Skincare ကို Budget ဖြစ်အောင်သုံးချင်သူများအတွက် အဓိကလိုအပ်တဲ့ပစ္စည်း ၆ မျိုး

Skincare လုပ်ချင်ပေမယ့် အများကြီးလည်းအကုန်မခံချင်ဘူး budget ဖြစ်အောင်ပဲ သုံးချင်တဲ့သူတွေအတွက် skincare ဖို့ အဓိကလိုအပ်တဲ့ ပစ္စည်း ၆ မျိုးကို ပြောပြပေးလိုက်ပါတယ်။ ဒီ ၆ မျိုးထဲနဲ့ သင့်အသားအရေကို ကောင်းကောင်းထိန်းသိမ်းနိုင်ပါတယ်။

Micellar cleansing water

မျက်နှာတန်းသစ်ရုံနဲ့ မျက်နှာပေါ်မှာရှိနေတဲ့ အညစ်အကြေးတွေ၊ မိတ်ကပ်တွေက မပြောင်ပါဘူး။ ဒါကြောင့် ညနေဘက် (သို့) ညဘက် skincare မလိမ်းခင်မှာ micellar cleansing water နဲ့ အရင်ဖျက်ပေးရပါမယ်။ makeup remover ကတော့ အမျိုးမျိုးရှိပါတယ်။ ဒါပေမယ့် budget ဖြစ်တာသုံးချင်ရင်တော့ micellar cleansing water တွေက ဈေးသက်သာပြီး သုံးရတာလည်း အဆင်ပြေပါတယ်။ ၁ သောင်းဝန်းကျင်နဲ့ တစ်ယောက်ထဲဆို ၂ လလောက် အေးဆေးသုံးလို့ရပါတယ်။

Facial foam

Micellar cleansing water နဲ့ဖျက်ပြီးရင် မျက်နှာသစ်ဆေးနဲ့ မျက်နှာသစ်ရပါမယ်။ ဒီနေရာမှာလည်း cleanser, facial foaming, cleansing gel ဆိုပြီး အမျိုးမျိုးရှိပါတယ်။ အဲ့ထဲမှာမှ facial foam တွေက တော်တော်များများနဲ့ အဆင်ပြေပြီး တစ်ဘူးဆိုရင် ၃ လလောက် ဆေးဆေးသုံးရပါတယ်။ ဈေးကလည်း ၁ သောင်းဝန်းကျင်၊ ၁ သောင်းကျော်လောက်နဲ့ ကောင်းတာတွေ၊ စိတ်ချရတဲ့ brand တွေ အများကြီးရှိပါတယ်။

Toner

Skincare လိမ်းတော့မယ်ဆိုရင် အရေးအကြီးဆုံးက toner နဲ့ moisturizer ပါပဲ။ budget ဖြစ်အောင် toner ကို ဈေးသင့်ပြီး hydrating ပေးနိုင်တာမျိုးပဲ သုံးလိုက်ပါ။ အဓိကက ရေဓာတ်ဖြည့်ပေးနိုင်ရင် အသားအရေက စိုစိုလေးနဲ့ကြည်ပြီး လှနေမှာပါ။ ဒါကြောင့် hydrating toner ကို ဦးစားပေးပြီးသုံးပါ။ ၂ သောင်းဝန်းကျင်နဲ့ စိတ်ချရတဲ့၊ တကယ်လည်းကောင်းတဲ့ ကိုရီးယား brand တွေရှိပါတယ်။

Moisturizer

ကိုယ့် skin type နဲ့ကိုက်ညီမယ့် moisturizer ကို ရွေးချယ်ပါ။ ကိုရီးယား brand တွေထဲမှာဆိုရင်တော့ ၂ သောင်းကျော် ၃ သောင်းကျော်နဲ့ အရမ်းကောင်းတဲ့ brand တွေ ရှိပါတယ်။ တစ်ဘူးဆိုရင် ၂ လကျော်တော့ အေးဆေးသုံးလို့ရပါတယ်။ အရမ်း budget ဖြစ်တာမျိုးသုံးချင်တယ်၊ အသားအရေက ရေဓာတ်ပြည့်နေရင်ပြီးရော အဆင်ပြေတယ်ဆိုရင်တော့ CeraVe daily moisturizing lotion ကိုသာသုံးပါ။ dermatologists တွေကိုယ်တိုင်ညွှန်းထားလို့ စိတ်ချရပါတယ်။ တစ်ဘူးကို ၃ သောင်းကျော်နဲ့ တစ်ယောက်ထဲလိမ်းမယ်ဆိုရင် ၉ လလောက် အေးဆေးသုံးရတာကြောင့် အရမ်းတွက်ချေကိုက်ပါတယ်။

Exfoliating or Face mask

တစ်ပတ်ကိုတစ်ခါလောက် exfoliating လုပ်ပေးတာပဲဖြစ်ဖြစ်၊ ရေပြန်ဆေးချရတဲ့ face mask, wash off mask တွေ သုံးပေးတာပဲဖြစ်ဖြစ် တစ်ခုခုတော့ လုပ်ပေးပါ။ ဒါမှလည်း dead cells တွေကို ရှင်းထုတ်ပေးပြီး အသားအရေက ပိုကောင်းလာမှာပါ။ ဒီအဆင့်ကိုမလုပ်ပဲနေရင် skincare ဘယ်လောက်လိမ်းလိမ်း အသားအရေက အပြည့်အဝကောင်းနေမှာ မဟုတ်ပါဘူး။ ၁ သောင်းကျော်လောက်နဲ့ တစ်ပတ်တစ်ခါပဲ သုံးရတာဆိုတော့ budget ဖြစ်ပါတယ်။

Sunscreen

Skincare တွေလိမ်းနေပြီး နေ့ဘက်တွေမှာ sunscreen မလိမ်းရင်တော့ အသားအရေက ပျက်စီးနေမှာပါပဲ။ ဒါကြောင့် sunscreen သုံးဖို့မမေ့ပါနဲ့။ တစ်သောင်းကျော် ၂ သောင်းကျော်နဲ့ ကောင်းတဲ့ sunscreen တွေ အများကြီးရှိပါတယ်။ ၃ လ၊ ၄ လတော့ အေးဆေးသုံးရပါတယ်။