T-shirt ကို ဘောင်းဘီတွေ၊ စကပ်တွေထဲ ထည့်ဝတ်လိုက်၊ အပြင်ထုတ်ဝတ်လိုက်နဲ့ ရိုးလာရင် crop top အဖြစ် ပြောင်းဝတ်ကြည့်လိုက်ပါ။ တချို့ကျတော့ crop top လုပ်မယ်ဆိုရင် T-shirt ကို အောက်နားတွေ ညှပ်ထုတ်လိုက်ကြပါတယ်။ တကယ်တော့ ညှပ်စရာတောင်မလိုပါဘူး။ ဒါကြောင့် T-Shirt ကို ညှပ်ပစ်စရာမလိုပဲ crop top အဖြစ်နဲ့ သက်သပ်ရပ်ရပ် ဘယ်လို style ပြောင်းလဲဝတ်ဆင်လို့ရမလဲဆိုတဲ့ နည်းလမ်း 5 မျိုးကို မျှဝေပေးလိုက်ပါတယ်။
Style 1
T-shirt ကို crop top အဖြစ် style ပြောင်းဝတ်မယ်ဆိုရင် အောက်ကနေ ရင်ခံတစ်ထပ် ခံဝတ်ပါ။ ပြီးမှ T-shirt ကို အောက်နားကနေ အပြားလိုက် အပေါ်ကိုလိပ်သွားပါ။ ပြီးရင် ရင်ခံထဲ ထိုးထည့်လိုက်ပါ။ ဒါဆိုရင် သပ်သပ်ရပ်ရပ်နဲ့ လှပတဲ့ crop top လေး ဖြစ်သွားပါပြီ။
Style 2
နောက်တစ်မျိူးကတော့ T-shirt အစကို အရှေ့စုပြီး ပုံထဲကအတိုင်း လက်နဲ့လိမ်ပါ။ ပြီးရင် ရင်ခံအောက်ထဲ ထိုးထည့်လိုက်ရုံပါပဲ။ ဒါဆိုရင်လည်း T-shirt ကနေ crop top လေး ဖြစ်သွားပါပြီ။
Style 3
ဘေးနှစ်ဖက်ကို ပုံမှာပြထားတဲ့အတိုင်း ခေါင်းစည်းကြိုးနဲ့ စုချည်ပြီး ရင်ခံအောက်ထဲ ထိုးထည့်လိုက်ရင်လည်း crop top ဖြစ်သွားတာပါပဲ။
Style 4
T-shirt အောက်နားကို ပုံမှာပြထားတဲ့အတိုင်း နှစ်ဖက်ယှက်ပြီး ရင်ခံထဲ ထိုးထည့်လိုက်ရင်လည်း crop top ဖြစ်သွားပါတယ်။ ဒါကြောင့် ညှပ်ပစ်စရာမလိုပါဘူး။ အမျိုးမျိုး လုပ်ဝတ်လို့ရပါတယ်နော်။
Style 5
T-shirt ကို ဘေးဘက်ယူပြီး လက်နဲ့ ရေညှစ်သလိုလိမ်ပါ။ ပြီးရင် ဘေးနားမှာ အထုံးလေးထုံးလိုက်ပါ။ ဒါဆိုရင်လည်း crop top လေးဖြစ်သွားတာပါပဲ။ ရင်ခံမဝတ်ချင်ရင် ဒီလို style လေး လုပ်ဝတ်လို့ရပါတယ်။
