အမျိုးသမီးတွေက ဓမ္မတာပုံမှန်မလာရင် အသားအရေမွဲခြောက်ပြီး ပိန်တာမျိုးတွေ၊ ကျန်းမာရေးထိခိုက်တာမျိုး၊ လာခါနီးဆိုရင် ဗိုက်အရမ်းအောင့်တာမျိုးတွေ ဖြစ်တတ်ပါတယ်။ ဓမ္မတာမှန်ဖို့က အရမ်းအရေးကြီးပါတယ်။ ဒါကြောင့် အမျိုးသမီးများအတွက် ဓမ္မတာပုံမှန်လာစေဖို့ကူညီပေးမယ့် ယောဂကျင့်စဉ် ၅ မျိုးကို မျှဝေပေးလိုက်ပါတယ်။ ဓမ္မတာမမှန်ရင်၊ လာခါနီးဗိုက်အရမ်းအောင့်တာ၊ ချုပ်တာမျိုးဖြစ်တတ်ရင် ဒီယောဂကျင့်စဉ်လေးတွေကို နေ့တိုင်း လုပ်ကြည့်ပေးပါ။

ယောဂကျင့်စဉ် (၁)

ပုံမှာပြထားတဲ့အတိုင်း ကုန်းပြီး ခြေဖဝါးနှစ်ဖက်၊ လက်ဖဝါးနှစ်ဖက်က ကြမ်းပြင်ကို ထိထားရပါမယ်။ ကုန်းထားတဲ့အနေအထားက ၉၀ ဒီဂရီ ဖြစ်နေရပါမယ်။ အဲ့အတိုင်း ကိုယ်လုပ်နိုင်သလောက် မိနစ်ပိုင်းလေးနေပေးပါ။

ယောဂကျင့်စဉ် (၂)

ပုံမှာပြထားတဲ့အတိုင်း ကြမ်းပြင်မှာထိုင်ပြီး ခြေဖဝါးနှစ်ခုကို ပူးထားပါ။ လက်ကိုလည်း ပုံထဲကအတိုင်းပဲထားပါ။ ခါးကိုလည်းမတ်ထားပေးပါ။ အဲ့ပုံစံအနေအထားအတိုင်း အသက်ကိုရှူသွင်းရှူထုတ် ပုံမှန်လုပ်ပြီး ၅ မိနစ် (သို့) ၃ မိနစ်လောက် နေပေးပါ။

ယောဂကျင့်စဉ် (၃)

ယောဂဖျာပေါ်မှာ ပုံမှာပြထားတဲ့အတိုင်း မှောက်နေပြီး လက်ကိုထောက်၊ ခါးကိုကော့၊ ခေါင်းကိုမော့ထားပါ။ အဲ့အနေအထားအတိုင်း မိနစ်ပိုင်းလောက် နေပေးရပါမယ်။

ယောဂကျင့်စဉ် (၄)

ပုံမှာပြထားတဲ့အတိုင်း ခြေဖဝါးနှစ်ဖက်ကို အပြင်ဘေးဘက်ကိုလှည့်ထားပြီး ဆောင့်ကြောင့်ထိုင်ပေးပါ။ လက်အုပ်ချီပြီး အသက်ကို ရှူသွင်းရှူထုတ် ပုံမှန်လုပ်ပေးပါ။ အဲ့အတိုင်း စက္ကန့်ပိုင်းလောက် (သို့) ၁ မိနစ်လောက် နေပေးပါ။

ယောဂကျင့်စဉ် (၅)

ယောဂဖျာပေါ်မှာ ပုံမှာပြထားတဲ့အတိုင်း ခြေထောက်ကိုဆန့်၊ တံတောင်နဲ့ထောက်ပြီး လက်နှစ်ဖက်ကို တင်ပါးအောက်ထည့်ထားပါ။ ရင်ကိုကော့ပြီး ခေါင်းကိုမော့ထားပါ။ အဲ့ပုံစံအတိုင်း မိနစ်အနည်းငယ် နေပေးရပါမယ်။

source:www.stylesatlife.com