ကိုယ်ကြပ်အင်္ကျီများ ဝတ်လိုက်တိုင်းမှာ ဝမ်းဗိုက်နှင့် ခါးရှိ အဆီပိုများကြောင်း စိတ်ညစ်နေရပြီလား။ ခန္ဓာကိုယ်ကောက်ကြောင်းအလှကို ပေါ်လွင်ချင်သူများအတွက် ဝမ်းဗိုက်နှင့် ခါးရှိအဆီပိုများကို ဖယ်ရှားပေးမယ့် ထိရောက်မှုရှိသော လေ့ကျင့်ခန်းများကို ဝေမျှပေးချင်ပါတယ်။

ဒီလေ့ကျင့်ခန်းများကို မှန်မှန်ပြုလုပ်ပေးပါက ၃ ပတ်ကြာတဲ့အခါ အဆီပိုများ ကင်းရှင်းတဲ့ ခန္ဓာကိုယ်လေးကို ပိုင်ဆိုင်နိုင်ပြီပဲဖြစ်ပါတယ်။

လေ့ကျင့်ခန်း (၁)

အရင်ဦးဆုံး ခြေထောက်နှစ်ဖက်ကို ပုခုံးအကျယ်အတိုင်း ချဲထားပါ။ ထို့နောက် ပုံပါအတိုင်း ဒူးမကွေးစေဘဲ ခန္ဓာကိုယ်ကို အရှေ့သို့ ကွေးချလိုက်ပါ။ လက်ဖဝါးက ကြမ်းပြင်နဲ့ ထိကပ်အောင် ကြိုးစားရပါမယ်။

ဒီလေ့ကျင့်ခန်းကိုတော့ ၁၀ ကြိမ် (သို့) ၁၅ ကြိမ်၊ ၂ ကြော့ (သို့) ၃ ကြော့စီ ပြုလုပ်ပေးရပါမယ်။

လေ့ကျင့်ခန်း (၂)

အသင့်အနေအထားအဖြစ် ခြေထောက်နှစ်ဖက်ကို ပုခုံးအကျယ်အတိုင်း ချထြားပါ။ လက်တစ်ဖက်က အလေးတုံးကို ကိုင်ထားပါ။ အလေးတုံးရှိပါက ရေဘူး ကိုင်ထားနိုင်ပါတယ်။ ကျန်လက်တစ်ဖက်ရဲ့လက်ဖဝါးကို နောက်စေ့တွင် ထားထားပါ။ ထို့နောက် ခန္ဓာကိုယ်ကို အလေးတုံးကိုင်ထားသော ဘက်သို့ ကွေးချလိုက်ပါ။

ဒီလေ့ကျင့်ခန်းကိုတော့ ၁၅ ကြိမ် (သို့) အကြိမ် ၂၀၊ ၃ ကြော့စီ ပြုလုပ်ပေးရပါမယ်။ ညာဘက်လက်ဖြင့် အလေးတုံးကိုင်ပြီးပါက ဘယ်ဘယ်အခြမ်းကိုလည်း ထိုနည်းအတိုင်း ပြုလုပ်ရပါမယ်။

လေ့ကျင့်ခန်း (၃)

ဒီလေ့ကျင့်ခန်းကတော့ ဒိုက်ထိုးလေ့ကျင့်ခန်းဖြစ်ပြီး ပုံပါအတိုင်း အသင့်အနေအထားပြင်ပါ။ ထို့နောက် တံတောင်ဆစ်ကို ကွေးချလိုက်ပါ။

ဒီလေ့ကျင့်ခန်းကိုတော့ ၂၀ ကြိမ် (သို့) ၃၀ ကြိမ်၊ ၂ ကြော့ (သို့) ၃ ကြော့စီ ပြုလုပ်ပေးရပါမယ်။

လေ့ကျင့်ခန်း (၄)

လေ့ကျင့်ခန်း ပြုလုပ်တဲ့ဖျာပေါ်မှာ ဝမ်းလျားမှောက်ပါ။ ထို့နောက် ဝမ်းဗိုက်ကို ကြမ်းပြင်ဖြင့် ထိကပ်ထားပါ။ လက်နှစ်ဖက်က နောက်ပစ်ကာ ခြေကျင်းဝတ်ကို လှမ်းဆွဲလိုက်ပါ။ အသက်ပြင်းပြင်းရှုသွင်းလိုက်ပါ။ ထိုအနေအထားအတိုင်း စက္ကန့် ၂၀ မှ စက္ကန့် ၆၀ အထိ တောင့်ထားပါ။ ၃ ကြော့ ပြုလုပ်ရပါမယ်။

လေ့ကျင့်ခန်း (၅)

လေ့ကျင့်ခန်း ပြုလုပ်တဲ့ဖျာပေါ်မှာ ဝမ်းလျားမှောက်ပါ။ လက်နှစ်ဖက်နှင့် ခြေနှစ်ဖက်ကို တစ်ချိန်တည်းမှာပဲ အပေါ်သို့ မြှောက်ပါ။ လက်နှင့် ခြေကို ဆွဲဆန့်နိုင်သမျှ ဆွဲဆန့်ထားပါ။ ထိုအနေအထားအတိုင်း စက္ကန့် အနည်းငယ်ခန့် တောင့်ထားပါ။ ထို့နောက်မူလအနေအထားအတိုင်း ပြန်နေပါ။ ထ

ဒီလေ့ကျင့်ခန်းကိုတော့ ၂၀ ကြိမ် (သို့) ၁၅ ကြိမ်၊ ၃ ကြော့ (သို့) ၄ ကြော့စီ ပြုလုပ်ပေးရပါမယ်။

လေ့ကျင့်ခန်း (၆)

အရင်ဦးဆုံး လေ့ကျင့်ခန်းပြုလုပ်တဲ့ဖျာပေါ်မှာ လှဲလျောင်းနေပါ။ ထို့နောက် ဒူးကွေးပါ။ ထို့နောက် ခန္ဓာကိုယ်ကို တဖြည်းဖြည်းကြွကာ ပုံပါအနေအထားအတိုင်းရအောင် ခန္ဓာကိုယ်ကို ကွေးလိုက်ပါ။

ခန္ဓာကိုယ်က အမြင့်ဆုံးအထိ ကွေးပြီးတဲ့အခါမှာတော့ ထိုအနေအထားအတိုင်း ၃ စက္ကန့်မှ ၅ စက္ကန့်အထိ တောင့်ထားပါ။ ထို့နောက် မူလအနေအထားအတိုင်း ပြန်နေပါ။ ဒီလေ့ကျင့်ခန်းကိုတော့ ၁ ကြော့ (သို့) ၂ ကြော့စီ ပြုလုပ်ရပါမယ်။

ဒီလေ့ကျင့်ခန်းများကို နေ့စဉ်မှန်မှန်ပြုလုပ်ပေးပါက ရက်သတ္တပတ် သုံးပတ်ကြာတဲ့အခါ ထူးခြားမှုကို မြင်တွေ့ရပါလိမ့်မယ်။

Source: Brightside.me