Skincare လုပ်တာက အသားအရေပိုကောင်းလာပေမယ့် လုပ်ပုံလုပ်နည်းမှားနေရင်၊ သုံးစွဲပုံမှားနေရင်လည်း အသားအရေ ထိခိုက်နိုင်ပါတယ်။ ဒါကြောင့် ကိုယ်တိုင်လုပ်မိနေရင်လည်း ဆင်ခြင်လို့ရအောင် အသားအရေကို ထိခိုက်ပျက်စီးစေနိုင်တဲ့ Skincare Mistakes (၆) ခုကို မျှဝေပေးလိုက်ပါတယ်။
ကြမ်းတမ်းတဲ့ Scrub
မျက်နှာကို Facial Scrub လုပ်တဲ့အခါမှာ နူးညံ့တဲ့ Mild Exfoliation လုပ်ပေးတာပဲ ကောင်းပါတယ်။ ကြမ်းတမ်းတဲ့ Scrub တွေနဲ့ Exfoliation လုပ်မိရင် Skin Barrier ပျက်စီးပြီး အသားအရေက ခြောက်သွေ့တာမျိုးတွေ ဖြစ်လာပါတယ်။ ခဏခဏလုပ်မိရင်တော့ အသားအရေက Sensitive Skin ပါ ဖြစ်သွားနိုင်ပါတယ်။
Acne Treatments
ဝက်ခြံတွေရှိရင် Acne Treatments သုံးပေးတာက ကောင်းပေမယ့် Acne Treatments အများစုကတော့ သုံးရင် အသားခြောက်တာ၊ စပ်ဖျဉ်းဖျဉ်းဖြစ်တာမျိုးတွေ ဖြစ်လေ့ရှိပါတယ်။ လိုတာထက်ပိုပြီး သုံးမိတဲ့အခါမှာတော့ ယားတာမျိုး၊ အသားလောင်တာမျိုးတွေအထိ ဖြစ်တတ်ပါတယ်။
Gua Sha Stone
Gua Sha Stone နဲ့ Massage လုပ်တာက သွေးလည်ပတ်မှုကောင်းမွန်စေပြီး လည်ပင်းနာတာ သက်သာစေပါတယ်။ ဒါပေမယ့် သူက Skin ကို ပွတ်ပြီး Massage လုပ်ရတာဖြစ်လို့ အရမ်းဖိပြီးပွတ်မိရင်၊ အခန့်မသင့်ရင် သေးငယ်တဲ့ သွေးကြောလေးတွေ ပေါက်တာမျိုး ဖြစ်တတ်ပါတယ်။
Dry Brushing
Dry Brushing နဲ့ Skin ကို ပွတ်ပြီး Exfoliation လုပ်ပေးတာက သွေးလည်ပတ်မှုကောင်းမွန်စေပြီး အသားအရေကြည်လာစေပါတယ်။ ဒါပေမယ့် Sensitive Skin တွေဆိုရင် စပ်ဖျဉ်းဖျဉ်းဖြစ်တာမျိုး၊ အသားအရမ်းခြောက်သွားတာမျိုးတွေ ဖြစ်တတ်ပါတယ်။ ဒါကြောင့် ခဏခဏသုံးတာက သိပ်အဆင်မပြေပါဘူး။
Chemical Exfoliation
Chemical Exfoliation ကို တစ်ပတ်တစ်ကြိမ်ထက် ပိုပြီးလုပ်မိရင် အသားအရေ ထိခိုက်ပျက်စီးစေပါတယ်။ ရှိသင့်တဲ့ Natural Oils တွေ ဆုံးရှုံးပြီး ပုံမှန်ထက် အသားခြောက်လာတာမျိုး၊ အသားအရေနီမြန်းပြီး Breakouts တွေထွက်လာတာမျိုး ဖြစ်လေ့ရှိပါတယ်။
ဆားဝက်ခြံကပ်ခွာ
ဆားဝက်ခြံကပ်ခွာတွေသုံးတာက တစ်ခါထဲနဲ့ ဆားဝက်ခြံတွေပါသွားပေမယ့် ချွေးပေါက်တွေ ပိုကျယ်လာပြီး အဆီပြန်စေပါတယ်။ ခဏခဏလုပ်ရင် နှာခေါင်းနားကအမဲအပေါက်လေးတွေလိုမျိုး ဖြစ်လာတတ်ပါတယ်။
source:www.brightside.me
