အနုပညာရှင်တွေရဲ့ အချစ်ရေးကို ချစ်တဲ့ ပရိသတ်တွေက စိတ်ဝင်စားကြပါတယ်။ အထူးသဖြင့်အနုပညာရှင် အချင်းချင်း ချစ်ကြိုက်မိရင်တော့ ပိုပြီး စိတ်ဝင်စားကြပါတယ်။ လက်ထပ်ပြီးနောက်ပိုင်းမှ ပိုပြီး လူစိတ်ဝင်စားတာခံရပြီး နာမည်ကျော်လာတဲ့ ကိုရီးယားအနုပညာရှင်စုံတွဲ (၅) တွဲကိုမျှဝေပေးချင်ပါတယ်။

၁။ Ji Sung နဲ့ Lee Bo Young

သူတို့နှစ်ယောက်ကတော့ တွဲပြီး ၆ နှစ်အကြာမှာ လက်ထပ်ခဲ့ကြတာပါ။ ၂၀၀၄ ခုနှစ်မှာ ဇာတ်ကားတစ်ခုရိုက်ရင်း ဆုံခဲ့ကြတာဖြစ်ပါတယ်။ အိမ်ထောင်သက်လည်း အတန်ကြာပြီဖြစ်ပေမယ့် အချစ်တွေကတော့ လျော့မသွားသေးပါဘူး။

၂။ Tiger JK နဲ့ Yoon Mirae

သူတို့နှစ်ယောက်ကတော့ Hip Hop စုံတွဲဖြစ်ပါတယ်။ လက်ထပ်ပြီးနောက်မှာလည်း တစ်ယောက်ကိုယ်တစ်ယောက် ပံ့ပိုးကူညီကြဆဲပါပဲ။

၃။ Lee Sang Soon နဲ့ Lee Hyori

သူတို့နှစ်ယောက်ဟာ လက်ထပ်ကြပြီး အတူတူနေဖို့အတွက် Jeju ကျွန်းမှာ အိမ်လေးတောင် ဆောက်ပြီးနေပြီဖြစ်ပါတယ်။ သူတို့နှစ်ယောက်ဟာလည်း နိုင်ငံအတွင်း ပရိသတ်တွေအားကျရတဲ့ စုံတွဲဖြစ်ပါတယ်။

၄။ Woo Hyo Kwang နဲ့ Choo Ja Hyun

သူတို့စုံတွဲကတော့ SBS မှာထုတ်လွှင့်တဲ့ အစီစဉ်တစ်ခုမှာ သူတို့အိမ်ထောင်ရေးရဲ့ သာယာချိုမြိန်မှုတွေကို မျှဝေရင်းနဲ့ ကိုရီးယား ပရိသတ်တွေကြားထဲမှာ နာမည်ကျော်လာခဲ့တဲ့ စုံတွဲဖြစ်ပါတယ်။ ပရိသတ်တွေရဲ့ အသည်းကို ရရှိထားကြတဲ့ Cele တွေပါ။

၅။ Ryu Su Young နဲ့ Park Ha Sun

သူတို့ကလည်း Two Weeks ဆိုတဲ့ ဒရမ်မာကားရိုက်ကူးရင်းတွေ့ခဲ့ကြတာပါ။ ဒီနှစ်အစောပိုင်းမှာ လက်ထပ်ခဲ့ကြတာဖြစ်ပါတယ်။ အခုဆိုရင် ရင်သွေးလေးလည်း လွယ်ထားရပြီဖြစ်ပြီး ခင်ပွန်းဖြစ်သူ Ryu Su Young က ချစ်ဇနီးကို ပိုပိုပြီးဂရုစိုက်နေပါတယ်တဲ့။