ဆံပင်အရှည်လေးကိုမှ ပျော့အိကာ တောက်ပနေတဲ့ စတိုင်လေးကို Kpop အမျိုးသမီး Idol တွေကြားမှာ အတွေ့များပါတယ်။ Idol တွေ ဖြစ်တဲ့ Apink အဖွဲ့ဝင် Son Naeun နဲ့ IVE အဖွဲ့ဝင် Jang Wonyoung တို့ဆိုရင် Debut တည်းက ဒီအချိန်ထိ ဆံပင်ရှည်လေးပဲ ထားလေ့ရှိပါတယ်။ NewJeans အဖွဲ့ဆိုရင် သဘာဝဆန်ကာ လူငယ်ဖြစ်ခြင်းကို ပေါ်လွင်ဖို့ တစ်ဖွဲ့လုံး ဆံပင်ရှည်တွေ ချည်းပါပဲ။
ပြောရရင် ဆံပင်အတိုကိုတော့ အမျိုးသမီး Idol တွေဟာ သိပ်ညှပ်လေ့ မရှိကြပါဘူး။ အခုဖော်ပြထားတဲ့ Idol တွေကတော့ ဆံပင်လုံးဝ အတိုညှပ်လိုက်မှ အထာကျသွားသူတွေ ဖြစ်ပါတယ်။
Yebin (DIA)
DIA အဖွဲ့ဝင် Yebin က ဆံပင်အတိုနဲ့ လိုက်ဖက်တာကို ပုံထဲ တွေ့နိုင်မှာပါ။ ဒါ့အပြင် သူမက အရောင်ချွတ်ထားတဲ့ အဖြူ အဝါ အရောင်နဲ့ Slay နေပါတယ်။
Jeongyeon (TWICE)
ကုမ္ပဏီအချို့က အဖွဲ့ရဲ့ မိန်းကလေးတစ်ယောက်ကို Tomboy စတိုင် လုပ်ခိုင်းတာမျိုးကို ကျွန်မတို့ သဘောမကျကြပေမယ့် Jeongyeon ရဲ့ အသည်းပုံ မျက်နှာနဲ့အတူ ပေါင်းရသင်းရလွယ်တဲ့ အမူအကျင့်ကြောင့် ဒီဆံပင်တိုစတိုင်ကို ကြိုက်ကြတာပါပဲ။
Choa (AOA)
AOA ရဲ့ အဓိက အဆိုရှင် Choa ကလည်း ပွဲဦးစထွက်တည်းက ဆံပင်အတို အဝါရောင်နဲ့ ခပ်မိုက်မိုက် ဖြစ်နေခဲ့ပါတယ်။
Narsha (Brown Eyed Girls)
Brown Eyed Girls အဖွဲ့ဝင်ဖြစ်တဲ့ Narsha က ဆံပင်တိုစတိုင်နဲ့ Slay နေပါတယ်။
Hyebin (Momoland)
Hyebin က ဆံပင်တိုလေး ညှပ်လိုက်တော့ လုံးဝ ပြောင်းလဲသွားတာပါ။ Fan တွေက သူမရဲ့ ဆံပင်ရှည် စတိုင်ကို နှစ်သက်သလို ဆံပင်တိုကိုလည်း သဘောကျကြတုန်းပါ။
Hyerin (EXID)
မျက်နှာသေးသေး ဖောင်းဖောင်းလေးနဲ့ Hyerin က ဆံပင်တို စတိုင်နဲ့ လိုက်ဖက်လှပါတယ်။
ဒီ အမျိုးသမီး Idol တွေကို ကြည့်ခြင်းအားဖြင့် ဆံပင်တိုပဲ ဖြစ်ဖြစ် ဆံပင်ရှည်ပဲ ဖြစ်ဖြစ် Vibe အမျိုးမျိုး ဖန်တီးနိုင်ကြောင်း ပေါ်လွင်လှပါတယ်။
Source: Koreaboo
By MyStyle Myanmar
