ကိုယ်အလေးချိန် ထိန်းပြီးတော့ ခန္ဓာကိုယ်လေး သွယ်လျလှပချင်တာဟာ မိန်းကလေးတိုင်းရဲ့ စိတ်ကူးအိပ်မက်တစ်ခုပါ။ ဝိတ်တော့ကျချင်ပေမယ့်လည်း ဘယ်လိုတွေစားရမလဲ တကယ်လည်း ထိထိရောက်ရောက် ဖြစ်ချင်တယ်ဆိုသူတို့အတွက် နာမည်ကျော် ကေပေါ့အိုင်ဒေါလ် (၅) ဦး မျှဝေထားဖူးတဲ့ Diet Tips လေးတွေကို ပြောပြပေးချင်ပါတယ်။
1. Kazuha (LE SSERAFIM)
LE SSERAFIM အဖွဲ့ဝင် ဂျပန်မလေး Kazuha ကတော့ Debut စလုပ်တဲ့အချိန်တည်းက သူမရဲ့အလှအပအပြင် ခန္ဓာကိုယ်အချိုးအစားကြောင့်လည်း လူကြိုက်များတဲ့အိုင်ဒေါလ်တွေထဲမှာ တစ်ဦးအပါအဝင်ဖြစ်ပါတယ်။ Kazuha ဟာ Greek yogurt စားရတာကို အရမ်းကြိုက်ပြီးတော့ သရက်သီးခြောက်နဲ့ တွဲစပ်ထားတဲ့ သူမရဲ့ကိုယ်ပိုင် Recipe က ကိုရီးယားမှာလည်း Trend ဖြစ်သွားပါသေးတယ်။
Kazuha ရဲ့ Recipe ကိုတော့ အောက်က ဗီဒီယိုမှာ လေ့လာနိုင်ပါတယ်။
Source: LE SSERAFIM
2. Solar (MAMAMOO)
အသံပါဝါအားကောင်းတဲ့ MAMAMOO အဖွဲ့ဝင် Solar ကတော့ ကိုက်လံအရွက်ကို ငှက်ပျောသီး၊ ပန်းဂေါ်ဖီစိမ်း၊ ဘလူးဘယ်ရီသီး၊ ပန်းသီးနဲ့ Cacao nibs ၊ Camu Camu အသီးပေါင်ဒါ၊ အယ်လ်မွန်နွားနို့ တို့ကို အကုန်ရောကြိတ်ပြီးတော့ Smoothie အနေနဲ့ သောက်ပါတယ်။
သူမရဲ့ Smoothie လုပ်နည်းကို အောက်က ဗီဒီယိုမှာ အပြည့်အစုံ ကြည့်ရှုနိုင်ပါတယ်။
Source: 솔라시도 solarsido
3. Suzy
အိုင်ဒေါတဖြစ်လဲ မင်းသမီး Suzy ကတော့ မနက်စာအဖြစ် ကန်စွန်းဥ၊ ကြက်ရင်ပုံသား၊ Low Fat နွားနို့တစ်ခွက်တို့ကို စားပြီး နေ့လည်စာအတွက် အရွက်သုပ်တစ်ပွဲကို ဆန်လုံးညိုနဲ့ အတူစားပါတယ်။ ညစာကိုတော့ ကန်စွန်းဥနှစ်လုံးစားပါတယ်တဲ့။
4. JooE (MOMOLAND)
MOMOLAND အဖွဲ့ဝင်ဟောင်း JooE ကတော့ သခွားသီး၊ ကြက်ရင်ပုံ၊ အမဲသား ဒါမှမဟုတ် ပန်းသီးတို့ကို စားပေးပြီး Diet လုပ်ပါတယ်တဲ့။
5. Somi
Somi ရဲ့ Diet ကတော့ သူမရဲ့ ထရိန်နာစီစဥ်ပေးထားတာဖြစ်ပြီး အဲ့ Plan ထဲမှာ မနက်စာအတွက် ဘလူးဘယ်ရီးသီးတွေနဲ့ Non-fat ဒိန်ချဥ်၊ နေ့လည်စာအတွက် ဆယ်လ်မွန်ဆန်းဒဝှစ်ချ်၊ ညစာအတွက် ကော်ပြန့်စိမ်းတို့ဖြစ်ပါတယ်။
Somi ရဲ့ Diet ကိုလည်း အောက်က ဗီဒီယိုမှာ ကြည့်နိုင်ပါတယ်။
