ဆံပင်က ပျမ်းမျှအားဖြင့် တစ်လမှာ လက်မ ဝက်လောက် ရှည်နိုင်တယ်လို့ ပညာရှင်တွေက ဆိုထားပါတယ်။ တစ်နှစ်ဆိုရင် ၆ လက်မ ဝန်းကျင် ရှည်နိုင်ပါတယ်။ သင်က ဆံပင်အမြန်ရှည်ချင်တယ်ဆိုပေမယ့် ရှယ်မြန်အောင်တော့လုပ်လို့မရပါဘူး။ ဒါပေမဲ့ ကိုယ့်နဂိုရှည်နှုန်းထက် အနည်းငယ်မြန်အောင်တော့ ကြိုးစားနိုင်ပါတယ်။ ဒါ့အပြင်မှန်ကန်တဲ့ ဆံကေသာ ထိန်းသိမ်းမှုတွေနဲ့ ကိုယ့်ဆံပင်ကို ကျန်းမာအောင်ထားနိုင်ပါတယ်။ ဒီတော့ ကိုယ့်ဆံပင်ကိုအရှည်မြန်လာအောင်၊ ပိုကျန်းမာစိုပြေလာအောင် ပြုလုပ်နိုင်မယ့် နည်းလမ်းတွေကို ကြည့်လိုက်ရအောင်နော်-

၁။ ရှန်ပူထဲကို ကော်ဖီမှုန့်ထည့်လျှော်ပါ

Photo Source: Dave Asprey

လက်ဖဝါးထဲကို လိုတဲ့ရှန်ပူ ပမာဏ ထည့်ပြီးနောက် ကော်ဖီမှုန့်အစစ် ထည့်ပေးရပါမယ်။ ပြီးနောက် ပုံမှန်ခေါင်းလျှော်နိုင်ပါပြီ။ ကော်ဖီမှာပါတဲ့ ကဖင်းက ဆံပင်အရှည်မြန်စေပြီး ဆံပင်ကျွတ်တာ သက်သာစေပါတယ်။

၂။ ဆန်ဆေးရည်

Photo Source: Traya

ဆန်ဆေးရည် စစ်ချကာ တစ်ပတ်နှစ်ရက် ခေါင်းလျှော်တိုင်း ဆေးပေးရပါမယ်။ ခေါင်းလျှော်ပြီးနောက် အမြုပ်စင်တဲ့ အချိန် ဆန်ဆေးရည် နှစ်ခွက်လောက် ခေါင်းပေါ် လောင်းပေးရပါမယ်။ ပြီးနောက် ရေဆေးချပေးရပါမယ်။ဆန်ဆေးရည်က ဆံပင်ကို ပျော့အိပြီး ချောမွေ့စေကာ အရှည်မြန်စေပါတယ်။

၃။ ဆံကေသာကို ကာကွယ်ပါ

Photo Source: Pinterest

ဆံပင်ကို နေရောင်ခြည်၊ ညစ်ညမ်းတဲ့ လေထု အထိနည်းအောင် ဆံပင်အမြဲမချဘဲ ဆံထုံးထုံးထားသင့်ပါတယ်။

၄။ လေ့ကျင့်ခန်းလုပ်ပါ

Photo Source: Pinterest

လေ့ကျင့်ခန်းက ဦးရေပြားသွေးလည်ပတ်မှုကို ကောင်းမွန်စေပါတယ်။ ဦးရေပြားက လိုအပ်တဲ့ အာဟာရတွေကိုသယ်ဆောင်ရ လွယ်ကူစေပါတယ်။ လေ့ကျင့်ခန်းပုံမှန် လုပ်ပေးခြင်းက ဆံပင်အရှည်မြန်စေပြီး ဆံပင်ကျွတ်တာလျော့ပါးစေပါတယ်။

၅။ အစားအသောက်

Photo Source: Pinterest

Biotin, Zinc, Iron(သံဓာတ်) နဲ့ Omega 3 ပါတဲ့ အစားအသောက်တွေကို စားသုံးသင့်ပါတယ်။ ဒီအာဟာရဓာတ်တွေပါဝင်တဲ့ အစားအသောက်တွေကတော့- ကြက်ဥ၊ အသား၊ ငါးအမျိုးမျိုး၊ ပဲအမျိုးမျိုး စတာတွေ ဖြစ်ပါတယ်။

By MyStyle Myanmar