ရုံးတက်နေရတဲ့ မိန်းကလေးတွေအနေနဲ့ အဝတ်အစားတစ်ခုထဲကိုပဲ ရွေးချယ်နေလို့မရပါဘူး။ အမြဲတမ်း fashion ကျပြီး လှနေချင်ရင်တော့ fashion accessories တွေကအစ ဂရုစိုက်ဖို့လိုပါတယ်။ ဒါကြောင့် ရုံးတက်နေရတဲ့ မိန်းကလေးတိုင်း သေချာဝတ်ဆင်သင့်တဲ့ fashion accessories 6 မျိုးကို ပြောပြပေးလိုက်ပါတယ်။
ဆွဲကြိုး
လည်ပင်းကြီးက ပြောင်ရှင်းနေရင် တစ်ခုခုလိုနေသလို ဖြစ်နေတတ်ပါတယ်။ ဒါကြောင့် ရုံးသွားတဲ့အခါမှာ ဆွဲကြိုးလေးဆွဲပါ။ အခုနောက်ပိုင်းမှာဆိုရင် fancy လေးတွေ ဝတ်ဆင်တာက အရမ်းခေတ်စားနေတာပါ။
လက်စွပ်
လက်စွပ်ကတော့ ဆွဲကြိုးလောက် မဖြစ်မနေလိုအပ်နေတာမျိုး မဟုတ်ပေမယ့် perfect ဖြစ်ပြီး လှနေချင်ရင်တော့ လက်စွပ်လေးတွေလည်း ဝတ်ဆင်ပါ။
နားကပ်
နားပေါက်ရှိတဲ့ မိန်းကလေးတွေဆိုရင် နားကပ်လှလှလေးတွေ အမျိုးမျိုးဝတ်ဆင်ပါ။ အခုနောက်ပိုင်းမှာ fancy နားကပ်လေးတွေကို အမျိုးမျိုးဝတ်ဆင်တာက အရမ်းခေတ်စားနေပါတယ်။
နာရီ
ရုံးတက်နေရတဲ့ မိန်းကလေးပဲဖြစ်ဖြစ်၊ ယောင်္ကျားလေးပဲဖြစ်ဖြစ် နာရီလေးပတ်ထားသင့်ပါတယ်။ ဖုန်းမှာနာရီပါလို့ မလိုဘူးဆိုပေမယ့် နာရီမပတ်ထားရင် တစ်ခုခုလိုနေသလို ဖြစ်နေပါတယ်။
ပိုက်ဆံအိတ်
ရုံးတက်နေရတဲ့ မိန်းကလေးတွေအတွက် ပိုက်ဆံအိတ်ကောင်းကောင်းလေး တစ်လုံးတော့ ရှိထားသင့်ပါတယ်။ ဘယ်လိုအဝတ်အစား အရောင်နဲ့မဆိုလိုက်ဖက်နေမယ့် ပိုက်ဆံအိတ်မျိုးကိုကိုင်ပါ။
ဖိနပ်
ရုံးတက်နေရတဲ့မိန်းကလေးတွေက ဖိနပ်ကိုလည်း သေချာလေးဂရုစိုက်ပေးဖို့လိုပါတယ်။ ခေါင်းအစခြေအဆုံးကြည့်လိုက်တာနဲ့ သပ်ရပ်လှပနေစေဖို့ သက်တောင့်သက်သာဖြစ်ပြီး ကိုယ်နဲ့လိုက်ဖက်မယ့် ဖိနပ်လေးတွေကို ရွေးချယ်ပါ။
