အသားအရေကြည်လင်ချင်တယ်၊ အသားပိုဖြူချင်တယ်ဆိုရင် တစ်ပတ်ကို ၁ ကြိမ်၊ ၂ ကြိမ် ပုံမှန် Body Scrub လုပ်ပေးရပါမယ်။ Body Scrub ကို ကိုယ်တိုင်လုပ်ထားတဲ့ Homemade သုံးချင်တဲ့သူတွေအတွက် လုပ်ရတာလွယ်ကူပြီး အသားအရေအတွက်လည်း ထိရောက်မှုရှိတဲ့ Homemade Body Scrub ပြုလုပ်နည်း ၅ ခုကို မျှဝေပေးလိုက်ပါတယ်။
Coffee Scrub
Coffee Scrub က အသားအရောင်မညီတာ၊ အသားအရေညစ်တာတွေ သက်သာစေပြီး အသားအရေကို အစိုဓာတ်ဖြည့်ပေးပါတယ်။ လုပ်ရမယ့်နည်းလမ်းကတော့ ကော်ဖီမှုန့်အကြမ်းနဲ့သကြားကို ဆတူရောထည့်ပြီး သံလွင်ဆီ – စားပွဲတင်ဇွန်း ၂ ဇွန်းနဲ့ Vitamin E Capsule တောင့်လေး – ၃ ခုကို ဖောက်ထည့်ပါ။ ပြီးရင်တော့ သမအောင်မွှေပြီး သုံးလို့ရပါပြီ။
Brown Sugar Scrub
Brown Sugar Scrub က အသားအရေကြည်လင်စေပြီး Relax ဖြစ်စေပါတယ်။ လုပ်ရမယ့်နည်းလမ်းကတော့ Brown Sugar – ခွက်တစ်ခွက်စာကို သံလွင်ဆီ – ခွက်ရဲ့ လေးပုံ ပုံ တစ်ပုံစာနဲ့ ရောမွှေပါ။ အနံ့လေးမွှေးသွားအောင် Peppermint Essential Oil ကို ၁၀ စက်လောက်ထည့်ပြီး ထပ်မွှေပါ။ ပြီးရင်တော့ သုံးလို့ရပါပြီ။
Oatmeal Body Scrub
Oatmeal Scrub ကတော့ အသားခြောက်တဲ့သူတွေ သုံးသင့်ပါတယ်။ အသားအရေခြောက်သွေ့ ကြမ်းတမ်းတာတွေ သက်သာစေပြီး အသားအရေချောမွေ့စေတယ်၊ အသားအရေစိုပြည်စေပါတယ်။ လုပ်ရမယ့်နည်းလမ်းကတော့ Oatmeal – ခွက်တစ်ဝက်စာကို Brown Sugar – ခွက်တစ်ဝက်စာ၊ ပျားရည် – ခွက်တစ်ဝက်စာနဲ့ ရောမွှေပြီး Jojoba Oil ကိုလည်း ခွက်ရဲ့ လေးပုံ ပုံ တစ်ပုံစာ ထည့်မွှေပေးပါ။ ပြီးရင်တော့ အနံ့မွှေးအောင် Lavender Essential Oil – ၂ စက်လောက်ထည့်မွှေပါ။ ပြီးရင်တော့ သုံးလို့ရပါပြီ။
Yogurt Body Scrub
Yogurt Scrub ကလည်း အသားအရေကို စိုပြည်နူးညံ့စေပြီး အသားဖြူစေဖို့ အထောက်အကူပြုပါတယ်။ လုပ်ရမယ့်နည်းလမ်းကတော့ Yogurt – စားပွဲတင်ဇွန်း ၁ ဇွန်း၊ သံလွင်ဆီ – ခွက်ရဲ့ လေးပုံ ပုံ တစ်ပုံစာ၊ ပျားရည် – လက်ဖက်ရည်ဇွန်း ၁ ဇွန်း၊ သကြား – စားပွဲတင်ဇွန်း ၃ ဇွန်း စတာတွေကို သမအောင်ရောမွှေပြီးရင် သုံးလို့ရပါပြီ။
Organic Turmeric Body Scrub
Organic Turmeric Scrub ကတော့ အသားအရေလှစေတဲ့ Scrub ဖြစ်ပါတယ်။ လုပ်ရမယ့် နည်းလမ်းကတော့ သကြား – ၁ ခွက်၊ နနွင်းမှုန့် – လက်ဖက်ရည်ဇွန်း ၂ ဇွန်း၊ အုန်းဆီ – ၁ ခွက်ခွဲစာတို့ကို ရောမွှေပါ။ ပြီးရင်တော့ သုံးလို့ရပါပြီ။
