ဆံပင်ကျွတ်သမားတွေ ပြန်ပြီးအရှည်မြန်လာဖို့သုံးပေးသင့်တဲ့ ဆံသားအားဖြည့် Shampoo (၆) မျိုး

ပျိုမေတို့ရေ မင်္ဂလာပါ။ ကိုယ်က ဆံပင်ခဏခဏကျွတ်တတ်တဲ့သူဆိုရင် ဆုံးရှုံးသွားတဲ့ဆံသားအတွက် ပြန်ပြီးအရှည်သန်လာအောင် လုပ်ပေးဖို့လိုပါတယ်နော်။ Shampoo တွေဆိုတာ ပျိုမေတို့မဖြစ်မနေသုံးရတဲ့ ဆံသားပစ္စည်းဖြစ်တာမို့ ကျန်းမာသန်စွမ်းတဲ့ဆံသားရဖို့အတွက် Shampoo ကောင်းကောင်းတစ်ခု ရင်းနှီးထားတာ မမှားပါဘူး။ ဒါကြောင့် ဒီတစ်ခေါက်မှာ ဆံပင်ကျွတ်တတ်သူတွေ ဆောင်ထားသင့်တဲ့ ဆံပင်သန်စေတဲ့ Shampoo တံဆိပ်ကောင်းကောင်းတွေ အကြောင်းကို ဖော်ပြပေးချင်ပါတယ်။ ကိုယ်နဲ့အဆင်ပြေတာလေးရွေးပြီး သုံးကြည့်ပါနော်-

OGX Thick & Full Biotin & Collagen Shampoo

ဆံသားကိုဒုက္ခပေးနိုင်တဲ့ Sulfate ဓာတုပစ္စည်းတွေမပါဘဲ ဆံပင်ကိုအုံထူပြီး အစိုဓာတ်အပြည့်ရစေမယ့် Biotin နဲ့ Collagen ဓာတ်ဖြည့်ပေးမယ့် Shampoo လေးဖြစ်ပါတယ်။ ဈေးလည်းသက်သာတာမို့ ဝယ်ရအဆင်ပြေမှာပါ။

Dove Nourishing Secrets Thickening Ritual Shampoo

ဒီ Shampoo မှာပါတဲ့ အာနိသင်တွေက ဆံသားပြတ်ကျမှုမရှိဘဲ ဆံကေသာအုံထူပြီး သန်စွမ်းဖို့ အဓိကထုတ်ထားတာမို့ သင့်အနေနဲ့ ဆံပင်အရှည်မြန်ချင်ရင် သုံးကြည့်ပါနော်။

Pantene Pro-V Miracles Grow Strong Shampoo & Conditioner

ဒီ Shampoo နဲ့ Conditioner အာနိသင်နှစ်မျိုးလုံးပါတဲ့ Pantene ခေါင်းလျှော်ရည်က ဆံသားအတွက်အားဖြစ်စေတဲ့ Vitamin ဓာတ်တွေပါဝင်တာမို့ သုံးပြီးတဲ့နောက် ဆံပင်ဖွာတာတွေသက်သာပြီး ဦးရေပြားအထိ သန့်စင်သွားတာကို ခံစားမိမှာပါ။

Nioxin Cleanser Shampoo

Nioxin ရဲ့အာနိသင်ကိုတော့ ဆံသပညာရှင်တွေကိုယ်တိုင်က သူ့မှာပါဝင်တဲ့ ဗီတာမင်၊ SPF နဲ့ Amino အက်စစ်ဓာတ်တွေကြောင့် ဆံပင်အရှည်မြန်ဖို့ ထိထိရောက်ရောက်ပံ့ပိုးပေးနိုင်တယ်လို့ ညွှန်းထားကြပါတယ်။

Paul Mitchell Tea Tree Special Shampoo

Tea Tree အဆီပါတာမို့ စိတ်ကြည်စေတဲ့အနံ့သင်းသင်းလေးနဲ့အတူ ဆံသားခြောက်သွေ့တာတွေ သက်သာစေမယ့် Shampoo တစ်မျိုးဖြစ်ပါတယ်။

Sunsilk Biotin Long & Healthy Growth Shampoo

Sunsilk ရဲ့ ဆံပင်အရှည်ကောင်းစေဖို့ သီးသန့်ထုတ်ထားတဲ့ ခေါင်းလျှော်ရည်လေးဖြစ်ပြီး သူ့မှာ Biotin ၊ နို့၊ ပရိုတင်းနဲ့ Argan Oil စတဲ့ ဆံသားအားဖြည့်ပစ္စည်းတွေပါဝင်နေပါတယ်နော်။ Biotin ကဆံပင်အရှည်မြန်စေကာ နို့က အစိုဓာတ်ဖြည့်ပေးပြီး Argan Oil ကတော့ နေ့စဉ်ဆံသားပျက်စီးစေတဲ့ အရာတွေကနေ ကာကွယ်ပေးနိုင်ပါတယ်။