အသားညိုတဲ့သူတွေက သူများတွေထက်ပိုပြီး ဆွဲဆောင်မှုရှိပါတယ်။ ဒါပေမယ့် တချို့တွေက အသားညိုလို့ဆိုပြီး ကိုယ့်ကိုယ်ကိုယုံကြည်မှုပျောက်ဆုံးနေတာတွေ ရှိပါတယ်။ တကယ်တော့ အသားဖြူတာလည်း လှသလို၊ အသားညိုတာလေးကလည်း ဆွဲဆောင်မှုရှိပြီး လှနေစေပါတယ်။ ကိုယ့်ကိုယ်ကိုယုံကြည်မှုရှိဖို့က အဓိကပါပဲ။ ဒါကြောင့် အသားညိုတဲ့သူတွေအနေနဲ့ အဝတ်အစားဝတ်တဲ့အခါမှာ ကိုယ်နဲ့လိုက်ဖက်မှုရှိစေမယ့် အရောင်လေးတွေကို ရွေးချယ်တတ်စေဖို့ ဖော်ပြပေးလိုက်ပါတယ်။
ခရင်မ်အရောင်
Source: www.fashion-gossip.com
အဖြူရောင်ထက်စာရင် ခရင်မ်အရောင်လေးတွေက အသားညိုတဲ့သူတွေနဲ့ ပိုလိုက်ဖက်မှုရှိစေပါတယ်။ ခရင်မ်အရောင်က အသားညိုတဲ့သူတွေဝတ်ရင် ဆွဲဆောင်မှုရှိစေပါတယ်။
အဝါနုရောင်
Source: www.missguidedau.com
အဝါရောင်ထဲမှာမှ အဝါနုရောင်လေးတွေက အသားညိုတဲ့သူတွေနဲ့ လိုက်ဖက်မှုရှိပါတယ်။ သူကဝတ်လိုက်တာနဲ့ အသားကိုလင်းသွားစေလို့ အသားညိုတဲ့သူတွေနဲ့ လိုက်ဖက်တာပါ။
အပြာရောင်
Source: www.missguidedau.com
အသားညိုတဲ့သူတွေက ယောကျ်ားပဲဖြစ်ဖြစ်၊ မိန်းကလေးပဲဖြစ်ဖြစ် အပြာရောင်နဲ့လိုက်ဖက်ပါတယ်။ အပြာရောင်က ဝတ်လိုက်တာနဲ့ အသားကိုလင်းသွားစေပါတယ်။ အသားညိုရင် အပြာနဲ့မလိုက်ဘူးဆိုတာကတော့ လွဲမှားတဲ့အယူအဆပါ။
အနီရောင်
Source: www.bestylemagazine.com
အသားညိုတဲ့သူတွေဆိုရင် အနီရောင်လေးနဲ့လည်း လိုက်ဖက်ပါတယ်။ အနီရောင်လေးက ဝတ်လိုက်တာနဲ့ တောက်ပြီး လင်းသွားစေတဲ့အတွက် အသားညိုတဲ့သူတွေအလိုက်ဖက်ဆုံးပါပဲ။ ဆွဲဆောင်မှုရှိစေတဲ့ အရောင်လေးဆိုရင်လည်း မမှားပါဘူး။
ပန်းခရမ်းရောင်
Source: www.everytimefashion.com
အသားညိုတဲ့မိန်းကလေးတွေဆိုရင် ပန်းခရမ်းရောင်လေးကိုလည်း ဝတ်ဆင်သင့်ပါတယ်။ ဒီအရောင်လေးက ဆွဲဆောင်မှုရှိစေပါတယ်။
ခဲရောင်
Source: www.showpo.com
ခဲရောင်လေးကလည်း အသားညိုတဲ့သူတွေနဲ့ လိုက်ဖက်မှုရှိပါတယ်။ ခဲရောင်ကျတော့ ခဲအဖျော့ထက် ခဲအရင့်နဲ့ဆို ပိုလိုက်ဖက်မှုရှိပါတယ်။
စစ်စိမ်းရောင်
Source: www.youraccountingstaff.net.com
အသားညိုတဲ့သူတွေက စစ်စိမ်းရောင်နဲ့လည်း လိုက်ဖက်ပါတယ်။ ဒီအရောင်လေးက ယောကျ်ားလေးပဲဖြစ်ဖြစ်၊ မိန်းကလေးပဲဖြစ်ဖြစ် ဆွဲဆောင်မှုရှိစေပါတယ်။