သံပယိုသီးနဲ့ ဗောက်ပျောက်အောင်လုပ်လို့ရတဲ့ နည်းလမ်း ၄ မျိုး

ဗောက်ထတာက များလာလေ စိတ်ညစ်စရာ ကောင်းလေပါပဲ။ ဒါကြောင့် အရမ်းများမလာခင်မှာ သက်သာပျောက်ကင်းအောင် လုပ်သင့်ပါတယ်။ ဗောက်အတွက်ဆိုရင် သံပယိုသီးက အကောင်းဆုံးပါပဲ။ ဒါကြောင့် သံပယိုသီးနဲ့ ဗောက်ပျောက်အောင်လုပ်လို့ရတဲ့ နည်းလမ်း ၄ မျိုးကို မျှဝေပေးလိုက်ပါတယ်။ ကိုယ်အဆင်ပြေတဲ့ နည်းလမ်းတစ်မျိုးကို ရွေးလုပ်ရုံပါပဲ။

သံသယိုသီးနဲ့ဇီးဖြူသီး

ပထမနည်းလမ်းကတော့ သံပယိုရည်နဲ့ ဇီးဖြူသီးအရည်ကို ဆတူရောပြီး ဂွမ်းလုံးလေးနဲ့ယူကာ ဦးရေပြားကို ပွတ်ပေးပါ။ ဖြေးဖြေးချင်းစီ နှံ့အောင်ပွတ်ပေးပါ။ ပြီးရင် မိနစ် ၃၀ ထားပြီး ခေါင်းလျှော်လိုက်ရုံပါပဲ။ အပတ်တိုင်းလုပ်ပေးရင် ဗောက်တွေ သက်သာပျောက်ကင်းစေပါတယ်။

သံပယိုသီးနဲ့ဒိန်ချဉ်

ဒိန်ချဉ် – စားပွဲတင်ဇွန်း ၂ ဇွန်းနဲ့ သံပယိုရည် – ၁ ဇွန်းကို ရောမွှေပြီး ဦးရေပြားအနှံ့ လိမ်းပေးရမှာပါ။ မိနစ် ၃၀ လောက်ထားပြီးရင် Mild ဖြစ်တဲ့ Shampoo နဲ့ ခေါင်းပြန်လျှော်ပေးပါ။ အပတ်တိုင်းလုပ်ပေးရင် ဗောက်တွေ သက်သာပျောက်ကင်းစေပါတယ်။

သံပယိုရည်နဲ့ပျားရည်

သံပယိုရည် – နည်းနည်းနဲ့ ပျားရည် – စားပွဲတင်ဇွန်း ၃ ဇွန်းကို ရောမွှေပြီး ဦးရေပြားအနှံ့ ပွတ်လိမ်းထားပါ။ မိနစ် ၂၀ လောက်ထားပြီးရင် ခုနကလိုပဲ Mild ဖြစ်တဲ့ Shampoo နဲ့ ခေါင်းလျှော်ပေးပါ။ ၄ ရက် တစ်ကြိမ် ပုံမှန်လုပ်ပေးရင် ဗောက်တွေ သက်သာပျောက်ကင်းပြီး ဦးရေပြားယားယံတာ၊ ဦးရေပြား ခြောက်သွေ့တာတွေကိုလည်း သက်သာစေပါတယ်။

သံပယိုရည်နဲ့ကြက်ဥ

သံပယိုရည်နဲ့ ကြက်ဥတစ်လုံးကို ရောခလောက်ပြီး ဦးရေပြားကို ပွတ်လိမ်းထားပါ။ မိနစ် ၃၀ ထားပြီးမှ Mild ဖြစ်တဲ့ Shampoo နဲ့ ခေါင်းလျှော်ပေးပါ။ ဦးရေပြားမှာရှိတဲ့ Dead Cells တွေကို ဖယ်ရှားပေးပြီး ဗောက်လည်း သက်သာစေပါတယ်။