Interview သွားဖြေတဲ့အခါမှာ အဝတ်အစား ဖက်ရှင်ပိုင်းကလည်း အရေးပါတဲ့အရာတစ်ခုပါပဲ။ အရာရာ Perfect ဖြစ်နေစေဖို့ ကိုယ့်ရဲ့ဖက်ရှင်ကအစ သေချာဂရုစိုက်လို့ရအောင် Interview သွားဖြေတဲ့အခါမှာ ရှောင်ကြဉ်သင့်တဲ့ ဖက်ရှင် ၆ မျိုးကို ပြောပြပေးလိုက်ပါတယ်။
ဘောင်းဘီတို
Interview သွားတဲ့အခါမှာ ဘောင်းဘီတိုတွေ မဝတ်သင့်တာကိုတော့ လူတိုင်းသိပါတယ်။ အမြင်ရိုင်းသည်ဖြစ်စေ၊ မရိုင်းသည်ဖြစ်စေ ဘောင်းဘီတိုနဲ့ Interview ဖြေတဲ့နေရာနဲ့ကတော့ မသက်ဆိုင်တဲ့၊ မဝတ်သင့်တဲ့ ဖက်ရှင်ပါပဲ။
Skirt အတို
Interview မှာ Skirt ဒူးဖုံးလောက်အထိက ဝတ်လို့ရပါသေးတယ်။ ဒူးအထက်ရှိတဲ့ Skirt အတိုတွေကိုတော့ မဝတ်သင့်ပါဘူး။ နေရထိုင်ရတာလည်း အဆင်မပြေဖြစ်သလို အမြင်ရိုင်းသလိုလည်း ဖြစ်သွားနိုင်တာကြောင့် ရှောင်သင့်ပါတယ်။
ဂါဝန်အတို
Interview သွားဖြေရင် ဂါဝန်အတိုတွေဝတ်တာလည်း ရှောင်ဖို့လိုပါတယ်။ Interview မှာက ဘောင်းဘီအရှည် (သို့) မြန်မာဝတ်စုံက အဆင်အပြေဆုံးပါပဲ။
Body Fit ဖက်ရှင်များ
Body Fit Dress တွေ၊ အရမ်းကျပ်လွန်းတဲ့ အင်္ကျီ၊ ဘောင်းဘီတွေကလည်း Interview သွားဖြေတဲ့အခါမှာ ရှောင်သင့်တဲ့ အဝတ်အစားတွေပါပဲ။ ကိုယ်တိုင်လည်း မွန်းကြပ်ပြီး မလွတ်လပ်သလို ဖြစ်စေပါတယ်။ Interview နဲ့လည်း မလိုက်ဖက်ပါဘူး။
ရင်ဘတ်ဟိုက်တာနဲ့ဘောင်းဘီအပြဲများ
ရင်ဘတ်ဟိုက်တဲ့ အဝတ်အစားတွေနဲ့ ဂျင်းဘောင်းဘီအပြဲတွေကိုလည်း Interview ဖြေတဲ့အခါမှာ မဝတ်သွားသင့်ပါဘူး။ အမြင်ရိုင်းစေပြီး Interview နဲ့လည်း မအပ်စပ်ပါဘူး။
မျက်စိရှုပ်စရာကောင်းတဲ့ဖက်ရှင်များ
Interview သွားဖြေရင် ရိုးရှင်းပြီး ကိုယ့်အတွက်လည်း ဝတ်ရတာ ပေါ့ပေါ့ပါးပါးနဲ့ သက်တောင့်သက်သာ ဖြစ်စေတာမျိုးက အကောင်းဆုံးပါပဲ။ မျက်စိရှုပ်စရာကောင်းတဲ့ ဖက်ရှင်တွေဆို မဝတ်တာ ပိုကောင်းပါတယ်။
Photo source:www.pinterest.com
