ရန်ဖြစ်စကားများတဲ့အခါ (သို့) စကားအချေအတင်ပြောကြတဲ့အခါ သင့်ရဲ့ ဒေါသတွေ ထွက်ပေါက်ပေးသလိုဖြစ်သွားပြီး ဒေါသမထိန်းနိုင်ပဲ မဆင်မချင်ပြောမိတာမျိုးမဖြစ်အောင် သင့်ရဲ့စိတ်ကို အတည်ငြိမ်ဆုံး ထိန်းထားနိုင်အောင် ဘယ်လိုလုပ်ရမလဲဆိုတဲ့ စိတ်ပညာရှင်တွေရဲ့ လေ့လာတွေ့ရှိမှုတွေကို မျှဝေပေးသွားပါမယ်။
၁။ အသက်ပြင်းပြင်းရှုလိုက်ပါ။
မျက်နှာချင်းဆိုင်ပြီး ဖြေရှင်းကြတဲ့အခါ အရင်ဆုံး အသက်ပြင်းပြင်းရှုလိုက်ပါ။ ဒါဟာ သင့်ရဲ့ဒေါသကို ထိန်းချုပ်ပြီး ရန်သူကို ပညာသားပါးပါးနဲ့ပြန်လည် တုံ့ပြန်နိုင်တဲ့ အကောင်းဆုံးနည်းလမ်းတစ်ခုပါပဲ။
၂။ သေချာနားထောင်ပါ။
Source: Caren Osten
လူတွေအများအားဖြင့် ဒေါသဖြစ်လာတဲ့အခါ တစ်ဖက်ကလူရဲ့ ပြောစကားကို သေချာနားထောင်လေ့မရှိပါဘူး။ တခြားသူကိုယ့်ကို ပောလာတဲ့အစကားတွေကို သေချာနားထေင်ပါ။ သူတို့ဘာပြောတယ် ဆိုတာကို သင်သေချာနားထောင်ပြီးမှ အေးအေးဆေးဆေးပြန်လည်တုံ့ပြန်လိုက်ပါ။
၃။ ခန္ဓာကိုယ်အနေအထားကို ဂရုစိုက်ပါ။
Source: 94fm.com.gt
ဒေါသထွက်လာတဲ့အခါ သင့်ရဲ့ ခန္ဓာကိုယ်မှာ ထူးထူးခြားခြားတစ်ခုခု ဖြစ်သွားတာ သင်သတိထားမိမှာပါ။ ခန္ဓာကိုယ်ကို တောင့်တောင့်တင်းတင်းမထားဘဲ Relax လုပ်ထားပါ။ အသက်ရှုတာမမှန်တော့ရင် အသက်ကိုခပ်ပြင်းပြင်းရှုဖို့ သတိရပါ။
၄။ လေသံကိုသတိထားပါ။
သင့်ရဲ့ လေသံအနိမ့်အမြင့်က သင့်အဆင့်တန်းကို ဖော်ပြနေပါတယ်။ တခြားသူနဲ့ စကားများတဲ့အခါမှာပဲဖြစ်ဖြစ် ဒေါသဖြစ်တာအခါမှာပဲဖြစ်ဖြစ် လေသံကို နိမ့်ထားပါ။ လူတွေအများအားဖြင့် သူတို့ရဲ့ အင်အားကြီးမှုကို ပြသချင်လို့ အော်ပြောကြပါတယ်။ အော်ပြောတာဟာ တခြားသူကို နားလည်အောင်ပြောဖို့ ဘာမှအထောက်အကူဖြစ်စေမှာမဟုတ်ပါဘူး။ လေသံအေးအေးနဲ့ ပြောပါ။
၅။ သဘောမတူတဲ့အချက်ကို သဘောတူလိုက်ပါ။
Source: LiveAbout
ရန်ဖြစ်စကားများရတဲ့အဓိက ရည်ရွယ်ချက်ကတော့ တခြားသူက ကိုယ့်ဖက်ကိုကြည့်ဖို့ ကိုယ့်အခြေအနေ ခံစားချက်ကို သိနိုင်ဖို့ဖြစ်သလို တခြားသူရဲ့ စိတ်သဘောထား တခြားသူဖက်ကနေ ခံစားပေးဖို့လည်းလိုပါတယ်။ တခါတလေမှာလည်း တခြားသူပြောတဲ့ သင်သဘောမတူခဲ့တဲ့အရာတွေကို သဘောတူလိုက်ပါ။
၆။ အမှားကိုဝန်ခံဖို့ မကြောက်ပါနဲ့။
သင်တကယ်မှားနေတဲ့အခါ သင့်ရဲ့ အမှားကို ဝန်ခံဖို့ ဝန်မလေးပါနဲ့။ သင်မှားရင် မှားတဲ့အကြောင်း ဝန်ခံရဲတဲ့ သတ္တိရှိရပါမယ်။ လူတိုင်းအမှားနဲ့မှမကင်းတာ။ မှားတာကို မှန်ချင်ဟန်ဆောင်နေတာကမှ တခြားသူတွေက ကိုယ့်ကို အထင်သေးစရာဖြစ်ပါတယ်။
