ဗိုက်မှာအဆီများနေလို့ပဲဖြစ်ဖြစ်၊ ဗိုက်ချပ်ကပ်နေတာမျိုးလေး လိုချင်လို့ပဲဖြစ်ဖြစ် ဒီလို Flate Belly လိုချင်တဲ့သူတွေအတွက် လုပ်သင့်တဲ့ Lower Ab Workout 6 ခု ကို မျှဝေပေးလိုက်ပါတယ်။
Leg Raises
လက်ကို တင်ပါးအောက်နား (သို့) တင်ပါးဘေးကပ်ပြီးထားပါ။ ခြေထောက်ကိုပဲ အောက်ချထားရာကနေ ၄၅ ဒီဂရီလောက် မြှောက်ပါ။ ပြီးရင် ၉၀ ဒီဂရီ ဆက်မြှောက်ပါ။ ပြီးရင် ခြေထောက်ကို ချက်ချင်းပြန်မချပဲ ၄၅ ဒီဂရီလောက်ကို ပြန်ချပြီးမှ အောက်အထိ ပြန်ချပါ။ အဲ့လိုအားလုံးလုပ်ပြီးမှ ၁ ကြိမ်လို့ သတ်မှတ်ရပါမယ်။ ၇ ကြိမ် ဆက်တိုက်လုပ်ပေးပြီး ခဏနား၊ ပြီးရင် နောက်ထပ် ၇ ကြိမ် ထပ်လုပ်ပါ။
Flutter Kicks
ပုံမှာလုပ်ပြထားတဲ့အတိုင်း လက်ထောက်ပြီး ခြေထောက်ကို ၂၀ ဒီဂရီ ၃၀ ဒီဂရီလောက် မြှောက်လိုက်၊ ပြန်ချလိုက် လုပ်ပေးရမှာပါ။ ၁၅ ကြိမ် ဆက်တိုက်လုပ်ပေးပြီး ခဏနား ပြီးရင် ၁၅ ကြိမ် ထပ်လုပ်ပါ။
In And Out Leg Lifts
ခြေထောက်ကို ပုံမှာလုပ်ပြထားသလို ၃၀ ဒီဂရီလောက် မြှောက်ထားပြီးတော့ ခြေထောက်နှစ်ဖက်ကို ကားလိုက်၊ ပြန်စုလိုက် လုပ်ရမှာပါ။ ၂၅ ကြိမ် လုပ်ပြီး ခဏနား ပြီးရင် နောက်ထပ် ၂၅ ကြိမ် ထပ်လုပ်ပေးပါ။
Leg Extension Crunch
ပုံမှာလုပ်ပြထားသလို လက်ထောက်ပြီး ခြေထောက်ကို ကြမ်းပြင်နဲ့ ၂၀ ဒီဂရီအကွာထောက် မြှောက်ထားပါ။ မြှောက်တဲ့အခါ ခြေထောက်ကို ဆန့်ထားပါ။ ပြီးရင် ပုံထဲကလို ကွေးပါ။ ပြန်ဆန့်ပါ။ အဲ့အတိုင်း ၁၂ ကြိမ် လုပ်ပြီး ခဏနား ပြီးရင် ၁၂ ကြိမ် ထပ်လုပ်ပေးရပါမယ်။
Mountain Climbers
လက်ထောက်ပြီး ပုံထဲကအတိုင်း ခြေထောက်တစ်ဖက်ကို ကွေးလိုက်၊ ပြန်ဆန့်လိုက်၊ နောက်ခြေထောက်တစ်ဖက်ကို ကွေးလိုက်၊ ပြန်ဆန့်လိုက်နဲ့ ဘယ်ညာတစ်လှည့်စီ တစ်ဖက်ကို ၁၅ ကြိမ်စီ လုပ်ပေးပါ။
Side Plank With Crunch
ပုံထဲကအတိုင်း ဘေးတစ်စောင်းအနေအထားနဲ့နေပြီး ဘယ်ခြေထောက်နဲ့ ညာလက်နဲ့ ထိတာမျိုး လုပ်ပေးရမှာပါ။ ၁၀ ကြိမ်လုပ်ပြီးရင် ဟိုဘက်လှည့်ပြီး အဲ့အတိုင်း ဘယ်ညာပြောင်းကာ နောက်ထပ် ၁၀ ကြိမ် ထပ်လုပ်ပေးရမှာ ဖြစ်ပါတယ်။
