ပျိုမေတို့အားလုံးမင်္ဂလာပါ။ သင်က ရင်သားကို ဒီထက်ပိုပြည့်ပြည့်လေးဖြစ်ချင်တယ်ဆိုရင်တော့ ပဲပါဝင်မှုများတဲ့ အစားအစာနဲ့ ပရိုတင်းကြွယ်ဝတာတွေကို များများစားပေးရပါမယ်။ ဒါနဲ့အတူ လေ့ကျင့်ခန်းပါ တွဲဖက်လုပ်ပေးသင့်ပါတယ်။ အခုပြောပြမယ့် လေ့ကျင့်ခန်းအတွက် လိုအပ်တဲ့ပစ္စည်းကတော့ အလေး တစ်စုံပါ။ ဒီတော့ လေ့ကျင့်ခန်းတွေကိုကြည့်လိုက်ရအောင်နော်-

၁။ Elbow Squeeze Press

Photo Source: We Heart It

  • အလေးတုံးကို မပြီး ပခုံးနဲ့ တစ်တန်းတည်း ထားပေးရပါမယ်။
  • ပြီးနောက် ရှေ့ကို ဆွဲယူရပါမယ်။
  • နဂို တစ်တန်းတည်းနေရာဆီပြန်သွားပြီး အလေးတုံးကို အပေါ် ပင့်တင်ပေးရပါမယ်။
  • မူလပုံစံအတိုင်းပြန်သွားပြီး ရှေ့ကို ထပ်လုပ်ရပါမယ်။
  • ဒါကို ၁၀ ခါ ၂ကြိမ် (အခါ ၂၀) လုပ်ပေးရပါမယ်။

၂။ Lying Chest Fly

Photo Source: Gfycat

  • အိပ်လျက်အနေအထားနဲ့ အလေးမပေးရပါမယ်။
  • အလေးကို အပေါ်ပင့်တင်ပြီး ဘေးကို ဆွဲချပေးရပါမယ်။
  • ဒါကို ၁၀ ခါ ၂ ကြိမ် ပြုလုပ်ပေးရပါမယ်။

၃။ Reverse fly

Photo Source: Gfycat

  • အလေးတုံးကို မပြီး ဒူးကွေးအနေအထားနဲ့ အောက်ဘက် ငုံ့ပေးရပါမယ်။
  • ဒီငုံ့လျက်အနေအထားနဲ့ပဲ အလေးတုံးကို ဘေးဘက်ကားပေးရပါမယ်။
  • ပြီးနောက် နဂိုအနေအထားပြန်သွားပေးရပါမယ်။
  • ဒါကို ၁၀ ခါ ၂ ကြိမ် ပြုလုပ်ပေးရပါမယ်

၄။ Plank step ins

Photo Source: Women’s Health

  • ဒိုက်ထိုးတော့မယ့်ပုံစံမျိုး လက်ထောက်ထားပေးရပါမယ်။
  • ပြီးနောက် ညာဘက်ခြေထောက်ကို ရင်ဘတ်ဆီနီးအောင် ကွေးပေးရပါမယ်။
  • ဘယ်ဘက်ကိုလည်း ဒီလိုပဲလုပ်ပေးရပါမယ်။
  • ဒါကို ဘယ်ညာတစ်လှည့်စီ ၁၀ ခါ ၂ ကြိမ်လုပ်ရပါမယ်။

၅။ Shoulder Tap rotation

Photo Source: Make a Gif

  • ဒိုက်ထိုးမယ့်ပုံစံ လက်ထောက်ပေးရပါမယ်။
  • ပြီးနောက် ညာဘက်လက်ကို အားပြုပြီး ဘယ်ဘက် လှည့်ပေးရပါမယ်။
  • ဒီလိုလှည့်တဲ့အချိန် ဘယ်ဘက်ကို အပေါ်မြှောက်ပေးရပါမယ်။
  • ဘယ်ဘက်ကို အားယူထောက်ထားပြီး ညာဘက်ကိုလည်း တစ်လှည့်မြှောက်ပေးရပါမယ်။
  • ဒါကို ၁၀ ခါ ၂ ကြိမ် လုပ်ပေးရပါမယ်။

၆။ Triceps Dips

Photo Source: Gfycat

  • ခုံတစ်ခုံကို အားပြုပြီး ထိုင်ပေးရပါမယ်။
  • လက်ကို နောက်ဘက်မှာ ထားပေးရပါမယ်။
  • ပြီးနောက် ပုံထဲကအတိုင်း အားပြုပြီး အပေါ် ထပေးရပါမယ်။
  • ပြီးနောက် နဂိုပုံစံပြန်သွားပေးရပါမယ်။
  • ဒါကို ၁၀ ခါ ၂ ကြိမ်လုပ်ရပါမယ်။

By MyStyle Myanmar