ဉာဏ်ရည်ဖွံ့ဖြိုးတိုးတက်စေဖို့အတွက် အမြဲတမ်းလုပ်ပေးရမယ့်အရာတွေကို ပြောပြပေးလိုက်ပါတယ်။ လူတိုင်းကတော့ ဉာဏ်ရည်ဖွံ့ ဖြိုးတိုးတက် ချင်တယ်၊ မှတ်ဉာဏ်တွေပိုကောင်းလာချင်တယ်။ ဒီလိုဖြစ်ဖို့က ကိုယ့်လုပ်ရပ်နဲ့လည်း အများကြီးသက်ဆိုင်ပါတယ်။
လေ့ကျင့်ခန်းပုံမှန်လုပ်ပါ
လေ့ကျင့်ခန်းအများကြီးမလုပ်နိုင်ရင်တောင် မနက်တိုင်းပြေးတာမျိုးစတဲ့ လွယ်ကူတဲ့အရာလေးတွေနဲ့ လေ့ကျင့်ခန်းပုံမှန် လုပ်သွားလို့ရပါတယ်။
သီချင်းနားထောင်ပါ
သီချင်းနားထောင်ပေးခြင်းကလည်း ဉာဏ်ရည်ဖွံ့ဖြိုးတိုးတက်စေတဲ့ အရာတစ်မျိုးပါပဲ။ စိတ်လည်းကြည်လင်လန်းဆန်းစေတာပေါ့။
ဉာဏ်သုံးပြီးဆော့ရတဲ့ဂိမ်းတွေများများဆော့ပါ
ဂိမ်းဆော့တဲ့အခါမှာ တခြားဂိမ်းတွေဆော့မယ့်အစား ဉာဏ်သုံးပြီးဆော့ရတဲ့ဂိမ်းတွေကိုသာ များများဆော့ပေးပါ။
စာများများဖတ်ပါ
စာများများဖတ်ရင် ဉာဏ်ရည်ဖွံ့ဖြိုးတိုးတက်စေတယ်၊ စဉ်းစားတွေးခေါ်နိုင်စွမ်းတွေ ပိုမြင့်တက်လာတယ်။ အခြားသူထက်ကို ပိုပြီးသာလွန်နေစေပါတယ်။
အိပ်ရေးဝဝအိပ်ပါ
လူတစ်ယောက်မှာ အိပ်ရေးဝဝအိပ်ဖို့က အရမ်းအရေးကြီးပါတယ်။ အိပ်ရေးမဝရင် ဦးနှောက်ဉာဏ်ရည်ဖွံ့ဖြိုးတိုးတက်မှုတွေ လျော့ကျလာမယ်။ မှတ်ဉာဏ်တွေလည်း ထိခိုက်စေနိုင်ပါတယ်။
အာဟာရမျှတအောင်စားပါ
အာဟာရသင့်တင့်မျှတအောင်စားဖို့ကလည်း အရေးကြီးပါတယ်။ ကျန်းမာမှလည်း အားလုံးအဆင်ပြေမှာပါ။
