ဝမ်းချုပ်တဲ့သူတွေ နေ့တိုင်းလုပ်သင့်တဲ့ ယောဂ ၆ မျိုး

ဝမ်းချုပ်တာက ဆေးသောက်တာမျိုးမဟုတ်ပဲ ယောဂကျင့်ပေးရုံနဲ့လည်း သက်သာစေပါတယ်။ အမြဲလိုလို ဝမ်းချုပ်တတ်တယ်ဆိုရင် ဒီယောဂ ၆ မျိုးကို နေ့တိုင်းလုပ်ပေးကြည့်ပါ။

Cobra Pose

Cobra Pose အနေအထားနဲ့ စက္ကန့် ၃၀ နေပေးရုံပါပဲ။ လက်ဖဝါးနှစ်ဖက်နဲ့ ပုံမှာလုပ်ပြထားသလို ထောက်ထားပြီး ခြေထောက်နှစ်ဖက်ကို သေချာဆန့်ထားပါ။

Bow Pose

ခြေထောက်နှစ်ဖက်ကို ကွေးပြီးတော့ လက်ကနောက်ပြန်အနေအထားနဲ့ လှမ်းကိုင်ထားရပါမယ်။ အဲ့အတိုင်း စက္ကန့် ၃၀ မှ ၁ မိနစ်အထိ အဆင်ပြေသလောက် နေပေးပါ။

Half Lord of the Fishes Pose

ပုံမှာလုပ်ပြထားတဲ့ အနေအထားနဲ့ စက္ကန့် ၃၀ နေပေးပါ။ အချိန်ပြည့်ရင် ဘယ်ညာပုံစံပြောင်းပြီး နောက်ထပ် စက္ကန့် ၃၀ ထပ်နေပေးပါ။

Bharadvaja’s Twist

ဒီယောဂက ခုနကယောဂလိုပါပဲ။ ဘယ်ညာပုံစံပြောင်းလုပ်ရမှာပါ။ ထိုင်တဲ့ပုံစံပဲ ကွဲသွားတာပါ။ ဘယ် စက္ကန့် ၃၀၊ ညာ စက္ကန့် ၃၀ စီ နေပေးရင် ရပါပြီ။

Reclined Twist

ဒူးကိုညာဘက်လှည့် ကွေးထားပြီး ဘယ်လက်ကိုဘေးဆန့်၊ ဘယ်ဘက်ကို မျက်နှာလှည့်ပြီး ပုံမှာလုပ်ပြထားတဲ့အတိုင်း စက္ကန့် ၃၀ နေပေးပါ။ အချိန်ပြည့်ရင် ဘယ်ညာပုံစံပြောင်းပြီး နောက်ထပ် စက္ကန့် ၃၀ ထပ်နေပေးပါ။

Garland or Squat Pose

ဆောင့်ကြောင့်မထိုင်နိုင်ရင် တင်ပါးအောက်မှာ တုံး(သို့)ခုံခံပြီး ပုံမှာလုပ်ပြထားတဲ့အတိုင်း ထိုင်ပေးပါ။ အဲ့အတိုင်း စက္ကန့် ၃၀ မှ ၁ မိနစ်အထိ ကိုယ်အဆင်ပြေသလောက် ထိုင်ပေးရုံပါပဲ။