အရပ်ပုတဲ့မိန်းကလေးတွေအနေနဲ့ဦးစားပေးဝယ်သင့်တဲ့ဒေါက်ဖိနပ် ၅ မျိုး

အရပ်ပုတဲ့ မိန်းကလေးတွေအနေနဲ့ ဒေါက်ဖိနပ်ဝယ်တော့မယ်ဆိုရင် ဦးစားပေးပြီးဝယ်သင့်တဲ့ ဒေါက်ဖိနပ် ၄ မျိုးကို ပြောပြပေးလိုက်ပါတယ်။ ဒေါက်ဖိနပ်တွေ အများကြီး မဝယ်ချင်တဲ့သူတွေဆိုလည်း ဒီ ၅ မျိုးလောက်ကို ဝယ်ထားရင်ပဲ တော်တော်အဆင်ပြေနေပါပြီ။

Nude Point Toe Pump

ဒီဒေါက်ဖိနပ်ကျတော့ မြန်မာဝတ်စုံ၊ ဘောင်းဘီအတို၊ အရှည်၊ စကပ်အတို၊ အရှည်၊ ဂါဝန်အတိုအရှည် အားလုံးနဲ့ကိုလိုက်ဖက်တာပါ။ ပွဲတက်အတွက်လည်း အကောင်းဆုံးဒေါက်ဖိနပ်ပါပဲ။ အရပ်ပုတဲ့သူတွေဆိုရင် အရောင်ရွေးချယ်တဲ့အခါမှာ Nude Color ကို ဦးစားပေးပြီးရွေးချယ်သင့်ပါတယ်။ ဒီအရောင်က အသားနဲ့ တစ်ပြေးထဲဖြစ်နေလို့ အရပ်ပိုရှည်တဲ့ပုံစံမျိုး ဖြစ်စေပါတယ်။

Black Point Toe Pump

ဒီဒေါက်ဖိနပ်က အပေါ်မှာပြောခဲ့သလိုပဲ သူ့ဒီဇိုင်းကိုက ဖက်ရှင်တိုင်းနဲ့ လိုက်ဖက်ပါတယ်။ အဲ့တော့ နောက်တစ်ရံထပ်ဝယ်မယ်ဆိုရင် အနက်ရောင်ကို ရွေးချယ်ပါ။ ဖက်ရှင်ကျနေဖို့အတွက် အနက်ရောင်က မရှိမဖြစ်ပါပဲ။ အဓိကကတော့ ပွဲတက်တဲ့အခါတွေမှာစီးဖို့အတွက် Black Point Toe Pump က အရမ်းကိုမိုက်ပါတယ်။

High Heel Sandal

အရပ်ပုတဲ့သူတွေအနေနဲ့ ဒေါက်ဖိနပ်ဝယ်တဲ့အခါမှာ နောက်ထပ်ဦးစားပေးအနေနဲ့ High Heel Sandal လေးတွေ ဝယ်သင့်ပါတယ်။ ဒီဒေါက်ဖိနပ်ဆိုရင်လည်း ဖက်ရှင်အားလုံးနဲ့လိုက်ဖက်ပါတယ်။ ပွဲတက်အတွက်ကျတော့ သူကသိပ်အဆင်မပြေပေမယ့် ထသွားထလာအတွက်တော့ အရမ်းကိုအဆင်ပြေပါတယ်။

High Heel Sandal ကိုမှ ဒီလိုဒေါက်အချွန်မျိုးဆိုရင်တော့ ပွဲတက်အတွက်လည်း အရမ်းအဆင်ပြေပါတယ်။ ထိပ်ပိတ်ဖိနပ်တွေစီးရင် ခြေထောက်ပေါက်မှာ ကြောက်တဲ့သူတွေအတွက်လည်း အဆင်ပြေမှာပါ။

Clear Strap Heel

အရပ်ပုတဲ့သူတွေအနေနဲ့ အခုနောက်ပိုင်းမှာ အရမ်းခေတ်စားနေတဲ့ Clear Strap Heel ကို ဝယ်သင့်ပါတယ်။ သူကဒေါက်အကြည်ဖြစ်တဲ့အတွက် စီးထားရင် ဒေါက်စီးထားမှန်း သိပ်မသိသာတဲ့အတွက် အရပ်ရှည်သလို ဖြစ်စေပါတယ်။ သူကျတော့ မြန်မာဝတ်စုံတွေ၊ စကပ်အကျပ်၊ ဂါဝန်အကျပ်လေးတွေနဲ့ ပိုပြီးတော့ လိုက်ဖက်ပါတယ်။