ခရီးသွားတဲ့အခါမှာ အဓိကယူသွားသင့်တဲ့ မိတ်ကပ်ပစ္စည်း ၆ မျိုး

ခရီးသွားတဲ့အခါကျရင် အိမ်မှာရှိသမျှ မိတ်ကပ်ပစ္စည်းတွေ သယ်သွားတာမျိုး မလုပ်ပါနဲ့။ သယ်ရတာလည်း အလုပ်ရှုပ်သလို Eyeshadow Palette တွေ၊ Powder Type ပါးနီတွေဆို အခန့်မသင့်ရင် ကျိုးကြေကုန်တာမျိုး ဖြစ်တတ်ပါတယ်။ ဒါကြောင့် ခရီးသွားတဲ့အခါမှာ ဒီမိတ်ကပ်ပစ္စည်း ၆ မျိုးကိုသာ အဓိကယူသွားသင့်ပါတယ်။

Concealer

ခရီးသွားရင် ခရီးပန်းပြီး မျက်ကွင်းညိုတာက ပိုထင်ပေါ်စေပါတယ်။ ဒါကြောင့် Concealer ကို မဖြစ်မနေယူသွားပါ။

Foundation

မိတ်ကပ်လိမ်းမယ်ဆိုရင်တော့ Foundation က မဖြစ်မနေလိုတာပေါ့။ အချိန်သိပ်မပေးနိုင်ရင် Cushion လိမ်းတာက ပိုပြီးအဆင်ပြေပါလိမ့်မယ်။

Setting Powder

မိတ်ကပ်သား သိပ်သိပ်လေးဖြစ်ဖို့ Setting Powder ကလည်း လိုပါတယ်။ ခရီးသွားရင်းနဲ့ မျက်နှာမဲညစ်လာတယ်ထင်ရင် Powder လေးပုပ်လိုက်ရုံပါပဲ။

Eyebrow Pencil

မိတ်ကပ်မပြင်ရင်တောင် မျက်ခုံးမွှေးဆွဲထားရင် အဆင်ပြေနေပါပြီ။ ဒါကြောင့် Eyebrow Pencil ကိုလည်း မဖြစ်မနေ ယူသွားသင့်ပါတယ်။

Mascara

မျက်လုံးကို ဘာမှမပြင်ထားရင်တောင်မှ မျက်တောင်မွှေးလေးတွေ ရှည်ပြီးကော့နေရင် အရမ်းလှပါတယ်။ ဒါကြောင့် Mascara ကိုလည်း ယူသွားသင့်ပါတယ်။ မျက်ခုံးမွှေးရှိပြီးသားသူတွေဆိုရင် မျက်ခုံးမွှေးမဆွဲတော့ပဲ Mascara နဲ့ ဖြီးလိုက်လို့တောင်ရပါတယ်။

Lipstick

နှုတ်ခမ်းနီကိုတော့ ဖြစ်နိုင်ရင် ၂ ရောင်လောက် ယူသွားသင့်ပါတယ်။ နှုတ်ခမ်းနီဆိုးဖို့အတွက်တင်မဟုတ်ပဲ ပါးနီခြယ်ရင်လည်း နှုတ်ခမ်းနီသုံးပြီး ခြယ်လို့ရပါတယ်။ ဒါ့အပြင် Eyeshadow အဖြစ်နဲ့လည်း မျက်လုံးခြယ်လို့ ရပါတယ်။ ဒါကြောင့် နှုတ်ခမ်းနီထည့်သွားရင် Eyeshadow Palette နဲ့ ပါးနီကို ထည့်စရာမလိုတော့ပါဘူး။