖြစ်တာကြောင့် သယ်ရလည်း လွယ်ကူပါတယ်။

TonyMoly Peach Hand Cream

TonyMoly ရဲ့ Best Seller တစ်ခုဖြစ်ပြီး အသီးအနံ့လေးတွေကြိုက်တဲ့သူတွေနဲ့အရမ်းသင့်တော်တဲ့ Hand Cream ဖြစ်ပါတယ်။ မက်မွန်သီး၊ တရုတ်ဆီးသီးစတဲ့အသီးတွေကရတဲ့အဆီအနှစ်တွေနဲ့ပြုလုပ်ထားပြီး သင့်လက်အသားအရေကို တစ်နေကုန်နူးညံ့ပြီး အစိုဓာတ်ပြည့်ဝနေအောင် ထောက်ပံ့ပေးပါလိမ့်မယ်။