Stress များတဲ့အချိန် ဒါမှမဟုတ် anxiety ဖြစ်နေတဲ့အခါ ခန္ဓာကိုယ်က cortisol လို့ခေါ်တဲ့ stress hormone တွေကို ထုတ်လွှတ်ပါတယ်။ ဒါက ကြွက်သားတွေကို ပိုကျုံ့စေပြီး တင်းမာမှုဖြစ်စေပါတယ်။ အထူးသဖြင့် လည်ပင်းနဲ့ပခုံးတွေမှာ ဖြစ်တတ်ပါတယ်။ Anxiety ဖြစ်တဲ့အခြေအနေက ရေရှည်ဖြစ်လာရင်တော့ ဒီသက်ရောက်မှုက ပိုပြီးတိုးလာစေနိုင်ပါတယ်။ ဒါကြောင့် anxiety ကြောင့်ဖြစ်တဲ့ လည်ပင်းနဲ့ပခုံးတင်းမာမှုကို လျှော့ချပေးနိုင်မယ့် လေ့ကျင့်ခန်း ၆ မျိုးကို ဖော်ပြပေးလိုက်ပါတယ်။
Thread the Needle
ပုံမှာလုပ်ပြထားသလို ဒူးထောက်ပြီး ဘယ်လက်ကိုထောက်၊ ခေါင်းကိုဘယ်ဘက်လှည့်၊ ညာလက်ကို ဘယ်ဘက်ခြမ်းကို ဆန့်ထုတ်ပါ။ ပြီးရင် ထောက်ထားတဲ့လက်ကိုဆန့်၊ ညာလက်ကိုလည်း အပေါ်ကိုမြှောက်ပါ။ အဲ့အတိုင်း ဘယ်ညာတစ်လှည့်စီ တစ်ဖက်ကို အနည်းဆုံး ၁၀ ကြိမ်ဆီ လုပ်ပေးရမှာပါ။
Cat-Cow Pose
ပုံမှာလုပ်ပြထားတဲ့အတိုင်း ၁၅ ကြိမ်လုပ်ပေးရုံပါပဲ။ ဖြေးဖြေးနဲ့မှန်မှန် လုပ်ပေးပါ။
Child’s Pose
ပုံမှာလုပ်ပြထားသလိုလုပ်ပြီး စက္ကန့် ၃၀ နေပါ။ အချိန်ပြည့်ရင် ခါးပြန်မတ်ပါ။ ပြီးရင် ထပ်လုပ်ပါ။ တစ်ခါလုပ်ရင် စက္ကန့် ၃၀ နေပေးပြီး စုစုပေါင်း ၃ ကြိမ်လုပ်ပေးပါ။
Levator Scapulae Stretch
လက်တစ်ဖက်ကို ပခုံးနောက်ထားပြီး နောက်လက်တစ်ဖက်က ခေါင်းကိုကိုင်ကာ ခေါင်းကိုအောက်နည်းနည်းငုံ့ရပါမယ်။ အဲ့အတိုင်း ၁၀ စက္ကန့်နေပါ။ ပြီးရင် ပုံမှန်အတိုင်းပြန်နေပါ။ ပြီးရင် ထပ်လုပ်ပါ။ အဲ့အတိုင်း လက်ကိုဘယ်ညာတစ်လှည့်စီသုံးပြီး တစ်ဖက်ကို ၁၀ ကြိမ်စီ လုပ်ပေးရပါမယ်။
Neck Release
ပုံထဲကအတိုင်းထိုင်ပြီး ဘယ်လက်ကခေါင်းကိုကိုင်ကာ ခေါင်းကိုဘယ်စောင်းပါ။ ပြီးရင်ခေါင်းပြန်မတ်ပါ။ ပြီးရင်တော့ ညာလက်ကခေါင်းကိုကိုင်ကာ ခေါင်းကိုညာစောင်းပါ။ ပြီးရင်ခေါင်းပြန်မတ်ပါ။ အဲ့အတိုင်း ဘယ်ညာတစ်လှည့်စီ တစ်ဖက်ကို ၁၀ ကြိမ်၊ ၁၅ ကြိမ်စီ လုပ်ပေးရင်ရပါပြီ။
Neck Stretch
ပုံမှာလုပ်ပြထားတဲ့လေ့ကျင့်ခန်းအားလုံးကို လုပ်ပေးပါ။ အားလုံးလုပ်ပြီးမှ ၁ ကြိမ်လို့သတ်မှတ်ပြီး ၁၀ ကြိမ်လောက် လုပ်ပေးပါ။ ဒါဆိုရင်လုံလောက်ပါပြီ။
