တစ်နေကုန် စားပွဲမှာထိုင်ပြီး အလုပ်လုပ်ရတဲ့သူတွေအတွက် လုပ်သင့်တဲ့ လေ့ကျင့်ခန်း ၆ ခုကို မျှဝေပေးလိုက်ပါတယ်။ လေ့ကျင့်ခန်းမလုပ်ရင် အညောင်းမိတာ၊ ကိုယ်လက်ကိုက်ခဲတာ၊ ခါးနာတာတွေ ဖြစ်တတ်တဲ့အတွက် လုပ်ပေးသင့်ပါတယ်။
လေ့ကျင့်ခန်း ၁
ပထမလေ့ကျင့်ခန်းကတော့ resistance band ကိုသုံးပြီး လုပ်ပေးရမှာ ဖြစ်ပါတယ်။ ဒူးထောက်ပြီး လက်ထောက်ကာ လက်တစ်ဖက်က resistance band ကို ဖိထားပါ။ နောက်လက်တစ်ဖက်နဲ့ ပုံမှာပြထားသလို ဖြေးဖြေးချင်း ဆွဲပေးပါ။ အဲ့အတိုင်း ၁၅ ကြိမ်လုပ်ပေးပြီး အကြိမ်ရေပြည့်ရင် လက်ကိုဘယ်ညာပြောင်းပြီး အဲ့အတိုင်း နောက်ထပ် ၁၅ ကြိမ် ထပ်လုပ်ပေးပါ။
လေ့ကျင့်ခန်း ၂
Resistance band ကို လက်နှစ်ဖက်နဲ့ကိုင်ပြီး လက်နှစ်ဖက်ကို ဘေးကားလိုက်၊ ပြန်စုလိုက် လုပ်ပေးရမှာ ဖြစ်ပါတယ်။ ၁၅ ကြိမ်လုပ်ပေးရင် ရပါပြီ။
လေ့ကျင့်ခန်း ၃
ဒူးထောက်ပြီး လက်နှစ်ဖက်ကိုလည်း ထောက်ထားပါ။ ပြီးရင် ခြေထောက်တစ်ဖက်ကို ကွေးနေတဲ့ အနေအထားနဲ့ ပုံမှာလုပ်ပြထားသလို အပေါ်နည်းနည်း မြှောက်မြှောက်ပေးပါ။ ဒါလည်း ဘယ်ညာတစ်လှည့်စီ တစ်ဖက်ကို ၁၅ ကြိမ်စီ လုပ်ပေးပါ။
လေ့ကျင့်ခန်း ၄
ပုံမှာလုပ်ပြထားတဲ့ အနေအထားနဲ့ စက္ကန့် ၃၀ မှ ၂ မိနစ်အထိ ကိုယ်အဆင်ပြေသလောက် နေပေးပါ။ အချိန်ပြည့်ရင် ဘယ်ညာပြောင်းပြီး အဲ့အတိုင်း ထပ်လုပ်ပေးပါ။
လေ့ကျင့်ခန်း ၅
ပုံမှာလုပ်ပြထားသလို ခြေထောက်နည်းနည်းကားပြီး ဒူးထောင်ထားပါ။ လက်နှစ်ဖက်ကိုလည်း ဘေးနည်းနည်း ကားထားပါ။ ပြီးရင် ခေါင်းကို နည်းနည်းထောင်လိုက်၊ ပြန်ချလိုက်နဲ့ ၁၅ ကြိမ်လုပ်ပေးပါ။ ခေါင်းကို အရမ်းထောင်စရာ မလိုပါဘူး။
လေ့ကျင့်ခန်း ၆
ဒူးနှစ်ဖက်ကို နည်းနည်းကားပြီးထောင်ထားပါ။ လက်နှစ်ဖက်ကို ပုံမှာလုပ်ပြထားတဲ့အတိုင်း ဖြေးဖြေးချင်းစီ အပေါ်ရွှေ့လိုက်၊ အောက်ပြန်ချလိုက်နဲ့ လုပ်သွားပေးပါ။ ၁၀ ကြိမ်လုပ်ပေးရင် ရပါပြီ။
