အမြဲတမ်းလှပနေဖို့အတွက် ညအိပ်ယာမဝင်ခင်မှာလုပ်ပေးရမယ့်အရာများ

မိန်းကလေးတိုင်းကတော့ ခေါင်းစ ခြေဆုံး အမြဲတမ်းလှချင်ကြတာပါပဲ။ ဒီလိုအမြဲလှနေဖို့ဆိုတာလည်း ကိုယ့်အပေါ်မှာပဲ မူတည်ပါတယ်နော်။ ကိုယ်ဂရုစိုက်ရင်စိုက်သလို အမြဲတမ်းလှပနေမှာပါ။ ဒါကြောင့် အမြဲတမ်းလှပနေဖို့အတွက် ညအိပ်ယာမဝင်ခင်မှာလုပ်ပေးရမယ့်အရာတွေကို ပြောပြပေးလိုက်ပါတယ်။

Mask ကပ်ပါ

ညအိပ်ယာမဝင်ခင်မှာ Mask ကပ်မယ်ဆိုရင်တော့ မျက်နှာအသားအရေလေးက သဘာဝအတိုင်း ကြည်ပြီး လှပလာမှာပါ။ Mask ကပ်ပြီး မအိပ်မိအောင်တော့ ဂရုစိုက်ဖို့လိုမယ်နော်။

Eye Cream လိမ်းပါ

မျက်လုံးအောက်မှာ အရေးအကြောင်းတွေ မြန်မြန်မဖြစ်ဖို့နဲ့ မျက်ကွင်းညိုတာတွေသက်သာဖို့အတွက် လူတိုင်း Eye Cream လိမ်းပေးဖို့ လိုပါတယ်။

Castor Oil လိမ်းပါ

မျက်တောင်လေးတွေရှည်ချင်တယ်၊ မျက်ခုံးမွှေးထူထူလေးတွေ လိုချင်တယ်ဆိုရင်တော့ Castor Oil ကို ညအိပ်ယာဝင်ခါနီးတိုင်း မျက်တောင်ကော့တဲ့ Mascara အတံလေးနဲ့ယူပြီး လိမ်းပေးပါ။

အုန်းဆီလိမ်းပါ

ညအိပ်ယာဝင်ခါနီးတိုင်းမှာ နှုတ်ခမ်းကို အုန်းဆီလိမ်းပြီးအိပ်ရင်လည်း နှုတ်ခမ်းခြောက်တာ သက်သာစေပါတယ်နော်။ နှုတ်ခမ်းသားခြောက်သွေ့တာမျိုး မဖြစ်အောင်လည်း ကာကွယ်ပေးပါတယ်။