လက်သည်းဖျက်ဆေးကုန်သွားတဲ့အခါမှာလက်သည်းနီကိုအလွယ်ဖျက်လို့ရမယ့်နည်းလမ်း ၅ မျိုး

ရုတ်တရက် လက်သည်းဖျက်ဆေးကုန်သွားတဲ့အခါမှာ လက်သည်းနီတွေကို အလွယ်တကူဖျက်လို့ရမယ့် နည်းလမ်းကောင်း ၅ မျိုးကို ဖော်ပြပေးလိုက်ပါတယ်။ လက်သည်းဖျက်ဆေးဝယ်ဖို့ အခက်တွေ့နေချိန်မှာ ဒီနည်းလမ်းတွေက အရမ်းကိုအသုံးဝင်ပါတယ်။

လက်သန့်ဆေး

လက်သန့်ဆေးတွေမှာက alcohol ပါဝင်လို့ လက်သည်းဖျက်ဆေးအနေနဲ့ အစားထိုးသုံးလို့ အဆင်ပြေပါတယ်။ လုပ်ရမယ့်နည်းလမ်းကတော့ ရေကြက်သီးနွေးနဲ့ လက်ကိုအရင်စိမ်ပေးပါ။ ပြီးမှ ဂွမ်းလုံးပေါ်ကို လက်သန့်ဆေးများများထည့်ပြီး လက်သည်းနီကိုဖျက်ပေးရုံပါပဲ။ သေချာဖိပွတ်ပြီး ဖျက်ပေးမယ်ဆိုရင်တော့ လက်သည်းနီတွေအားလုံးကို သေချာဖျက်နိုင်မှာပါ။

သွားတိုက်ဆေး

သွားတိုက်ဆေးမှာကတော့ ethyl acetate ပါဝင်လို့ လက်သည်းဖျက်ဆေးအဖြစ်နဲ့ သုံးလို့ရပါတယ်။ လုပ်ရမယ့်နည်းလမ်းကတော့ သွားတိုက်ဆေးကိုနည်းနည်းယူပြီး လက်သည်းပေါ်တင်ပါ။ ပြီးရင် သွားပွတ်တံအဟောင်း (သို့) paper towel နဲ့ ပွတ်ပေးရုံနဲ့တင် လက်သည်းနီတွေကို အလွယ်တကူဖျက်ပစ်နိုင်ပါတယ်။

Hairspray

Hairspray မှာလည်း alcohol ပါပါတယ်။ လုပ်ရမယ့်နည်းလမ်းကတော့ ဂွမ်းလုံးလေးမှာ hairspray ဖြန်းပြီး လက်သည်းကိုပွတ်ပေးပါ။ လက်သည်းဖျက်ဆေး မဟုတ်တဲ့အတွက် တစ်ခါထဲနဲ့တော့ ပြောင်သွားမှာမဟုတ်ပါဘူး။ လက်သည်းနီတွေမပြောင်မချင်း ဖျက်ပေးရမှာပါပဲ။ ဖျက်ပြီးရင်တော့ လက်ကိုရေပြန်ဆေးပေးပါ။

ရှာလကာရည်နဲ့သံပယိုရည်

ရှာလကာရည်မှာက သဘာဝ acid ဓာတ် ပါပြီးသားပါ။ သံပယိုကလည်း အစွန်းအထင်းတွေကျွတ်စေတဲ့ဓာတ် ရှိတာကြောင့် လက်သည်းဖျက်ဆေးအနေနဲ့ သုံးနိုင်ပါတယ်။ လုပ်ရမယ့်နည်းလမ်းကတော့ ရှာလကာရည်နဲ့သံပယိုရည်ကို ဆတူရောပြီး ဂွမ်းကို မိနစ် ၂၀ လောက် ထည့်စိမ်ထားလိုက်ပါ။ အချိန်ပြည့်ရင် အဲ့ဒီစိမ်ထားတဲ့ဂွမ်းကိုယူပြီး လက်သည်းနီတွေကိုဖျက်လိုက်ရုံပါပဲ။

Deodorant

ဒီနည်းလမ်းကတော့ အလွယ်ဆုံးပါပဲ။ လက်သည်းပေါ်ကို deodorant ဖြန်းပြီး ဂွမ်းနဲ့ပွတ်ပေးရုံပါပဲ။ တစ်ခါထဲနဲ့မပြောင်တဲ့အတွက် ထပ်ဖြန်းပြီး ဖျက်ပေးရပါမယ်။ ဒါမှ လက်သည်းနီတွေ အကုန်ပျက်မှာပါ။