မိန်းကလေးအချို့က ရင်သားသေးတာကြောင့် သူတို့ကိုယ် သူတို့ အားငယ်တတ်ကြပါတယ်။ ဒါပေမဲ့ ဖက်ရှင်ဝတ်ဆင်ပုံနဲ့ ပတ်သက်ပြီး ရင်ဘတ်နေရာ သိပ်မရှိတဲ့ မိန်းကလေးတွေက ရွေးစရာ အများကြီး ရှိနေတတ်ပါတယ်။ သင်က ရင်ဘတ်သေးလို့ စိတ်ညစ်နေတယ်ဆိုရင်တော့ အောက်ဖော်ပြပါအချက်တွေက သင့်ကို ကူညီပေးပါလိမ့်မယ်။
၁။ လည်ပင်းအမြင့်တွေ ဝတ်ပါ
လည်ပင်းအမြင့်နဲ့ အင်္ကျီတွေကို ရင်သားကြီးတဲ့ မိန်းကလေးတွေ ဝတ်လို့ သိပ်မလှပါဘူး။
၂။ ရှေ့ကွဲဝတ်ဖို့ မကြောက်ပါနဲ့
ရင်သားသေးတယ်ဆိုပြီး ရှေ့ဘက်အကွဲ မဝတ်ရတော့ဘူးလို့ မဆိုလိုပါဘူး။ ဥပမာ ထိုင်းမင်းသမီး Davika ဆိုရင် ရင်ဘတ်သေးပေမယ့် ဆွဲဆောင်မှုရှိရှိ ရှေ့ကွဲနဲ့ လှနေတာပါပဲ။
၃။ ရှေ့မှာ Accessories တွေ ဝတ်ပါ
သင်က ရင်ဘတ်ကို အခြားသူ ကြည့်ပြီး ဝေဖန်တာ မကြိုက်ဘူးဆိုရင်တော့ ရှေ့ရင်ဘတ်မှာ ကော်လံ၊ ကြယ်သီး၊ Accessories စတာတွေကို တွဲဝတ်သင့်ပါတယ်။
၄။ ကိုယ်ကျပ်အင်္ကျီဝတ်ပါ
ရင်ဘတ်သေးတဲ့သူတွေက ခါးနေရာကို ပိုမြင်ရအောင် ကိုယ်ကျပ်အင်္ကျီလေးတွေ ဝတ်သင့်ပါတယ်။ လူတွေက သင့်ရင်ဘတ်သေးတာကို မမြင်ရတော့ဘဲ ဒါကို ကိုယ်ကျပ်အင်္ကျီက ဖုံးပေးပါလိမ့်မယ်။
၅။ ရှေ့ဘက်အပွင့်နဲ့ ဝတ်စုံကို ရွေးချယ်ပါ
ရှေ့ဘက်မှာ ရင်ဘတ်အပွင့် လုပ်ပေးထားတဲ့ အင်္ကျီတွေကို ဝတ်မယ်ဆိုရင်တော့ သင်က ဆွဲဆောင်မှု ရှိရှိလှနေမှာပါ။
၆။ ယောက်ျားဆန်ဆန်ဝတ်ပါ
ရင်သားကြီးတဲ့ မိန်းကလေးတွေဆိုရင် ယောက်ျားဆန်ဆန် ဝတ်ပေမယ့် ရင်ဘတ်က သိသာနေတော့ သိပ်ကြည့်မလှပါဘူး။ သင်က ယောက်ျား ဆန်ဆန် ဝတ်ချင်တယ်ဆိုရင် ရင်သားသေးတဲ့ အခါ ကွက်တိပါပဲ။
Photo Source: Pinterest
By Mystyle Myanmar
