မိန်းကလေးတိုင်းအတွက်မိုးရာသီမှာစီးသင့်တဲ့ဖိနပ် ၆ မျိုး

မိန်းကလေးတိုင်းအတွက် မိုးရာသီမှာစီးသင့်တဲ့ ဖိနပ် ၆ မျိုးကို ဖော်ပြပေးလိုက်ပါတယ်။ မိုးတွင်းစီးလို့ကောင်းတဲ့ ဖိနပ်တွေဖြစ်တဲ့အပြင် အဝတ်အစားမျိုးစုံနဲ့လိုက်ဖက်ပြီး ဖက်ရှင်လည်းကျစေပါတယ်။

Sneakers

Sneakers ကတော့ နွေ၊ မိုး၊ ဆောင်း သုံးရာသီလုံးနဲ့ လိုက်ဖက်ပါတယ်။ မိုးတွင်းမှာဆိုရင်တော့ ခြေထောက်ရေစိုမှာကြောက်ရင်၊ ခြေထောက်မပေချင်ရင် Sneakers သာစီးပါ။ မြန်မာဝတ်စုံကလွဲလို့ အဝတ်အစားအားလုံးနဲ့ လိုက်ဖက်တာကြောင့် အရမ်းအဆင်ပြေပါတယ်။

Black boot

မိုးတွင်းမှာ အထာကျကျလေး ဝတ်ချင်တဲ့အခါဆိုရင် Black boot လေးတွေစီးပါ။ သူက အထာကျတဲ့ဘောင်းဘီရှည်ပုံစံမျိုးတွေ၊ ဘောင်းဘီတို၊ စကပ်တိုလေးတွေနဲ့ဆိုရင် အရမ်းလိုက်ဖက်ပါတယ်။ မိုးရာသီနဲ့လည်း အဆင်ပြေပါတယ်။

The Dad Sandal

မိုးရာသီနဲ့အလိုက်ဖက်ဆုံးဖြစ်ပြီး စီးရတာလည်း သက်တောင့်သက်သာနဲ့ ပေါ့ပါးမှုရှိစေတာကတော့ The Dad Sandal ဖိနပ်ပါပဲ။ ဘယ်လိုအဝတ်အစားနဲ့မဆိုလည်း လိုက်ဖက်ပါတယ်။ ဗွက်လည်းမဆင်တဲ့အတွက် အရမ်းအဆင်ပြေပါတယ်။

Sandal Slipper

Sandal Slipper လေးတွေဆိုလည်း မိုးရာသီအတွက် အဆင်ပြေပါတယ်။ The Dad Sandal မကြိုက်တဲ့သူတွေဆိုရင် Sandal Slipper လေးကိုရွေးပါ။ သူကတော့ မိန်းကလေးလည်းဆန်ပြီး လှလည်းလှတာကြောင့် လူကြိုက်ပိုများပါတယ်။ ဖက်ရှင်တိုင်းနဲ့လည်း လိုက်ဖက်ပါတယ်။

Platform Sandal

အမြင့်ကြိုက်တဲ့ကောင်မလေးတွေနဲ့ အရပ်ပုတဲ့ကောင်မလေးတွေဆိုရင် မိုးတွင်းစီးဖို့ Platform Sandal ဖိနပ်လေး ဝယ်သင့်ပါတယ်။ ဒီဖိနပ်လေးတွေက လူငယ်ဆန်ပြီး ချစ်ဖို့ကောင်းစေပါတယ်။ မိုးရာသီမှမဟုတ်ပါဘူး။ ဘယ်အချိန်စီးစီး၊ ဘယ်လိုဖက်ရှင်မျိုးနဲ့မဆို လိုက်ဖက်ပါတယ်။

High Wedge Flip Flop

ကြိုးသိုင်းဖိနပ်တွေ ဘာမှမကြိုက်ဘူးဆိုတဲ့ ကောင်မလေးတွေနဲ့ ခြေညှပ်ဖိနပ်လေးပဲကြိုက်တဲ့ ကောင်မလေးတွေဆိုရင်တော့ မိုးတွင်းစီးဖို့ဆို High Wedge Flip Flop ဖိနပ်လေးတွေသာရွေးပါ။ မြင့်တဲ့အတွက် ဗွက်လည်းမဆင်သလို မိုးရာသီအတွက်လည်း အဆင်ပြေပါတယ်။