အသက် ၂၅ နှစ်ကျော်လာပြီဆိုရင် အရာရာ အရင်နဲ့မတူတော့ပဲ ပြောင်းလဲသင့်တဲ့အချိန် ရောက်နေပါပြီ။ အရင်လို ပေါ့ပေါ့တန်တန်နေတာမျိုး၊ ကလေးဆန်နေတာမျိုးတွေ လုပ်လို့မရတော့ပါဘူး။ ဒီအသက်အရွယ်က ကိုယ့်ဘဝကိုတောင် ပြောင်းလဲပေးနိုင်မယ့် အရွယ်မျိုးပါ။ ဒါကြောင့် အသက် ၂၅ နှစ်ကျော်လာတဲ့အခါမှာ ကိုယ့်မှာ ဒီအဓိကအရာ ၆ ခုတော့ ရှိနေသင့်ပါတယ်။
အတတ်ပညာတစ်ခုရှိနေရမယ်
ဘွဲ့မရရင်တောင်မှ ကိုယ်ကျွမ်းကျင်တဲ့ အတတ်ပညာတစ်ခုတော့ ခိုင်ခိုင်မာမာ ရှိနေရပါမယ်။ အသက် ၂၅ နှစ်ရောက်တဲ့အထိ ဘာအတတ်ပညာမှ သေချာမရှိဘူးဆိုရင် ကိုယ့်ဘဝအတွက် အဆင်ပြေမှာ မဟုတ်ပါဘူး။
အလုပ်အကိုင်အတည်တကျရှိရမယ်
အသက် ၂၅ နှစ်ကျော်ဆိုတာက လုပ်ငန်းခွင်မှာ Experience တောင် ရှိနေရမယ့်အချိန်ပါ။ အလုပ်အကိုင် အတည်တကျရှိပြီး တည်ငြိမ်နေသင့်ပါပြီ။ လုပ်ငန်းအတွေ့အကြုံမရှိသေးရင်တောင် ကိုယ့်အတွက် ကောင်းမွန်တဲ့အလုပ်တစ်ခုတော့ ရှိနေရပါတော့မယ်။
ရည်မှန်းချက်ရှိနေရမယ်
ကိုယ့်မှာဖြစ်ချင်တဲ့ရည်မှန်းချက် Life Goal တစ်ခုတော့ ရှိနေရပါမယ်။ ဒါမှလည်း ပိုပြီးတိုးတက်အောင်မြင်အောင် ကြိုးစားချင်စိတ် ဖြစ်နေမှာပါ။ ဒါကြောင့် ဘဝကို ဒီအတိုင်းပဲ တသတ်မတ်တည်း မသွားချင်ဘူးဆိုရင် ရည်မှန်းချက်ထားပြီး ကြိုးစားရပါမယ်။ အသက် ၂၅ နှစ်ပဲကျော်နေပြီ အခုထိ ကိုယ်ဘာဖြစ်ချင်လဲဆိုတာကို မသိတာမျိုးတော့ မဖြစ်ပါစေနဲ့။
ငွေစုဆောင်းနိုင်ရမယ်
ကိုယ်ရသမျှကို အကုန်သုံးပစ်တာမျိုး မလုပ်ပါနဲ့။ အသက် ၂၅ နှစ်ကျော်တဲ့အထိ ငွေမစုနိုင်သေးဘူးဆိုရင် အခုအချိန်ကစပြီး စုပါတော့။
တစ်ယောက်ထဲနေတတ်ရမယ်
အသက် ၂၅ နှစ်ကျော်လာရင် အရင်လို အပေါင်းအသင်းမရှိရင် မနေနိုင်လို့ ဝမ်းနည်းနေတာမျိုး၊ သူကတော့ ငါ့မခေါ်လို့ဆိုပြီး ဝမ်းနည်းနေတာမျိုးတွေ မဖြစ်ပါနဲ့တော့။ တစ်ယောက်ထဲနေတတ်အောင်နေပြီး တစ်ယောက်ထဲ သွားလာတတ်အောင် ကျင့်ပါတော့။
လိုအပ်တာကိုခွဲခြားနိုင်ရမယ်
ငယ်ငယ်တုန်းကလို မြင်သမျှ အကုန်လိုချင်ပြီး မလိုအပ်တာတွေကိုပါ အကုန်လိုက်ဝယ်နေတာမျိုး မလုပ်ပါနဲ့တော့။ တစ်ခုခုလိုချင်ပြီဆိုရင် တကယ်လိုအပ်တာလား စဉ်းစားပြီး လိုအပ်တာပဲဝယ်ပါ။ မလိုအပ်တာအတွက် ပိုက်ဆံအကုန်မခံပါနဲ့။
