ခဏခဏဝမ်းချုပ်တတ်တဲ့သူတွေအတွက် ဝမ်းချုပ်တာသက်သာလာအောင် ပုံမှန်လုပ်ပေးသင့်တဲ့ ယောဂကျင့်စဉ် ၅ မျိုးကို ဖော်ပြပေးလိုက်ပါတယ်။ ယောဂကျင့်ဖို့အတွက် ယောဂဖျာလိုပါတယ်။ ယောဂဖျာနဲ့လုပ်ပေးရပါမယ်။

Supine Twist

ပထမပုံမှာပြထားတဲ့အတိုင်း ခြေထောက်နှစ်ဖက်လုံးကို ကွေးပြီးမြှောက်ထားပါ။ ပြီးရင် ဒုတိယပုံထဲကအတိုင်း ခြေထောက်တစ်ဖက်ကိုဆန့်ပြီး နောက်တစ်ဖက်ကို ကွေးထားပါ။ ပြီးရင်တော့ တတိယပုံထဲကအတိုင်း ခါးကိုလိမ်ပြီး ခြေထောက်တစ်ဖက်ကိုဆန့် နောက်တစ်ဖက်ကိုကွေးပြီး ဘေးကိုချထားပါ။ Position သုံးမျိုးလုံးကိုပြီးရင် နောက်ထပ် ၉ ကြိမ် အဲ့အတိုင်း ထပ်လုပ်ပါ။ စုစုပေါင်း ၁၀ ကြိမ်လုပ်ရမှာပါ။ ပြီးရင်တော့ နောက်တစ်ဖက်ကိုလည်း ၁၀ ကြိမ်ပြည့်အောင် ပြောင်းလုပ်ပေးပါ။

Matsyasana Twist

ပထမပုံမှာပြထားတဲ့ အနေအထားနဲ့ စနေပါ။ ခြေထောက်တစ်ဖက်ကို လုံးဝဆန့်ထုတ်ထားရပါမယ်။ ခါးနဲ့ကျောရိုးကိုလည်း မတ်ထားရပါမယ်။ ပြီးရင် ဆန့်ထားတဲ့ခြေထောက်ကိုပါ ဒုတိယပုံထဲကလို ကွေးလိုက်ပါ။ ပြီးရင် တတိယပုံထဲကအတိုင်း ခါးကိုလိမ်ပြီး တစ်ဖက်ကိုလှည့်ပါ။ လက်တစ်ဖက်က နောက်မှာထောက်ထားပြီး နောက်လက်တစ်ဖက်က ခြေမျက်စိနားကို ကိုင်ထားပါ။ အဲ့အတိုင်း စက္ကန့် ၃၀ နေပေးပါ။ ပြီးရင်တော့ ဒီ ၃ ဆင့်အတိုင်း နောက်တစ်ဖက်ပြောင်းလုပ်ပါမယ်။

Crescent Twist

ပထမပုံထဲကအတိုင်းနေပြီး ဒုတိယပုံထဲကလို ခါးကိုတစ်ဖက်စောင်းပြီး လုပ်ပေးရပါမယ်။ လက်အနေအထားနဲ့ ခြေထောက်အနေအထားက ပြောင်းစရာမလိုပါဘူး။ ဒုတိယပုံထဲကအတိုင်း ၁၀ စက္ကန့်နေပေးပြီး ပထမပုံထဲကလိုပြန်နေပြီး အစကပြန်လုပ်ပါ။ ဘယ် ၅ ကြိမ်၊ ညာ ၅ ကြိမ် လုပ်ပေးရပါမယ်။

Wind-Relieving Pose

ဒါကတော့ အလွယ်ဆုံးယောဂကျင့်စဉ်ပါပဲ။ ပုံမှာပြထားတဲ့အတိုင်း ၁ မိနစ် (သို့) ၂ မိနစ် နေပေးရုံပါပဲ။

Child’s Pose

ပုံမှာပြထားတဲ့အတိုင်း ခြေဖနောင့်နဲ့ တင်ပါးနဲ့ထိနေရပါမယ်။ လက်နှစ်ဖက်ကို ဆန့်ထုတ်ထားပြီး နဖူးနဲ့ ကြမ်းနဲ့ ထိထားရပါမယ်။ အဲ့အတိုင်း စက္ကန့် ၃၀ နေပြီး အသက်ကို ခပ်ပြင်းပြင်း ရှူသွင်းရှူထုတ်လုပ်ပေးပါ။

sourcle:www.healthline.com