ယောင်္ကျားလေးတွေနဲ့ပတ်သက်ပြီး မိန်းကလေးတွေမကြိုက်ကြတဲ့ အရာတွေကတော့ တစ်ယောက်နဲ့တစ်ယောက် မတူပါဘူး။ ဒါပေမယ့် မိန်းကလေးအများစု မကြိုက်ကြတဲ့အရာတွေတော့ ရှိပါတယ်။

Reply ကြာတာ

မိန်းကလေးအများစုက သူတို့နဲ့စကားပြောနေရင် chat နေရင် reply ကြာတာကို အရမ်းမုန်းပါတယ်။ သူတို့ကို အလေးမထားဘူးလို့ ထင်တတ်ကြပါတယ်။

နာမည်အပြည့်အစုံခေါ်တာ

အထူးသဖြင့် couple တွေမှာ စိတ်ဆိုးကြရင်၊ ရန်ဖြစ်ကြရင် နာမည်အပြည့်အစုံထခေါ်တာမျိုး လုပ်တတ်ကြပါတယ်။ ဒီလို ကိုယ့်ချစ်သူက ကိုယ့်နာမည်အပြည့်အစုံခေါ်တာမျိုးကို မိန်းကလေးအများစုက မကြိုက်ပါဘူး။

အရမ်းကြွားတာ

မိန်းကလေးတိုင်းလိုလိုက အရမ်းကြွားတဲ့ယောင်္ကျားလေးဆို အမြင်ကတ်တတ်ကြပါတယ်။ လုံးဝမကြိုက်ပါဘူး။

မဝံ့မရဲဖြစ်နေတာ

ယောင်္ကျားလေးတွေနဲ့ပတ်သက်ပြီး မိန်းကလေးအများစု မကြိုက်ကြတဲ့ထဲမှာ မဝံ့မရဲဖြစ်နေတာမျိုး၊ ကြောက်နေတာမျိုးလည်း ပါပါတယ်။

ဦးမဆောင်နိုင်တာ

ယောင်္ကျားလေးဖြစ်ပြီး ဦးမဆောင်နိုင်ပဲ မိန်းကလေးဖြစ်တဲ့ကိုယ်ကချည်း အရာရာဦးဆောင်နေရတာမျိုးကို မိန်းကလေးအများစုက မကြိုက်ပါဘူး။

အော်ဟစ်ဆဲဆိုတာ

ကိုယ့်ရည်းစားက ကိုယ့်ကို အော်ဟစ်ဆဲဆိုတာမျိုးကတော့ မိန်းကလေးတင်မဟုတ်ပါဘူး၊ ယောင်္ကျားလေးတိုင်းလည်း မကြိုက်ကြပါဘူး။

သူများမကောင်းကြောင်းပြောတာ

သူများမကောင်းကြောင်း အရမ်းပြောတတ်တဲ့ ယောင်္ကျားလေးမျိုးကို မိန်းကလေးအများစုက အမြင်ကတ်တတ်ကြပါတယ်။