Bangs နဲ့ Short Hair လေးတွေအတွက် အမြန်ပြင်ဆင်လို့ရတဲ့ ဆံပင်စတိုင်လ် ၆ မျိုး

Bangs နဲ့ short hair လေးတွေအတွက် အမြန်ပြင်ဆင်လို့ရပြီး လူငယ်ဆန်ဆန်နဲ့ မိုက်နေစေမယ့်၊ ချစ်ဖို့ကောင်းနေစေမယ့် ဆံပင်စတိုင်လ် ၆ မျိုးကို ဖော်ပြပေးလိုက်ပါတယ်။

Short hair လေးတွေ ဆံပင်စည်းမယ်ဆိုရင် အရှေ့ hair bangs လေးချပြီး ဒါမျိုးစည်းကြည့်ပါ။ ဘယ်လိုအဝတ်အစား ဖက်ရှင်နဲ့မဆို လိုက်ဖက်ပြီး မိုက်လည်းမိုက်၊ ချစ်ဖို့လည်းကောင်းနေမှာပါ။

Bangs နဲ့ short hair လေးတွေက ဆံပင်ကို တစ်ဝက်စည်းမယ်ဆိုလည်း ချစ်ဖို့ကောင်းပါတယ်။ လူငယ်ဆန်ဆန်နဲ့ အထာကျတဲ့ပုံစံလေး ပြင်ချင်ရင်တော့ ခေါင်းပတ်လေးကို ဒီလိုလေးပတ်ပြီး ပြင်ကြည့်ပါ။ စတိုင်လ်ကျကျ ဖက်ရှင်လေးတွေဝတ်ရင် ဒါမျိုးလေးပြင်ကြည့်ပါ။

Short hair ကိုလည်း အရှေ့ bangs လေး ညှပ်ထားတယ်ဆိုရင် ဆံပင်ကို ဒီလိုလေး နှစ်ဖက်ခွဲစည်းကြည့်ပါ။ လူငယ်ဆန်ပြီး ပေါ့ပါးသွက်လက်တဲ့ ပုံစံလေးနဲ့ အရမ်းချစ်ဖို့ကောင်းပါတယ်။

ဆံပင်ကို နှစ်ဖက်ခွဲပြီး ဒီလို ဆံထုံးပိစိလေး ပြင်တာလည်း ချစ်ဖို့ကောင်းပါတယ်။ Short hair ကိုမှ bangs လေးညှပ်ထားရင် ပိုပြီးလိုက်ပါတယ်။ ကိုယ်ဝတ်တဲ့ အဝတ်အစားပေါ်မူတည်ပြီး cute type လေးဖြစ်သွားစေသလို၊ bad girl ပုံစံလေးလည်း ဖြစ်သွားစေမယ့် ဆံပင်စတိုင်လ်လေးပါ။

Short hair လေးတွေကို ဒီလိုနှစ်ဖက်ခွဲပြီး ကျစ်ဆံမြီးကို ထိပ်နားက စကျစ်တာမျိုးနဲ့လည်း အရမ်းလိုက်ပါတယ်။ Bangs လေးတွေချထားရင်တော့ ပိုပြီး ချစ်ဖို့ကောင်းတာပေါ့။

Hair bangs ညှပ်ထားလို့ အရှေ့ဆံပင်အမြဲတမ်းချထားရတာ ရိုးလာရင် hair gel သာ ဝယ်ထားပါ။ Hair gel သုံးပြီး ဆံပင်ကို ပုံစံပြောင်းလိုက်လို့ရပါတယ်။ ဒီမှာတော့ အထာကျကျ မိုက်တဲ့စတိုင်လ်လေး ပြောင်းထားပါတယ်။

အရင်ဆုံး hair gel ကို လက်ထဲထည့်ပြီး ဆံပင်မှာလိမ်းပါ။

ဘီးနဲ့ လှန်ပြီးဖြီးပေးပါ။

ပြီးမှ ကိုယ်လိုချင်တဲ့အတိုင်း ပုံသွင်းလိုက်ရုံပါပဲ။