စိတ်ဖိစီးတဲ့အချိန် စိုးရိမ်သောကများတဲ့အချိန်မှာ ဖြစ်လာနိုင်တဲ့ အန္တရာယ် (၆) ခု

စိတ်ဖိစီးမှုများတာက ခန္ဓာကိုယ်အတွက် မကောင်းပါဘူး။ ကြောက်ရွံ့မှုတွေ၊ စိုးရိမ်သောကတွေများလို့ ဘာမှကောင်းတာဖြစ်လာမှာမဟုတ်ပါဘူး။ ခေါင်းအေးအေးထားပြီး ဖြစ်လာတဲ့ အကြောင်းအရာတွေကို ဖြေရှင်းနည်းရှာပြီး ဖြေရှင်းမှ အဆင်ပြေမှာပါ။ စိတ်ဖိစီးတဲ့အချိန် သင့်ခန္ဓာကိုယ်ကို အန္တရာယ်ဖြစ်စေတဲ့အရာတွေကတော့-

၁။ ဝိတ်ပိုတက်လာတယ်

စိတ်ဖိစီးမှုများတဲ့အချိန် ခန္ဓာကိုယ်က တာဝန်တွေကို ကောင်းကောင်းမလုပ်ဆောင်နိုင်တော့ပါဘူး။ ဒီအချိန်မှာ ဝိတ်ပိုတက်လာပါတယ်။ ဒါကြောင့် သင်က ဝိတ်ချနေတဲ့သူတစ်ယောက်ဆိုရင် စိတ်ဖိစီးမှုလျှော့ချပေးပါ။

၂။ သွေးဖိအားတက်ခြင်း

စိတ်ဖိစီးမှုများတဲ့အချိန် နှလုံးက လုပ်ငန်းဆောင်တာတွေကို မြန်မြန်လုပ်ဆောင်ရပါတယ်။ စိတ်ပူတာတွေများတဲ့အချိန် သွေးတိုးလာပါတယ်။ ဒါကြောင့် စိတ်အေးအေးထားပါ။

၃။ နှလုံးရောဂါဖြစ်ပွားနိုင်ချေများခြင်း

အပေါ်မှာ ပြောခဲ့တဲ့အတိုင်း နှလုံးက အလုပ်ပိုလုပ်ရတာကြောင့် နှလုံးရောဂါဖြစ်ပွားနိုင်ချေပိုများပါတယ်။ ယောဂကျင့်တာ၊ ပြေးတာနဲ့ လေ့ကျင့်ခန်းလုပ်ပေးတာတွေက နှလုံးရောဂါကာကွယ်ရာရောက်ပါတယ်။